Yaakoobo 4:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Taba, ilmo khuba, ooya toro uuwwicha. Reyati atin reyattaan urgiyicha oytim kayeela, hamaadi atin khabtaan la urgiyicha fooli atin ribowo kayeela.

Yaakoobo 4:9 Referans Kwoze

Mattaayo 5:4

ꞌDooꞌdi Waakh imaalo, a ki toolla uskeeli weeli enenyet bolkhicho, Waakh icho uur a khoboochaa.

Luuka 6:25

Atinhi toolla dargan, sinati atin sugto eenna a buure! Iꞌdi tahe a raarahattaan. Atinhi toolla hamaaddaan sinati atin sugto eenna a buure! Iꞌdi tahe a uuwwissaane ooytaan.

Luuka 16:25

“Iꞌdaasenyi Aburaaham wihi us ilaabe, ‘Inankaaaw saggi goorat at jirotaah ka wahaahki haaggan iꞌhesse Laassaro la wihi sussuuje iꞌhele kasooꞌhel. Iꞌdaasenyi us toolla inta ka uure lakhoboocha, ati la bolokkhi uskule khabta.

Luuka 6:21

ꞌDooꞌdi Waakh imaalo, a atinhi toolla raarah khabtaan, iꞌdi tahe a atin ladargichaa! ꞌDooꞌdi Waakh imaalo, a atinhi toolla ooytaan, iꞌdi tahe a atin lahamaadichaa.

Mattaayo 21:41

Wihi icho ilaabeen, “ꞌDooꞌdaas sussuuje jiti suuje ka a bakkicha, ꞌdee ꞌdooꞌdoo addane mujjumenye maanti gurnaan lagurti gisi gurnaankiis siicho gos siicha kireesta.”