Yoohana 1:49 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁹ Naꞌdaanayel wihi us yidah, “Eti weenoow! Ati Weeli Waakhe. Ati a karnati Issiraayel.”

Yoohana 1:49 Referans Kwoze

Yoohana 1:34

An waha a arge, saggi rumanka us Weeli Waakh iyahe, a cheeka.”

Luuka 19:38

“Waakh karnati magahi Kamur kayamiit a imaale! Goobi Waakh nebey a lakakaala, Waakkheenki inti weyti saraat kijiro a lakoolicho.”

Mattaayo 27:42

“ꞌDooꞌdi addan a ribe, iꞌdaasenyi isribin ma yabuuꞌd. Usu a karnati Issiraayel a? ꞌDiicha toolla massalaaba a kasooyago, ꞌdee usu a rummeysanni,” esseen.

Mattaayo 21:5

“ꞌDooꞌdi ilkerengeetti Saayon yaal mehe itadeeh ya, ‘Yeya, karnatiin a yamiite, ulla a etoo samacchaare, inkuraarru sookora, weeli ehele sookora.’ ”

Mattaayo 2:2

Iche la wihi iche worsatte, “Weeli desse karnati Yaꞌhuud yateeh mee? Iꞌdi tahe bakkaali delmaattiis tuso usuhi beri kasookore a agarre, nah la usu nimiyye wahannaa.”

Yoohana 1:38

Yeesso urgiye, ichehi usu sooraahto arge, “Mehe ꞌdoontaan?” worsate. Iche la, “Eti weenoow, at intoh fiddiita?” worsatte.

Mattaayo 27:11

Yeesso geeddaas ba Bilaatohi gaafanee ortiis tolossate, gaafana la wihi us worsate, “Karnati Yaꞌhuud a ati?” Yeesso wihi us ilaabe, “A rum, a iꞌdaas at elatti on.”

Mattaayo 14:33

Abattiti kooban goya kijirte la jilbo il kaguꞌdubte, Yeesso wahatte, “Rumanka ati Weeli Waakhe,” tidah.

Yoohana 18:37

Bilaato wihi us iyidah, “At ꞌdeerka a karnat!” Yeesso wihi us ilaabe, “Aa, at a eysiisse, chaꞌat an a karnat tidah! Rumanka ani jeentetaase liidele, toro jeentetaase harrata iimiyye, ꞌdee rum cheeka. Eti tuummane rum ꞌdoono, a idagansata.”

Yoohana 1:18

Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.

Mattaayo 4:3

Seytaanki ꞌDookkaje layadeeh la iyimiyye, iiyeyye, “Chirri at Weeli Waakh tahe, dagahta leeyeede makaate a titaahe.”

Mattaayo 23:7

Sokkoyyo ka la ichehi weyti inkaanyit ka labariiticho, enenyet tuumman, ‘Eti weenoow,’ idowo iche ꞌdoonaan.

Mattaayo 23:8

“Iꞌdaasenyi uus, ‘Eti ween,’ atin liidowin. A mehe Kamuriin a koo kaldach one, atin la a ꞌdooꞌdi yaaftoo kaldach.

Marko 15:32

Kan Lasubhe, Karnata yaafohi Issiraayele bal toolla massalaaba a kasooyago, ꞌdee a agarro, a rummeysanni giꞌde!” ꞌDooꞌdi laleekaahe laka weyti usu leeabaarrame.

Luuka 1:35

Herti Waakh wihi iche ilaabte, “Rubeyti Munyee a kisooyagta, miigti Waakkhi Weyti Ween iꞌdi oosimeet u koogoogta. ꞌDeerka weela munyeenye dessi Weeli Waakhe layadeeh.

Yoohana 1:50

Yeesso la wihi us iyidah, “At jeenteti an atihi geeyi fiig iliis fiddiito kiarge kiidahye ani irummeysatta? Wihi wahaas kussan a agarta.”

Yoohana 4:31

Geeddaas tuumman la abatti Yeesso hawwaassatta, “Eti ween, bal wohoo aham,” idowta.