Yaakoobo 4:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Waha kamalda bal, mehe jihit ichoow jaakh goytiin keena? Wihi suujenye uurassiin goyaka isdiho menya kayamiitiin?

Yaakoobo 4:1 Referans Kwoze

1 Beetero 2:11

Aalasseeyki an weyti ꞌdoono, iꞌdi ꞌdooꞌdi harrata ka yeelan ichoow ki meel ikhabin u, a atin hawwaasda, taba wihi uurassiin goya kijiro uskeel imoono kol dakkhan atin isdihtaan uus atin kahataatin.

Galaatiya 5:17

A mehe wihi uuraas goya kijiro uskeel imoono, Rubeyti Munyee a tirrimaane, wihi Rubeyti Munyee ꞌdoonto la, wihi uuraas goya kijiro uskeel imoono a tirrimaan. Icho a istirrimaane, ꞌdeerka wihi haaggane atin yeelin ꞌdoontaan ma yeessaan.

Rooma 7:23

Iꞌdaasenyi runtoo gaane miilassi sarteey hil kahaaggisso a jirta. Runtaas gaan ichoow runti gaane maleey ꞌdoono a iꞌdoo icho isdihaan. Toro la runtaas gaane sarteey goya kijirto bowꞌdati uskeeli goyteey kijiro ikayeessa.

Rooma 8:7

A mehe malassi ꞌdooꞌdi wihi uurassicho goya kijiro uskeel imoono a chiiyti Waakh. Malassi iꞌdaase amurreti Waakh ma raahaane, toro la raahin ma yabuuꞌdiin.

Yaakoobo 1:14

Iꞌdaasenyi ebba chiꞌ kajmeti uskeel kaluguꞌddo ka lakajo, geedda ꞌdooninti us uskeel imoono jiitto iche angey lagessa.

1 Beetero 1:14

Iꞌdi nyaakhuti yeed daaguu, suujoonki liimoono maanti atin wohoo igaran atin khabteen iinokhanna.

Kolossaay 3:5

Maantaka sartiinti harratane uskeel ꞌdoonto wahanyeyyohi iꞌdee ka agiisa. ꞌDooꞌdi isidisanne isleeurꞌdo ichoow wihi biꞌdire ichoow ꞌdooꞌdi eti icho argaan ichohi leeurꞌdo ꞌdoono ichoow uskeeli liimoono ichoow ꞌdamaam ꞌdiicha. ꞌDamaam la a iꞌdi iyookkoyyohi waakkhakh lakayeessi.

2 Beetero 3:3

Koloo la waha abda, ibeenneti ꞌdaꞌddaboot ka ꞌdooꞌdi runti Waakh kachaarti toro suujoonki uurassicho imoonaan kalday on yeelo a soobaha.

Yaakoobo 4:3

Walah a daahtaane ma ꞌhessaan, a mehe atin uuri suujenye kadaahtaane, ꞌdee wahaas awtiinna on hamaadichaan.

2 Beetero 2:18

A mehe icho yeedi ilmarhaatteete kaayyeedaane isatahnoochaan. ꞌDooꞌdi yeed Yeesso ka jarakhenye, dowwanoha ka suujoonki us yeele kabahsati wihi uurassicho goya kijiro uskeel imoono ka sohoꞌddarri isoojiitaane angey gessaan.

Tiito 3:3

Iꞌdi tahe inno rubeyteen laka ꞌhor ꞌdooꞌdi ꞌdalammeenye yeed idaagine leekkeeste, bowꞌdati wahanyeyyohi noole uurasseen imoonaane toro kahamaadicho on eheet. Jiroteen wihi buuhe a suujoon ichoow kalꞌdarri. A inno laꞌdiiꞌde inno laka ꞌdooꞌdi addan a ꞌdiiꞌdne.

Tiito 3:9

Iꞌdaasenyi iriirti ꞌdalam ichoow magahenyeti aacchinye ichoow jaakh ichoow amurre Muusati islaleeiriiro kaseeh. Iꞌdi tahe waha a wihi ilmarhaatteete indigir laa.

Rooma 7:5

A mehe geeddi wihi uurasseen goya kijiro uskeel imoono inno dakhtaan, amurretaas ildeerroti suujenye goyteen kijirto iche neybaasse, sarteen woyte, gurnaanki omoot keeno khabne.

Mattaayo 15:19

A mehe enenyet uuriis goya iche mali suuje kayamiit iꞌdi maanta ogoossi dubunuunu lagelo, mejeli makhaabassi tiis ieheynan leeurꞌdo ichoow sohoꞌddarri ichoow hatto ichoow garti beenaat ichoow ham.

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

2 Timooti 2:23

Iriirti ꞌdalame khara laa goya agelin. A mehe saggi at igarattuu, wahaas jaakh on delaan.