Yoohana 1:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.

Yoohana 1:18 Referans Kwoze

Kolossaay 1:15

Kiriisto a fooli Waakkhi liiargin, a huraati wihi lasoouume tuumman iween.

Yoohana 6:46

Anihi Waakh kiimiy kalday on menye, et addane Aabbaheey arge mele. Ani kalday on Aabbaheey arge.

Mattaayo 11:27

Yeesso toro wihi us ꞌdooꞌd iyidah, “Aabbaheey walah dakkhan dahantaaya soogesse. Aabbahaaya on menye et Weeliis garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.

Luuka 10:22

“Aabbaheey walah dakkhan dahantaaya soogesse. Aabbahaaya on menye et rumanka eti Weeliis yahe garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.”

1 Yoohana 4:12

Et injire Waákh arge mele. Iꞌdaasenyi chirri inno isꞌdoonno, Waakh goyteen a fiddiya, ꞌdoonintiis la goyteen ka tuume tateeh.

1 Timooti 6:16

Usu kalday on iumaatane banayhi weyti ababo liikadowwaan goya fiddiya. Et injire arge mele et sooargo la mele. Jirtuu tuumman la inkaanyit ichoow miigti jirtuu imassan a wihiissa. Aamiin.

1 Yoohana 4:9

Waakh saggane ꞌdoonintiis inno ituse, Weeliiski kaldaye harrata isooerge, ꞌdee Weeliiska ka jirra.

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.

1 Yoohana 4:20

Chiꞌ etoo, “An Waakh a ꞌdoona,” essi, iꞌdaasenyi etoo addane koo Kiriistee nihib, etaas beene leeyahe. Iꞌdi tahe eti tuummane etoo koo Kiriisteenye us arge iꞌdoonin, Waakkhi us iargin ꞌdoonin ma yabuuꞌd.

Yoohana 17:26

Eti at tahe icho a ibabbakkaahiche, toro la oreye isohda weyti eti at tahe ibabbakkaahicha, ꞌdee ꞌdooninti at ani ikhabto goycho a kijirto, ani la goycho a kijiro.”

Yoohana 17:6

“ꞌDooꞌdi at harrata ka soobahsatte at isiisse, eti at tahe a abche. ꞌDooꞌda kaahha eheete, at la ani isiisse. Icho la yeedaah a raaheen.

Yoohana 14:9

Yeesso wihi us ilaabe, “Fiilif, geeddi deere atin tuumman atin leejire, toro ichoow uliba at ma iaban ba? Eti tuummane ani iarge, Aabbaheey a arge. A iꞌdohe toro, ‘Aabbahaah nah tus,’ ielatta?

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Yoohana 12:41

Isaaya jeenteti us waha iyidah, a jeenteti us weynaanti Kamur iarge, toro wori usu miinsan ikayeyyeede.

1 Timooti 1:17

Toollaka Karnati jirtuu tuumman jiro, jirtuu iumaatane, indo ka liiargine, Waakkhi keleye, jirtuu tuumman a liinkaanyito toro la a lasaaꞌdo. Aamiin.

Yoohana 13:23

Abatti goyaka, etoo kachka Yeesso weyti ꞌdoono, Yeessó garabiissa fiddiya.

Yoohana 3:11

Rume kisoocheeka, wihi nah garanni a atin isoocheekna, wihi nah indo kaagarre laka a atin isoocheekna. Iꞌdaasenyi, atin wihi nah atin idowno ma rummeysattaan.

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.