Yoohana 1:39 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁹ Wihi us ilaabe, “Kaaleya ꞌdee arga.” ꞌDeerka iratte, meessi us fiddiyo agarte. Wahaas la a geeddi sahaꞌd affarti chirdeereet. Maantaas tuumman usu on leeꞌhadde.

Yoohana 1:39 Referans Kwoze

Luuka 24:29

Iꞌdaasenyi soojeycheene wihi icho iyidaaheen, “Kaale a isleebariino orrahe kola a dihtee.” Ulla ꞌdeerka irte icho leefiddiye.

Yoohana 6:37

“Eti tuummane Aabbaheey dahanteey soogesso ani iyamiit. Anna eti tuummane ani iyimiy jirtuu ma riho.

Yoohana 4:40

ꞌDeerka chirri ꞌdooꞌdi Saamariya Yeesso iyimiy ka, hawwaasteene, “Kaale nah leefiddiy,” iyidaaheen. Yeesso la ibeen lamma intaas barye.

Yoohana 1:46

“Ilkerengeetti Naasaret a! Rumanka wohoo rucchule haaggan intaas a kasoobahaan on a?” Naꞌdaanayel worsate. Fiilif la wihi us iyidah, “Kaale, isiagar.”

Bakkaahit 3:20

An kalla! Ani min khariissa toolla, atin waha. Chiꞌ etoo hooyeey daage, min isoogesse, an a soogela, lammateenyo isleegolossanna.

Yoohana 1:38

Yeesso urgiye, ichehi usu sooraahto arge, “Mehe ꞌdoontaan?” worsate. Iche la, “Eti weenoow, at intoh fiddiita?” worsatte.

Yoohana 1:40

Reera lammeenye wihi Yoohana essi daage Yeesso raahe, kichokoo a Andereeyahi walaal Siimonhi Beetero layadeeh.