Yoohana 1:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Nyaakhuta delmaatti sarti weeli enenyet ma kasoouummamine ommos wihi weeli enenyet gooche menye, ommos ꞌdooninti mejel mee. Iꞌdaasenyi Waakh rubeytiissa nyaakhutiis kayeesse.

Yoohana 1:13 Referans Kwoze

1 Yoohana 3:9

Etoo kaldaye nyaakhuti Waakhenye uskeel goya kaassohti mele. Us jiroti Waakhe husube jira, uskeel goya kaassohan ma yabuuꞌd, a mehe us a nyaakhuti Waakh kichokoo.

Yaakoobo 1:18

Maliis ka wihi us gooche, a ki us yeediiski rummaat ka jiroti husub inno siicho. Iꞌda ka wihi us soouume tuumman goyaka, wihi us soobahsate orate nateeh.

1 Beetero 1:23

A mehe toro a delatteen. Delmaattiin ilinti suujowto ma kiimaataane iꞌdaasenyi ilinti jirtuu tuumman ituumine leetimiy. Waha la a Yeedi Waakhe jiro khabo toro jirtuu tuumman ituumin.

1 Beetero 1:3

Waakkhi Aabba Yeesso Kiriistohi Kamureene koolinno. Us uurnugleeliiski buure on ka, jirotoo husube inno khajjeello a inno siiche. Jiti us waha kayeele la, a Yeesso Kiriistohi us omoot kasookahche.

1 Yoohana 5:4

A mehe ꞌdooꞌdi tuummane nyaakhuti Waakhe harrata suuje a soorichaan. Saggane harrata isoorinna, Yeesso kakhuufna.

1 Yoohana 4:7

Aalasseeyki an weyti ꞌdoono, ꞌdoonine Waakhe katamiit gone, taba giꞌde a isꞌdoonno. ꞌDooꞌdi tuummane ꞌdooꞌdi addan ꞌdoono la a nyaakhuti Waakhe toro la Waakh a gartaan.

Tiito 3:5

inno ribe. Waha la jeenteti inno wohoo fissan iyeelle menye, a jeenteti uurnugleeli Waakh on. Usu Rubeyti Munyeenye jiroteen dikhto, delmaatti husub ichoow jiroti husub inno siisso ka, a inno ribe.

Fiiliffi 2:13

A mehe Waakhe malassiin woya ꞌdee wihi usu kahamaadicho ꞌdoontaane, toro la yeelin tabuuꞌdiin.

1 Koriinto 3:6

Ani ilmo il gesse Aboollo la ilmohaas bicche kachibe. Iꞌdaasenyi, Waakhe ilinta soobahche.

1 Yoohana 5:1

Eti tuummane saggi Yeesso Ki Lasubhe iyahe rummeesti a nyaakhuti Waakh. Eti tuummane Waakkhi Aabbaheene ꞌdoono la, nyaakhuti Waakh laka a ꞌdoona gon.

1 Yoohana 5:18

Wihi inno garanni, ꞌdooꞌdi tuummane nyaakhuti Waakhe uskeel goya ma kaassohti. Weeli Waakhe icho toorribá, Seytaanki uskeel leh icho iꞌdoor rucchul laka ma yeelo.

Yoohana 3:3

Yeesso la wihi us ilaabe, “Rume kisoocheeka, et dakhi Waakh argo mele sammata koli lammaatteet liidelin.”

Mattaayo 3:9

Taba la iisekkeysanna, ‘Aburaaham a aacchihaanya,’ eelanna. Wihi an atin icheeko, Waakh a geeddi us dagahta urgiyicho us nyaakhut nyaakhut Aburaaham kayeelo.

1 Beetero 2:2

Iꞌdi nyaakhuti rurrucchule dessuu, taba atin laka Wori Haaggan iꞌdi haanuut u iamuuma, ꞌdee ribnaankiin ka weynaada.