Yaakoobo 4:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Atinha waakkhassi addan wahattaan, saggi eti wahanyeyyohi harratane sussuuje aal kabahsate Waakh iꞌdiiꞌddanyahe ma garattaan a? Eti wahanyeyyohi harratane sussuuje aal kabahsan goosti chiiytanki Waakhe iskayeela.

Yaakoobo 4:4 Referans Kwoze

Rooma 8:7

A mehe malassi ꞌdooꞌdi wihi uurassicho goya kijiro uskeel imoono a chiiyti Waakh. Malassi iꞌdaase amurreti Waakh ma raahaane, toro la raahin ma yabuuꞌdiin.

Galaatiya 1:10

An weeli enenyete kahamaadin ꞌdoona? Mele! An Waakhe kahamaadin ꞌdoona. Chaꞌan uliba enenyet kahamaadin ꞌdoono, an toolla bowꞌda Kiriisto mee.

Yoohana 15:19

Chirri kootte atin iꞌdi ꞌdooꞌda harrata tahiin, ꞌdooꞌdaas a atin ꞌdoona, iꞌdi ꞌdooꞌdichuu. Atin ꞌdooꞌdi harrata menye, iꞌdaasenyi an a atin soobahsade. Jeentetaase ꞌdooꞌdi harrata atin iꞌdiiꞌda.

Mattaayo 6:24

“Et kamur lamma ifalo mele. A mehe koo a ꞌdiiꞌdda ki addan la ꞌdoonta, toro la koo inkaanyitta ki addan la ꞌdarraawta. Waakh ichoow chilimme ba koloo kalday ma ifasso.

Yoohana 17:14

An woraah a siiche, ꞌdooꞌdi wahanyeyyohi harratane sussuuje raaho la icho a ꞌdiiꞌde. Iꞌdi tahe icho ki harrata mee, iꞌdi an laka ki harrata ieheynan u.

Yaakoobo 1:27

Jitaas inno Waakkhi Aabbaheene mujjum karaahno us khaatti uruftoo rucchul laka ikhabine toro wohoo ikaankhaneynan, a ki nyaakhuti abar ichoow ooyo laa ichoow muunkhoyyo sinayyohicho ka mujjum lawoywoyo. Toro la wahanyeyyohi harratane sussuujenye enenyet biꞌdirroocho islakalaabo.

Rooma 5:10

Iꞌdi tahe inno chiiyti Waakh nahaayi, Waakh omootti Weeliis ka ankiis inno keene. Toolla Waakh ankiis inno keene la, geeddoo meheenye jiroti Weeli Waakh ka inno lariba!

Mattaayo 16:4

ꞌDooꞌdi iꞌdeenye uskeel lehe waakkhassi addan wahti on wohoo miigti Waakh tuso yowta. Iꞌdaasenyi wihi goorat Waakh Yoona ka enenyet tuse on menye, walah addane lasiicho mele.” Yeesso ꞌdeerka icho katabe irte.

Yoohana 7:7

ꞌDooꞌdi wahanyeyyohi harratane sussuuje raaho walah us atin kaꞌdiiꞌdo mele, iꞌdaasenyi ani a iꞌdiiꞌda. Wihi us ikaꞌdiiꞌdo la, a jeenteti jiti icho kajiraane an cheeko a suuj ikadowo.

Luuka 19:27

Iꞌdaasenyi chiiyteeyti goorat anihi karnat liikayeelo ꞌdiiꞌddo tuumman sookhaata orteey ka bakkicha.’ ”

Mattaayo 12:39

Yeesso wihi us ilaabe, “ꞌDooꞌdi iꞌdeenye uskeel lehe waakkhassi addan wahti on wohoo miigti Waakh tuso daaha. Iꞌdaasenyi wihi goorat Waakh eti Waákh íyeyyeedo Yoona layadeeh ka enenyet tuse on menye, walah addane lasiicho mele.

1 Koriinto 1:20

ꞌDeerka ꞌdooꞌdi kharayyee meeke? Tagaammeti amurre meete? ꞌDooꞌdi weyti yeyyeed garti meeke? Ma jiraan! Waakh kharati ꞌdooꞌdi harrata ꞌdalam ma kayeelin a?

1 Koriinto 1:21

Iꞌdi tahe Waakh kharatiis ka wihi us gooche, ꞌdooꞌdi harrata kharaticho on ka Waakh ma abti. Wihi Waakh kahamaadicho a chirri jiti ꞌdalammoon liikhaato Wori Haaggane lacheeko ka, us ꞌdooꞌdi woraas rummeeste ribo.