Yoohana 1:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ Ibeenki kaas sooraaho ka, Yoohanahi Enenyet Baattissiyo Yeessohi soosohti arge. Yoohana la wihi us yidah, “Yeya, Heleenki Waakhe uskeeli ꞌdooꞌdi harrata bahcho kalla.

Yoohana 1:29 Referans Kwoze

1 Yoohana 2:2

Usu goorat lasoorriyooche, ꞌdee holi Waakhe uskeeleen keeno bahcha. Jeenteti soorriyotiis u la, Waakh uskeeleen kalday ma bahcho, iꞌdaasenyi uskeeli weeli enenyet tuummane bahcha.

1 Yoohana 3:5

Iꞌdaasenyi saggi Yeesso iyimiyye ꞌdee uskeeleen inno ikabahcho a garattaan. Ulla uskeeloo rucchul laka ma yeelin.

1 Beetero 1:19

Iꞌdaasenyi diig Yeesso Kiriistoki lagane iꞌdi heleenki miꞌdabenye eloo rucchul laka ikhabine lagute.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

1 Beetero 2:24

Usu rubeytiis la massalaaba ka uskeeleen a siꞌde. Iꞌdane yeele ꞌdee uus kola uskeel inno dakhanne, jiroti fissan jirra. Sinati loomhiche ka, atin a samaatteen.

Ibiraaniya 1:3

Weela Waakh la weynaanti Waakkhi ababo tusa, ulla toro a fooli Waakh. Ulla yeediiski miig leh ka wihi tuummane jiro khuccha. Ulla a yumuyye, ꞌdee usu rubeytiis jiti uskeeli weeli enenyet lakadikho yitah. Inkoo us wahaas yeele ka, goobi Waakh ka Waakkhi Weyti Ween ankiiski miigeet orronte.

Bakkaahit 6:1

Geedda an fiiricho, Heleem hanjati oraate khadaabi yuuban kadagsan bukkhiche. ꞌDeerka wahanyeyyohi lasoouume rubey khabo affare kichokoo, usuhi hooyi iꞌdi ki guugahe ka, “Kaale!” iyidah daage.

Bakkaahit 12:11

ꞌDooꞌd Kiriisto diiggi Heleem ka ichoow wori rummaate icho cheekeen ka Seytaan a sooricheen. Toro la chirri icho layagiis laka, icho omoot ma karoorin.

Galaatiya 3:13

Kiriisto falohi amurre Muusa a inno kasoogatte inno soofure, iroonoteen u lafale. A mehe wihi chiiran, “Eti tuummane geey lakalooꞌdiche a falanyahe.”

Yoohana 1:36

Chirri us Yeessohi kuto arge ka, wihi us yidah, “Yeya, Heleenki Waakh kuulla.”

Bakkaahit 7:17

A mehe Heleenki komborti antoot kafiddiyo ersinkichooda yateehe, ulla issi bicchehi jiro lakaꞌhelo icho iwoya. Waakh la ilmohicho tuumman indohicho a kahiyyaaya.”

Hilassi Ergaano 8:32

Eti sangꞌee Chiirnaanneti Waakh goyaka wahane soome, “Usu iꞌdi naffi iiyyaate inti lakagoorraho liiwoyuu, toro la iꞌdi heleenki tim lagoggoocho iyeedin u, afiis ma bukkhin.

Bakkaahit 17:14

Binaha ichoow karnatoha ba Heleeme diho kiirtaane, iꞌdaasenyi Heleem ichoow ꞌdooꞌdiis ba icho kahataataan. A mehe us a Kamuri kamurre kussan, toro a Karnati karnato kussan. Toro la ꞌdooꞌdi usu leejiro a ꞌdooꞌdi Waakh wahe, Waakh soobahsate toro Waakh a kakhuufaan.”

Bakkaahit 15:3

geey Muusahi falfati Waakhe ichoow geeyi Heleem laka doween, “Kamuri Waakhenye Miig Tuumman Leh, wihi at yeesso geeddoo meheenye haag ichoow girma yahiin! Karnati yaafo tuummanoow, wihi at yeesso a wihi rummaate am at kareeto mele.

Bakkaahit 14:1

An ꞌdeerka yeye, Heleem orteey ka Hali Saayone fuula. ꞌDooꞌdi alif kudoo, alif tomon affar ichoow alif affare usuhi Heleem leejiro laka arge. Waha a ꞌdooꞌdi magahi Heleem ichoow magah Aabbahiis ba miinassicho kachiiranyahiin.

