Yaakoobo 4:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Walah a daahtaane ma ꞌhessaan, a mehe atin uuri suujenye kadaahtaane, ꞌdee wahaas awtiinna on hamaadichaan.

Yaakoobo 4:3 Referans Kwoze

1 Yoohana 5:14

Kolbaaw inno Waakh walah daahne wihi inno ubno, chirri wihi inno daahno ichoow wihi us ꞌdoono israahaan, us a inno daaga.

1 Yoohana 3:22

Waakh la walahbaaw inno daahne ka a inno siicha. A mehe inno amurretiis a raahna, toro la jiroti usu kahamaadisso jirra.

Yaakoobo 4:1

Waha kamalda bal, mehe jihit ichoow jaakh goytiin keena? Wihi suujenye uurassiin goyaka isdiho menya kayamiitiin?

Luuka 15:13

“Inkoo geeddoo labarye ka, inanki nugul wihi lasiiche dakkhan ororiche, iloo fogaat irte, ilaas ka hoolahiis kagirꞌdaame.

Marko 10:38

Yeesso wihi us yidah, “Atin wihi atin daahtaan wihiche ma garattaan. Atin maanta kokkoobi sinayyoote an damo damin a tabuuꞌdiin? Ommos baattissiyoti omooteete ani liibaattissiyo a tabuuꞌdiin?”

Mattaayo 20:22

Yeesso la wihi us icho iyidah, “Atin wihi atin daahtaan wihiche ma garattaan. Atin maanta kokkoobi sinayyoote an dowwanoha ka soodamo damin a tabuuꞌdiin?” Wihi iche ilaabte, “A nabuuꞌd.”

Luuka 15:30

Iꞌdaasenyi inankaahka hoolahaah tuumman malaayayyo on kamassiche. Maanti us soonokhte ka, at la kahte heeri weyti ruusan ikhasse!’

Luuka 11:10

Iꞌdi tahe eti tuummane walah daahe, Waakh wihi us daahe a siicha, ki walah yowti la, Waakh a kaꞌhela, ki ifaha yidah la, Waakh arit a ifaha.