Yoohana 1:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Usu jiroti rummaat lakeela. Jirota la weeli enenyete banay ikeenta.

Yoohana 1:4 Referans Kwoze

Yoohana 8:12

Yeesso toro ꞌdooꞌd leeyyeede wihi us iyidah, “An a banayhi harra. Eti tuummane isooraaho, jirtuu mugꞌdi goya ma kaassohti, iꞌdaasenyi banayhi jiro lakeelo siicha.”

Yoohana 12:46

An iꞌdi banayhi harratane iimiyye, ꞌdee et ani irummeesti mugꞌdi goya fiddiyo mele.

Yoohana 5:26

Iꞌdi tahe saggi Aabbaheey enenyet jiro isiicho, iche Weeliis laka enenyet jiro isiicha.

Yoohana 9:5

Geeddi an harrata on kajiro, an a eti ꞌdooꞌdi harra banay siicho.”

Yoohana 11:25

Yeesso la wihi us iyidah, “Ani enenyet omoot kasookahcha, toro jiro siicha. Eti tuummane ani irummeeste, chirri us yumuy laka jiro a ꞌhela.

1 Yoohana 5:11

Wihi us cheeko la kallaayo. Waakh jiroti jirtuu imassan a inno siiche, jirota la eti lakeelo a Weeliissa.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Yoohana 12:35

Yeesso la wihi us icho iyidah, “Geeddoo rucchul on banay khabtaan. Banay goya kasohda giꞌde, geeddi banay jiraane mugꞌdi ikhaatin. Eti mugꞌdi kasohti, inti us isohti ma garti.

Efeesso 5:14

Iꞌdi tahe banay walah tuumman wihi icho yahiin a tusaan. Jeentetaase mehe liiessa ya, “Atiha uꞌdurto, sookahe, omoot kasookahe, Kiriisto la banayhiis a atin kiifchaa.”

Mattaayo 4:16

Atinhi mugꞌdihi uskeel goya fiddiiteen, banayhi Waakhe buure a agarteen. ꞌDooꞌdi ili oosinti omooteet fiddiye, banay a isookoreen.

Kolossaay 3:4

Maanti Kiriistohi jiroteenti rummaat khuccho harra tuumman isoobaho atin laka a leesoobahtaane, iꞌdiis u ababtaan.

Hilassi Ergaano 26:23

Wihi icho cheekeen, Ki Lasubhe sina lakawaaricha, toro eti oraate omoot kasookaho yateehe, ꞌdee ꞌdooꞌdiis ichoow yaafohi Yaꞌhuud ieheynan banayhi saggi Waakh icho iribo tusa.”

Luuka 2:32

Usu yaafohi Yaꞌhuud ieheynane banay ibabbakkaahicha, ꞌdooꞌdaahki Issiraayel la inkaanyit ikeena.”

1 Yoohana 1:2

Eta la a nah isoobahe, nah usu a agarre, runti usu miinsane cheekna. Toro la eta jiroti jirtuu imassan khabo, goorat Aabbahiis leejire nah isoobahe iche atin isoocheekna.

Yoohana 5:21

Saggi Aabbahiis ꞌdooꞌdi tuume isookahcho jiro isiicho, saggaase Weeliis laka, eti us ꞌdoono jiro isiicha.

Bakkaahit 22:16

“Anihi Yeessee herteeytoo a kisooerge, ꞌdee iche la wahanyeyyoha tuummane rummaat ururreteey icheekta. Ani a Hiiy ichoow weel weel Dawuude toro la a Bakkaali Baryo weyti ababo.”

1 Koriinto 15:45

ꞌDeerka wihi chiiran, “Eti oraate Aadam layadeeh, eti noole eheet.” Iꞌdaasenyi, Aadamhi ꞌdaꞌddaboot a Rubeyti enenyet jiro siisso.

Bakkaahit 22:1

ꞌDeerka herti Waakh hawti ꞌdusso bicchehiche jiro lakeelo, bicchehiche weyti warraakhyahiin itusse. Hawta la komborti antoote Waakh ichoow Heleem leeyahiine katamiit.

Yoohana 3:19

“Wihi Waakh gooche kallaayo. Runti Waakhe iꞌdi banayeete harra a soogesse, iꞌdaasenyi enenyet banayhi Waakh menye, mugꞌdi on ꞌdoona. A mehe wihi icho yeelaan a wihi uskeel kaldach on.

1 Yoohana 1:1

Eti nah woriis atin isoochiirro, a ki goorat geeddi wohoo rucchul laka liisoouumin jire. Nah usu a daagne, indoheenyo ka la a agarre, ꞌdeyꞌdoonne, toro la dahanoheenyo ka laka usu a ꞌdaarre. Eta Yeedi jiree iche woriis cheekna.