Bakkaahit 7:14

Wihi an ilaabe, “Eti ween, ati a garatta.” Ulla wihi us isoolaabe, “Waha a ꞌdooꞌdi sinati buure goya kasoobahe, a ꞌdooꞌdi kabuuꞌddeticho diiggi Heleem lakadikhe, ladakhnaache.

1 Beetero 3:18

A mehe Kiriisto maantoo kalday on uskeeleen iyumuyye, maantoo addan la uskeeleen ma iyamuut. Eti fissan jeenteti ki khollokkhane iyumuyye ꞌdee inno Waakh inno ikeena. Usuhi weeli enenyetenye layigisye, iꞌdaasenyi Rubeyti Munyee ka omoot lakasookahche.

Bakkaahit 19:9

Herti Waakh ꞌdeerka wihi iche ani itidah, “Waha chiir, ‘ꞌDooꞌdi Waakh imaalo a ki Waakh oroosi Heleem iwahe.’ ” Herti Waakh kakhayte, wihi iche tidah, “Waha a yeedassi rummaate Waakh.”

Bakkaahit 14:10

ullaka farsoti sabiibe holi Waakh itolosso soodama. Hola la, farsoti sabiibe miigenye bicchehoo rucchul laka liikakhayine kokkoob lakachibo liiokkanaache. Waakh eta herti Waakhe munyee ichoow Heleem ortiis ka dagahti bolokhto ka weyti bolokh tusa.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Yoohana 3:16

Iꞌdi tahe Waakh weeli enenyet tuumman weyti ꞌdoone, ꞌdeerka weeliiski kalday soodiibe, ꞌdee eti tuummane Weeli Waakh rummeeste ma yamuute, iꞌdaasenyi jiroti jirtuu imassan ꞌhela.

Bakkaahit 19:7

Weyti hamaano, weynaantiis koolinno! Iꞌdi tahe oroosi Heleem a yitah. Inantiisti us disti la a istannabisse.

Bakkaahit 14:4

Waha a ꞌdooꞌdi isibiꞌdirroonne deyyeho ileeurꞌdin, a mehe icho miꞌdabe iskayeeleen. Icho la Heleem meelbaaw us irti a raahaan. Waakh icho ꞌdooꞌdi harrata goyaka a soogatte, toro iꞌdi gurnaanki oraat u, Waakh ichoow Heleeme ibahche.

Bakkaahit 5:8

Chuꞌus khaate ka, wahanyeyyohi affarenye lasoouume rubey khabo ichoow ewweenki tomon lamma ichoow affare ba Heleem ortiis ka il guꞌddeen. Kooba la reenkoo ꞌhaab layadeehe chirri geeyo ladowo laguꞌddo ichoow baakhuuli ꞌdahabe uyuuggi lagubo kajiro iche khaba. Uyuugga la weysihi ꞌdooꞌdi Waakhe itoolla.

Bakkaahit 1:5

Toro la Yeesso Kiriistohi runti Waakh ka garti lakakhuufo laabo, eti kolooraate omoot kasookaheenye, toro weynaanti harrata dakkhan anti ba atin imaala, nebey atin kakaala. Yeesso Kiriisto a inno ꞌdoona toro la diiggiis ka uskeel a inno kasoofure.

Bakkaahit 21:9

Herti Waakhe teebeenye baakhuulleti teebeenye sinayyohi yomboot buuhaan khabte kichekoo yimiyye ileeyeede wihi us iyidah, “Kaale, nyarnyaar a kituso, iche a makhaabassi Heleem.”

Bakkaahit 6:16

ꞌDooꞌda la halal ichoow daddaabo kariireene wihi icho iyidaaheen, “Nah kasooreya, fooli eti komborti antoot kafiddiyo ichoow holi Heleem nah kadagcha.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Bakkaahit 21:27

Walah biꞌdirenye jirtuu ilkerengeet goya gelo mele. Toro la eti wihi lakhaanyee yeelo ommos eti been goocho goya ma gelo. ꞌDooꞌdi gelo, a ki magahenyeticho buuggi Heleeme ꞌdooꞌdi jiroti jirtuu imassan khabo lakachiire kaldach on.

