Yoohana 1:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Maanti weynaanti yaafohi Yaꞌhuude ilkerengeetti weene Yeerusaleem taal, kuhaaniyyo ichoow ꞌdooꞌdoo goob Laaweenye kuhaaniyyo gargaaro Yoohana ieregte, eti us yahe iche worsatte.

Yoohana 1:19 Referans Kwoze

Yoohana 10:24

Weynaantoo Yaꞌhuud Yeesso khaarisse, wihi iche itidah, “Ichoowka maantoh waha nah kadagissa? Chaꞌat Ki Lasubhe tahe, rum on nah isoocheek.”

Hilassi Ergaano 19:4

Baawulo wihi us iyidah, “Wihi baattissiyo Yoohana enenyet tusso, a ꞌdooꞌdi uskeel kasoonokhte. Yoohana rubeytiis la wihi us ꞌdooꞌd iyidah, ‘Ki ꞌdubeey ka yamiit rummeesda,’ kaas la a Yeesso.”

Hilassi Ergaano 13:25

Chirra Yoohana hiliis soomassicho ka wihi us yidah, ‘Kamalda bal, atin ayyo ikoogtahiin? An ki atin sugtaan mee. Yeya, eti ꞌdubeey ka yamiit, an falfihi kobtiissa an jalkhicho ma muꞌdan.’

Yoohana 2:18

ꞌDeerka ewweenki yaafohi Yaꞌhuud wihi us Yeesso worsate, “Wahanyeyyohi miigti Waakh tuso at nah tusso ꞌdee saggi rumanka Waakh antohi at waha kayeesse kisiiche iagarro a mehe?”

Yoohana 5:10

ꞌDeerka ꞌdooꞌdi wewweene Yaꞌhuud wihi us etaas lasamaache iyidah, “Maanta a Seeri Lanaso, amurre ilaalaahki at siꞌddo a ꞌdiiꞌddantahe.”

Yoohana 6:52

ꞌDeerka ꞌdooꞌdaas Yaꞌhuud yeedaas Yeesso ka weyti holloweene, isleeiriireen. Wihi iche isworsatte, “Eta saggoh sartiis inno isiicha inaham?”

Yoohana 6:41

Jeenteti Yeesso, “An a gololi goobi Waakh kayimiy,” iyidah u, ꞌdooꞌdi Yaꞌhuud nyunnyuwe.

Yoohana 1:7

Ulla a yimiyye garti banayhaas ꞌdooꞌd icheeke, ꞌdee usu ka ꞌdooꞌd tuumman woraas rummeesta.

Yoohana 2:20

Iche la wihi iche ilaabte, “Minka Waakhe buure, guꞌh tomon affar ichoow lihe khaate ladise. Alla maan seyyah goya on ka dissa?”

Yoohana 5:15

Makhaabal irte, ꞌdooꞌdi Yaꞌhuude wewween saggi eti goorat samaache Yeesso iyahe icheeke.

Yoohana 5:16

ꞌDeerka jeenteti Yeesso waha Seeri Lanaso ihaaggichuu, weynaanti Yaꞌhuud Yeesso sina omhisse.

Yoohana 5:18

Jeentetaas u la weynaanti Yaꞌhuud sagag tuumman ka weyti Yeesso ogoos yowatte. Us amurreti Seeri Lanaso kalday ma jebinne, iꞌdaasenyi Waakh a Aabbahaaya essa, Waakh ekkatiis iskayeela.

Yoohana 7:1

ꞌDaꞌddaboka, Yeesso boroofenhi Gaalilaaya ka, kolba ilkerengeettoo irte. Jeenteti weynaanti Yaꞌhuud ogoos iyowattuu, boroofenhi Yaꞌhuudiya ma iran.

Yoohana 7:11

Weynaanti Yaꞌhuud la Yeesso daawtaas goyaka yowatte, ꞌdooꞌd, “Yeesso mehe agarteen?” idowte.

Yoohana 7:15

Weynaanti Yaꞌhuud, chiꞌche saggi us ꞌdooꞌd walah iabcho daagte ka, weyti girmeysatte, wihi iche worsatte, “Eta injire sukkuul iiran, intoh kharata geeddee kaꞌhele?”

Yoohana 8:22

Jeenteti waha u, ewweenki Yaꞌhuud wihi us isworsate, “A isyagiis? Jeentetaase ‘Inti an irdi, ma tamiitiin,’ iessa?”

Yoohana 8:48

ꞌDooꞌdi Yaꞌhuud wihi us Yeesso ilaabe, “Chirri nah, ‘At a yaafohi biꞌdirenye Saamariya toro la ginna kidakhatta,’ kinidah, nah ma eysiinna?”

Yoohana 8:52

Jeenteti waha u, ꞌdooꞌdi Yaꞌhuud wihi us yidah, “Ya! Toolla saggi rumanka ginna kidakhatti a abanne. Aburaaham a yumuyye, ꞌdooꞌdi tuummane Waákh íyeyyeedo laka a tuume. Iꞌdaasenyi at mehe elatta ya, eti tuummane wihi at abisso raaho jirtuu ma yamuut.

Yoohana 8:57

ꞌDooꞌdi Yaꞌhuud la wihi us Yeesso iyidah “At guꞌh tomon chan laka ma eleelinne, toro Aburaaham a agarte?”

Yoohana 10:31

Weynaanti Yaꞌhuud toro dagah okhsatte, Yeesso dagah kachibtaa.

Yoohana 11:19

ꞌDooꞌdi Yaꞌhuude ittaawe la a yimiyye Maarta ichoow Maariya uur khoboocheen, jeenteti omoot walaalichuu.

1 Yoohana 1:5

Farniinki nah Weeli Waakh kadaagne nah atin isoocheekno kalla, Waakh a banaye, mugꞌdihoo rucchul laka goytiis ma kijiro.