Yoohana 1:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ An waha a arge, saggi rumanka us Weeli Waakh iyahe, a cheeka.”

Yoohana 1:34 Referans Kwoze

Yoohana 1:49

Naꞌdaanayel wihi us yidah, “Eti weenoow! Ati Weeli Waakhe. Ati a karnati Issiraayel.”

Mattaayo 4:3

Seytaanki ꞌDookkaje layadeeh la iyimiyye, iiyeyye, “Chirri at Weeli Waakh tahe, dagahta leeyeede makaate a titaahe.”

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.

Bakkaahit 2:18

“Herti Waakhe keleyenye urur Kiriistoki ꞌDiyaaꞌdira itolosso waha ichiir. Waha a farniinki Weeli Waakh kayamiit. Indohiis a iꞌdi ꞌdabi weyti bolkho, luhlohiis la iꞌdi birtoo boorane lasiguu a bildiikhaan.

Rooma 1:4

Waakh maanti us Rubeyti Munyee ka Yeesso Kiriisto omoot kasookahche, jiti miige ka saggi rumanka Yeesso Kiriistohi Kamureene Weeli Waakh iyahe a tuse.

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

1 Yoohana 4:9

Waakh saggane ꞌdoonintiis inno ituse, Weeliiski kaldaye harrata isooerge, ꞌdee Weeliiska ka jirra.

1 Yoohana 3:8

Eti tuummane uskeel yeelo a ki Seytaan, a mehe Seytaan uus uumaccho ka us uskeel on yeela. Weeli Waakh a yimiyye ꞌdee hili Seytaan baabiicha.

1 Yoohana 2:23

Eti tuummane Weeli Waakh ꞌdiiꞌdo, Aabbaheen ma khabo. Eti saggi Yeesso Weeli Waakh iyahe cheeko tuumman la, Aabbaheen laka a khaba.

2 Koriinto 1:19

A mehe Yeesso Kiriistohi Weeli Waakhenye ani ichoow Silfaano ichoow Timooti woriis atin icheekne, koloo kalday laka, “Aa,” ichoow, “Mele,” ma isleeyadeeh. Iꞌdaasenyi usu ka a, “Aa,” kalday on.

Yoohana 19:7

Weynaanti Yaꞌhuud tirriinsatte wihi iche tidah, “Nah amuri eti iꞌdee a layigaase yadeeh a khabna. A mehe us, ‘Aní Weeli Waakhe,’ iche essa.”

Yoohana 11:27

Iche la wihi iche itidah, “Aa, Kamur, saggi at Ki Lasubhe itahe, at Weeli Waakhe goorat harrata yamiit itahe, a rummeesda.”

Yoohana 10:36

ki Aabbaheey soobahsate kiis kayeesse harrata isooerge la? A iꞌdoh ꞌdeerka chaꞌan, ‘Ani a Weeli Waakh,’ idah, a gafe ielattaan?

Marko 1:1

Waha a uumacchoti Wori Haaggane, Yeesso Kiriistohi Weeli Waakhe miinsan.

Mattaayo 27:54

Chirri eti koobbintoo iskareet itoollo ichoow iskarti leejirte Yeesso yuubisso harrati sesseehto ichoow wihi tuummane yitah agarte ka, weyti nahte, “Rumanka usu Weeli Waakhe eheet,” tidah.

Mattaayo 27:43

“Usu Waakhe kakhuufa, ‘Aní Weeli Waakhe,’ iche essa menya? ꞌDiicha giꞌde Waakh usu a ribo chiꞌ Waakh usu ꞌdoono,” yidaaheen.

Mattaayo 27:40

“Atihi minki Waakhe buure jejjebisso, toro orrah seyyah on ka disso, bal isribe, massalaaba kasooyag chaꞌat Weeli Waakh tahe!” iche idowaan.

Mattaayo 26:63

Iꞌdaasenyi Yeesso gammadiche. Kuhaanihi weyti ween la wihi us iyidah, “Magahi Waakkhi jiro ka daato, usu at Ki Lasubhe toro Weeli Waakh tahe, nah isoocheek”

Mattaayo 17:5

Yeyyeedaayi, mirisoo dakhane torrogoot icho ankube, hooyoo la miris goyaka sooyeede, “Waha a Weeleeyki an weyti ꞌdoono, an weyti kahamaado. Usu nabah isuda!” yidah.

2 Yoohana 1:9

Eti tuummane wihi Kiriisto ꞌdooꞌd abche iraahine, wihi awtiis kakhaye, Waakh ma khabo. Eti tuummane orey isohti wihi Kiriisto ꞌdooꞌd abche khuccho, Waakkhi Aabbaheene ichoow Weeli Waakh ba a khaba.

Ibiraaniya 7:3

Walah Melkisedeek aabbahiis ichoow abartiis ichoow aacchinyetiis laka miinsane lasoocheeke mele. Maanti us desse ichoow maanti us yumuy laka ma lacheekin. Us iꞌdi Weeli Waakh u, jirtuu dakkhan a kuhaani on.

Luuka 3:22

Rubeyti Munyee la iꞌdi kutukuurrug u serey ka isooyagte. Hooyoo la serey kasooyeede wihi us yidah, “Ati a Weeleeyki an weyti ꞌdoono, weyti ikahamaadicho.”

Luuka 1:35

Herti Waakh wihi iche ilaabte, “Rubeyti Munyee a kisooyagta, miigti Waakkhi Weyti Ween iꞌdi oosimeet u koogoogta. ꞌDeerka weela munyeenye dessi Weeli Waakhe layadeeh.

Marko 1:11

Hooyoo serey kasooyeede, wihi us yidah, “Ati a Weeleeyki an weyti ꞌdoono, weyti ikahamaadicho.”

Mattaayo 16:16

Siimonhi Beetero layadeeh wihi us ilaabe, “At a Ki Lasubhe, a Weeli Waakkhi jirtuu tuumman jiro.”

Mattaayo 11:27

Yeesso toro wihi us ꞌdooꞌd iyidah, “Aabbaheey walah dakkhan dahantaaya soogesse. Aabbahaaya on menye et Weeliis garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.

Mattaayo 8:29

Chirraas on riireene, “Weeli Waakh, at mehe nah kaꞌdoonta? Geeddi ibeenki Waakh nah ichiire iitaahan on tamiite bolokh nah tussa?” yidaaheen.

Mattaayo 4:6

Wihi us Yeesso iyidah, “Chirri at Weeli Waakh tahe, inta kanyaam. Iꞌdi tahe wihi chiiran, “ ‘Waakh hertiis amure ibahcha, iche la dahanohiche ka serey kiokkhissa, uus ꞌdee luhtaah dagah guꞌddine.’ ”

Mattaayo 3:17

Hooyoo la serey kasooyeede, wihi us yidah, “Waha a Weeleeyki an weyti ꞌdoono, weyti ikahamaadicho.”

Yoohana 20:28

Toomas chirraakka, “Ati a Kamuraaya, toro la a Waakkhaaya,” iyidah.

Yoohana 10:30

Ani ichoow Aabbaheey a koo kalday.”

Yoohana 6:69

Toolla la nah saggi at Ki Munyeenye Waakh kayimiy itahe a rummeysanna toro la a garanna.”

Yoohana 1:18

Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.