Yoohana 1:38 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁸ Yeesso urgiye, ichehi usu sooraahto arge, “Mehe ꞌdoontaan?” worsate. Iche la, “Eti weenoow, at intoh fiddiita?” worsatte.

Yoohana 1:38 Referans Kwoze

Yoohana 18:7

Yeesso toro inokhte, worsate, “Ayyo yowattaan?” Iche la wihi iche ilaabte “Yeessohi ilkerengeetti Naasarete yowanna.”

Yoohana 3:2

Ulla ibeen Yeesso iyimiyye wihi us iyidah, “Eti ween, saggi at etoo Waakh sooergate enenyet walah abcho itahe a garanna. A mehe wahanyeyyohi miigti Waakh tuso at yeesso, et addane yeelo mele, eti Waakh leejiro on menye.”

Yoohana 1:49

Naꞌdaanayel wihi us yidah, “Eti weenoow! Ati Weeli Waakhe. Ati a karnati Issiraayel.”

Yoohana 18:4

Yeesso wihi tuummane usu rubeytiis iyateeh a garta gone, orcho yimiyye wihi us worsate, “Ayyo yowattaan?”

Yoohana 6:25

Inkoo ꞌdooꞌd bey aficheki ꞌdiri ka Yeesso ꞌhele ka, wihi icho usu worsateen, “Eti ween, at chirroh inta timiy?”

Yoohana 3:26

Yoohana iyimaateene, wihi icho iyidaaheen, “Eti weenoow, eti goorat hawti Yoordane ꞌdusso ꞌdirihiche ka kileejire, at woriis kayeyyeedde kalla. Yey, enenyet tuumman la usu iirta, ulla baattissiya.”

Hilassi Ergaano 10:29

ꞌDeerka chirri enenyet liisooꞌdiiche ka, ma jijjiitanne imiy. Anna mehe kiworsada ya, mehe iwahte?”

Yoohana 12:21

ꞌDooꞌdaas la Fiilifhi ilkerengeetti Bessaayda boroofenhi Gaalilaaya kajirto kayimiy iirte, wihi icho iyidaaheen, “Eti ween, nahi Yeesso agarro ꞌdoonna.”

Luuka 19:5

Chirri Yeesso geey isoodowwaate ka, serey yeye wihi us yidah, “Sakkaayo, toolla kofche sooyeg. Iꞌdi tahe wihi massan, an maalinka minkaahha fiddiya.”

Hilassi Ergaano 10:21

Beetero il ikhubte wihi us reer iyidah, “Eti atin sooyowatteen a ani. A iꞌdoh itimaateen?”

Luuka 22:61

Kamur la urgiye Beetero indo kakhabte. Beetero ꞌdeerka yeedi Kamur iyidah kasooꞌhele, “Maalinka geeddi lukki iriirin, at kol seyyah, ‘Ma kigardi!’ tadeeh.”

Luuka 15:20

ꞌDeerka kahe anki aabbahiis jiro fool siiche. “Iꞌdaasenyi geeddi us goobicho isooeleelin on fogaka aabbahiis usu arge, uur isoonugleeste inyaame sorboobte dongate.

Luuka 14:25

Maantoo ururoo buure Yeesso sooraahe ulla urur iurgiye wihi us iyidah,

Luuka 10:39

Maarta la walaassichetoo Maariya layadeeh a jirta. Maariya la luhlo Kamur hagga fiddiita, yeed Yeesso dagansatta.

Luuka 8:38

Eti kootte ginnayyo lakabahche Yeesso hawwaaste, usuhi raaho daahe, iꞌdaasenyi Yeesso et laabe wihi us iyidah,

Yoohana 1:37

Chirri abattita lammee usuhi waha essi daagte ka, Yeesso raahte.

Yoohana 1:39

Wihi us ilaabe, “Kaaleya ꞌdee arga.” ꞌDeerka iratte, meessi us fiddiyo agarte. Wahaas la a geeddi sahaꞌd affarti chirdeereet. Maantaas tuumman usu on leeꞌhadde.

Yoohana 4:31

Geeddaas tuumman la abatti Yeesso hawwaassatta, “Eti ween, bal wohoo aham,” idowta.