Yoohana 1:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Yoohana wihi us ilaabe, “An bicche enenyet kabaattissiya, iꞌdaasenyi etoo goytiin kijiro atin igaran, a jira.

Yoohana 1:26 Referans Kwoze

Hilassi Ergaano 1:5

A mehe Yoohana enenyet bicche kabaattissiye, iꞌdaasenyi maanassa, Rubeyti Munyee ka a atin labaattissiya.”

Luuka 3:16

Yoohana la wihi us icho dakkhan ilaabe “An toolla bicche atin kabaattissiya, iꞌdaasenyi etoo ani ikaween a yamiit. Anna falfihi kobtiissa an jalkhicho ma muꞌdan. Ulla Rubeyti Munyee ka ichoow ꞌdab ka a atin baattissiya.

Marko 1:8

Ani toolla bicche atin kabaattissiya, iꞌdaasenyi us berri Rubeyti Munyee ka a atin baattissiya.”

Mattaayo 3:11

Yoohana toro wihi us yidah, “Ani atinhi tuummane uskeeliin kasoonokhatteen, bicche atin kabaattissiya. Iꞌdaasenyi etoo ꞌdubeey ka yamiit weyti ikaweenyahe, ortiis ka walah an ahe mele, kobtiis laka sinnaan ma muꞌdan. Us Rubeyti Munyee ka ichoow ꞌdab ka a atin baattissiya.

Yoohana 8:19

ꞌDeerka wihi icho Yeesso worsateen, “Aabbahaah meeke?” Yeesso wihi us ilaabe, “Atin ani ma igarattaane ommos Aabbaheey laka ma garattaan. Chirri kootte atin ani igarattaan, Aabbaheey laka a garattaan gon.”

1 Yoohana 3:1

ꞌDooninti Waakkhi Aabbaheene inno ꞌdoono eenna a buure. Waakh rubeytiis laka nyaakhutiissa inno yadeeh! Rumanka la inno a nyaakhuti Waakh! Maantaka ꞌdooꞌdi harrata ma inno garti, a mehe icho Waakkhi Aabbaheene ma gartaane.

Hilassi Ergaano 11:16

Chirraakka wihi goorat Kamur yidah kasooꞌhele, ‘Yoohana enenyet bicche kabaattissiye, iꞌdaasenyi atin Rubeyti Munyee ka a atin labaattissiya.’

Yoohana 17:25

“Aabbaheeyki fissan, chirri ꞌdooꞌdi harrata kigaran laka, an a kigarda, ꞌdooꞌda la saggi at ani isooeregte a garta.

Yoohana 17:3

Enenyet la chuꞌus atihi kaldaye rumanka Waakhe kigarti, toro la Yeesso Kiriistohi at sooergatte garti, wahaas a jiroti jirtuu imassan.

Yoohana 16:3

ꞌDooꞌd la waha tuumman a atin yeela, iꞌdi tahe icho Aabbaheey ma gartaane, ani laka ma igartaan.

Mattaayo 3:6

Eti tuummane uskeeliis Waakh icheekte la, Yoohana hawti Yoordane ꞌdusso ka baattissiye.

Hilassi Ergaano 19:4

Baawulo wihi us iyidah, “Wihi baattissiyo Yoohana enenyet tusso, a ꞌdooꞌdi uskeel kasoonokhte. Yoohana rubeytiis la wihi us ꞌdooꞌd iyidah, ‘Ki ꞌdubeey ka yamiit rummeesda,’ kaas la a Yeesso.”