Yoohana 1:44 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁴ Fiilif iꞌdi Andereeya ichoow Beeteruu, ullaka ilkerengeetti Bessaayda kayimiy.

Yoohana 1:44 Referans Kwoze

Yoohana 12:21

ꞌDooꞌdaas la Fiilifhi ilkerengeetti Bessaayda boroofenhi Gaalilaaya kajirto kayimiy iirte, wihi icho iyidaaheen, “Eti ween, nahi Yeesso agarro ꞌdoonna.”

Mattaayo 11:21

“Atinhi ilkerengeetti Choorasin taalliin sinati atin sugto eenna a buure! Atinhi ilkerengeetti Bessaayda taalliin sinati atin sugto eenna a buure! Iꞌdi tahe chirri wihi ittaawenye weeli enenyet yeelin iubaaꞌdane goytiin ka layeele goorat ilkerengeetti Tiiro ichoow ti Siidon ka layeele, ꞌdooꞌdaas arraagane uskeelicho kasoonokhte, ꞌdeerka ingaꞌdaaꞌdiyyo gessate, bombey kadowte.

Luuka 10:13

“Atinhi ilkerengeetti Choorasin taalliin sinati atin sugto eenna a buure! Atinhi ilkerengeetti Bessaayda taalliin sinati atin sugto eenna a buure! Iꞌdi tahe chirri wihi ittaawenye weeli enenyet yeelin iubaaꞌdane goytiin ka layeele goorat ilkerengeetti Tiiro ichoow ti Siidon ka layeele, ꞌdooꞌdaas uskeelicho a kasoonokhte, ꞌdeerka ingaꞌdaaꞌdiyyo gessate, bombey koorronte.

Luuka 9:10

Chirri ergaano soonokhatte ka, wihi iche yeesse Yeesso icheekte. Yeesso ꞌdeerka ergaano khaatte ilkerengeettoo Bessaayda layadeeh ka intoo khaawwan irteen.

Marko 8:22

Ilkerengeetti Bessaayda yimaateene, ꞌdooꞌdoo la etoo indo laa Yeesso ikeene, hawwaasteene, ꞌdee dahan a kaꞌdaaro.

Marko 6:45

Yeesso chirraas on abattitiis kooban gesse, geeddi us urur kahcho, iche la ortiis inti beyti Gaalilaaya afichekuusenye Bessaayda layadeehe iratta.

Marko 3:18

Reeri addan la a Andereeya, Fiilif, Barꞌdolomaayo, Mattaayo, Toomas, inam Alfaayo ki Yaakoobo layadeeh, ꞌDaꞌdaayo, Siimonhi magahiis Yaaftiisꞌdoone layadeeh,

Mattaayo 10:3

Fiilif, Barꞌdolomaayo, Toomas, Mattaayohi kooddi goocho, inam Alfaayo ki Yaakoobo layadeeh, ꞌDaꞌdaayo,

Hilassi Ergaano 1:13

Chiꞌicho sooeleeleen ka, inti minki saraate iche maanassaas fiddiito ikorte. Ichehi intaas fiddiito a Beetero ichoow Yoohana ichoow Yaakoobo ichoow Andereeya ichoow Fiilif ichoow Toomas ichoow Barꞌdolomaayo ichoow Mattaayo ichoow inam Alfaayoki Yaakoobo layadeeh ichoow Siimonhi Yaaftiisꞌdoone layadeeh ichoow inam Yaakooboki Yuuda layadeeh.

Luuka 6:14

ꞌDooꞌdaas us soobahsate a Siimonhi us magahoo addan ibahche Beetero yidah, walaaliiski Andereeya layadeeh, Yaakoobo, Yoohana, Fiilif, Barꞌdolomaayo,

Yoohana 1:43

Ibeenki kaas sooraaho ka, Yeesso usuhi boroofenhi Gaalilaaya irti gooche. Fiilif ꞌhele wihi us iyidah, “Kaale abattiteey ateeh.”

Yoohana 1:45

Fiilif Naꞌdaanayel ꞌhele wihi us iyidah, “Nah eti goorat Muusa Chiirnaanneti Amurre ka chiire, ꞌdooꞌdi Waákh íyeyyeedo laka woriis chiireen a ꞌhelle. Ulla a Yeessohi ilkerengeetti Naasarete, a ínam Yuussuf.”

Yoohana 1:46

“Ilkerengeetti Naasaret a! Rumanka wohoo rucchule haaggan intaas a kasoobahaan on a?” Naꞌdaanayel worsate. Fiilif la wihi us iyidah, “Kaale, isiagar.”

Yoohana 1:48

Naꞌdaanayel la wihi us worsate, “At saggoh ani igaratta?” Yeesso wihi us ilaabe, “Geeddi Fiilif kiwahin, atihi geeyi fiig iliis fiddiito iche kiarge.”

Yoohana 6:5

Chirri Yeesso serey yeye ururi buurenye isoosohti arge ka, wihi us Fiilif iyidah, “Intoh gololi inno ꞌdooꞌda tuumman kagoollinno kasooganna?”

Yoohana 6:7

Fiilif wihi us Yeesso ilaabe, “Gololi ꞌdooꞌda ebba wohoor on yaham, chilimmeti eti orrah kud lamma hil haaggiche laguto, iche ꞌdoona!”

Yoohana 12:22

Fiilif la irte Andereeya icheeke, lammache ba iratte Yeesso icheekte.