Yoohana 1:45 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁵ Fiilif Naꞌdaanayel ꞌhele wihi us iyidah, “Nah eti goorat Muusa Chiirnaanneti Amurre ka chiire, ꞌdooꞌdi Waákh íyeyyeedo laka woriis chiireen a ꞌhelle. Ulla a Yeessohi ilkerengeetti Naasarete, a ínam Yuussuf.”

Yoohana 1:45 Referans Kwoze

Luuka 24:27

Yeesso la wihi goorat usu miinsane Chiirnaanneti Waakh goya kachiiran ibabbakkaahiche. Uus buuggag Muusa lakasookhabti ichoowka buuggassi ꞌdooꞌdi Waákh íyeyyeedo chiireen tuumman icheeke.

Mattaayo 2:23

ilkerengeettoo Naasaret layadeeh furte. Iꞌdaas ka wihi goorat ꞌdooꞌdi Waákh íyeyyeedo ka lacheeke labuuhiche, “Usu berri eti Naasarete layadeeh.”

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Luuka 4:22

ꞌDooꞌd tuumman haaggiis kaayyeede toro yeeda haaggane afiis kasoobahe kagirmeeste, wihi icho isworsateen, “Waha inam Yuussuf menya?”

Yoohana 18:7

Yeesso toro inokhte, worsate, “Ayyo yowattaan?” Iche la wihi iche ilaabte “Yeessohi ilkerengeetti Naasarete yowanna.”

Marko 6:3

Eta tagaanki khoꞌdoomme diso menya? Maariya abartiis menya? Yaakoobo ichoow Yuuda, ichoow Yoosse, ichoow Siimon menya leedesse? Waha la albehi leedesse menya inno leejiro?” ꞌDooꞌd la usu kahollowe.

Mattaayo 21:11

Urur la wihi us laabe, “Kan a eti Waákh íyeyyeedo, Yeesso layadeehe, ilkerengeetti Naasarete boroofenhi Gaalilaaya kajirto kayimiy.”

Hilassi Ergaano 22:8

“Wihi an worsade, ‘Kamur at a ayyo?’ “Wihi us isoolaabe, ‘An a Yeessohi Naasarete at sina omhisso.’

Hilassi Ergaano 10:38

Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.

Yoohana 21:2

Abatti Yeessoti isleejirte a Siimonhi Beetero layadeeh ichoow Toomashi magahiiski addan Manꞌdáan layadeeh ichoow Naꞌdaanayelhi boroofenhi Gaalilaaya ka ilkerengeetti Kaana kayimiy ichoow yeele Sebedaayo ichoow abattitoo addane lammee.

Luuka 2:4

Yuussuf ꞌdeerka ilkerengeetti Naasarete boroofenhi Gaalilaaya kajirto kakahe, boroofenhi Yaꞌhuudiya ka, ilkerengeetti Beꞌdeleheem layadeehe goorat karnati Dawuud layadeeh kadesse irte. Yuussuf la jeenteti us hiiy Dawuud iyahe, iche ilkerengeettaas iirte.

Marko 14:67

Chirri iche Beeterohi ꞌdab dahammooti agarte ka fiirisse, “At laka etaas Naasarete Yeesso layadeeh a leejirte,” tidah.

Mattaayo 13:55

“Us eta aabbahiis eti tagaanki khoꞌdoommee menya? Magah abartiis Maariya menya? Yaakoobo ichoow Yuussuf ichoow Siimon ichoow Yuuda la walaalinyetiis menya?

Hilassi Ergaano 26:9

“Ani rubeyteey laka wihi an tissibe, wihi an abuuꞌd tuummane yeele, antohi magah Yeessohi Naasarete tirrimaa.

Hilassi Ergaano 3:6

Beetero ꞌdeerka et iiyeyye, “Walah chilimenye an khabo mele, iꞌdaasenyi wihi an khabo kisiicha. Antohi magah Yeesso Kiriistohi Naasaret ka, kahe soho!”

Hilassi Ergaano 2:22

Beetero toro wihi us yidah, “ꞌDooꞌdi Issiraayeloow, bal yeeda nabah isuda! Waakh Yeessohi Naasaret ka wihi weeli enenyet yeelin iubaaꞌdan ichoow girmo ichoow wahanyeyyohi miigti Waakh tuso a atin tuse. Iꞌdaakka Yeesso rumanka antohi Waakh khabo a atin tuse. Atin la wahaas a garattaan.

Yoohana 19:19

Bilaato la amuri baawatoo lachiiro, massalaaba Yeesso sarche lakalooꞌdicho bahche. Wihi lakachiire la a mehe ya, Yeessohi Ilkerengeetti Naasaret, Karnati Yaꞌhuud.

Yoohana 18:5

Wihi icho ilaabeen, “Yeessohi ilkerengeetti Naasarete yowanna.” Ulla wihi us ilaabe, “A ani gon.” Yuudahi Yeessó ꞌdub goocho la icho a leetoolla.

Yoohana 6:42

Wihi icho yidaaheen, “Eta Yeessohi ínam Yuussufe menya? Aabbahiis ichoow abartiis inno ma garanni? Saggoh toolla goobi Waakhe kiimiy iessa?”

Luuka 3:23

Maanti Yeesso hili us Yeedi Waakh cheeko sookhabte, Yeesso geeddi guꞌh tomon seyyahe khabe. ꞌDooꞌd tuumman la goorat kol Yeesso ínam Yuussuf yahe koogyahe. Yuussuf la a hiiy ꞌHeeli.

Mattaayo 10:3

Fiilif, Barꞌdolomaayo, Toomas, Mattaayohi kooddi goocho, inam Alfaayo ki Yaakoobo layadeeh, ꞌDaꞌdaayo,

Luuka 2:48

Aabbahiis ichoow abartiis la chirri icho argeen ka weyti girmeesteene, abartiis la wihi iche itidah, “Inankaaw a iꞌdoh iꞌda nah iyeessa? Ani ichoow aabbahaah ba weyti nahne geeddi nah kiyowanni on.”

Yoohana 1:44

Fiilif iꞌdi Andereeya ichoow Beeteruu, ullaka ilkerengeetti Bessaayda kayimiy.

Yoohana 6:5

Chirri Yeesso serey yeye ururi buurenye isoosohti arge ka, wihi us Fiilif iyidah, “Intoh gololi inno ꞌdooꞌda tuumman kagoollinno kasooganna?”

Yoohana 6:7

Fiilif wihi us Yeesso ilaabe, “Gololi ꞌdooꞌda ebba wohoor on yaham, chilimmeti eti orrah kud lamma hil haaggiche laguto, iche ꞌdoona!”

Yoohana 12:21

ꞌDooꞌdaas la Fiilifhi ilkerengeetti Bessaayda boroofenhi Gaalilaaya kajirto kayimiy iirte, wihi icho iyidaaheen, “Eti ween, nahi Yeesso agarro ꞌdoonna.”

Yoohana 14:8

Fiilif la wihi us iyidah, “Kamur, bal Aabbahaah nah tus, nah walah addane nah ꞌdoonno mele.”

Luuka 18:37

Wihi icho usu iyidaaheen, “Yeessohi ilkerengeetti Naasarete kuta.”