Yaakoobo 3:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Iꞌdaasu la harrab laka a miiloo sareete rucchule, iꞌdaasenyi wihi buure ka eylajo. Bal iyookkoti oomaari buure yeyno, jilahtoo rucchul geeddi iche oomaaraas massisso menya?

Yaakoobo 3:5 Referans Kwoze

Yuuda 1:16

ꞌDooꞌda kol dakkhan nyunnyuuto ma ꞌdiicho, iriir on kajiraane, suujoonki uurassicho imoonaan on yeelaan. Icho a iskhukkhummanaachaane, ꞌdooꞌdi addan koolichaane ꞌdee wihi icho ꞌdoonaan ꞌhelaan.

2 Beetero 2:18

A mehe icho yeedi ilmarhaatteete kaayyeedaane isatahnoochaan. ꞌDooꞌdi yeed Yeesso ka jarakhenye, dowwanoha ka suujoonki us yeele kabahsati wihi uurassicho goya kijiro uskeel imoono ka sohoꞌddarri isoojiitaane angey gessaan.

Yaakoobo 3:4

Bal toro iyookkoti koobanhi burbuurenye bey sarche kasohti hafari miige takho yeya. Iꞌdaasenyi khoꞌdoonkoo hafan on koobanhi buure lakawoya inti eti woyo geen ꞌdoono lakageecha.