1 Yoohana 4:10

ꞌDoonine talla, inno mee Waakh ꞌdoonne, iꞌdaasenyi usu inno ꞌdoone toro Weeliis sooerge, soorriyotiis ka, holi Waakhe uskeeleen keeno bahcha.

1 Timooti 2:6

Yeessoha la iꞌdaanu rubeytiis diibe, ribnaanki weeli enenyet tuumman gute. Omoot Yeesso Kiriisto ka, ibeenki mujjume ka Waakh saggi us weeli enenyet iribo a tuse.

1 Koriinto 15:3

Iꞌdi tahe an wihi weyti khummane an ꞌhele iche atin isookucche. Kiriisto jeenteti uskeeleenna iyumuy saggi Chiirnaanneti Waakh liikachiiruu.

Mattaayo 20:28

Saggaas on u, Ínam Aadam ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

Bakkaahit 5:6

ꞌDeerka komborti Waakhe antoot orche ka Heleenki wahanyeyyohi affarenye lasoouume rubey khabo ichoow ewweenki tomon lamma ichoow affare ba khaaricheen arge. Heleenka ki lasoorriyooche iyoogyahe. Ulla gaas teeba ichoow il teeba khaba. Indoha teebee la, a rubeyohi Waakhe teebeenye harra tuumman liierge.

Ibiraaniya 9:28

Saggaas on u Kiriisto laka koloo on lasoorriyooche, ꞌdee uskeeli ꞌdooꞌdi buure bahcha. Ulla maanti lammaatteete us soonokhti, uskeeli us toro bahcho ma iyamiite, iꞌdaasenyi ꞌdooꞌdi usu weyti sugo iche yamiite, ribnaan ikeena.

Galaatiya 1:4

Yeesso Kiriisto ichoow wihi Waakkheenki Aabbaheene ꞌdoono a israahaan. Iꞌda ka jeenteti uskeeleen u a issoobahche yumuyye ꞌdee ꞌdarriti uskeele weyꞌda inno kariba.

Hilassi Ergaano 13:39

Usu ka eti tuummane usu rummeeste, Waakh eti fissane iekkaacha. Iꞌdaasenyi amurre Muusati laraaho ka, Waakh etoo kalday laka eti fissan ma iekkaacho.

Mattaayo 1:21

Iche la inankoo dessa, magahi at ibihisso la a Yeesso. A mehe us ꞌdooꞌdiissa uskeelicho karibaa.”

Bakkaahit 21:14

Khaara daddaaboote ilkerengeetta ween kamarsan, daddaabohoo ilaate tomon ichoow lammee iche kadisanyahe. Daddaabe ba la magahi ergaanoti Heleeme tomon ichoow lammee, iche kachiiran.

Ibiraaniya 2:17

Jeentetaas u sagag tuumman ka iꞌdi ꞌdooꞌdi uuriisenye yitahye, kuhaanihi weyti weene hili Waakh ka lakakhuufo toro uur nugul yitah. Ulla toro iꞌdane yeele, ꞌdee soorriyoti holi Waakh laabto bahcha, ꞌdee Waakh uskeeli weeli enenyet kakuta.

Yoohana 1:35

Ibeenki kaas sooraaho, Yoohana abattitiistoo lammee khabaayi toro intaase toolla.

Yoohana 1:43

Ibeenki kaas sooraaho ka, Yeesso usuhi boroofenhi Gaalilaaya irti gooche. Fiilif ꞌhele wihi us iyidah, “Kaale abattiteey ateeh.”

Yoohana 2:1

Ibeenki seyyahnaatteet ka, oroosoo ilkerengeetti Kaana boroofenhi Gaalilaaya kajirto ka lagele. Abar Yeesso la intaas a kajirte.

Yoohana 4:42

Wihi icho makhaabál iyidaaheen, “Toolla yeedaah kalday on ma rummeysanni, iꞌdi tahe nah laka awteenyuu usu a daagne, toolla la saggi rumanka eta ꞌDoorribehi enenyeti harra tuumman iyahe a garanna.”

Yoohana 6:51

Ani a gololi rummaate jiro lakeelo goobi Waakh kayamiit. Eti tuummane golola yuhum, jirtuu tuumman a jira. Gololi an eta siicho a sarteeyti an soobahcho, ꞌdee ꞌdooꞌdi harrata jiro kaꞌhelo.”