Yaakoobo 3:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Rumanka inno tuumman jitassi ittaawe ka a tarraantarranna. Chiꞌ etoo wihi us yadeeh ka jirtuu ikhufin, etaas tuum a iiꞌdowe toro la sartiis tuumman jeyin a yabuuꞌd.

Yaakoobo 3:2 Referans Kwoze

Yaakoobo 1:26

Chirri etoo kol us wihi Waakh ꞌdoono mujjum raaho koogyahe toro la harrabiis ijeyin, etaas a isekkeesta, saggi us Waakh iraaho la a wihi ilmarhaatteet on.

1 Beetero 3:10

Iꞌdi Chiirnaanneti Waakh tadeeh u, “Eti jiro ꞌdoono, ibeenneti haaggan la argin ꞌdoono, harrabiis suujoon a kahosso, afiis la been a kahosso.

Mattaayo 12:37

A mehe yeedi afaah ka a lakifura, toro yeedi afaahha uskeel liikaagoocha.”

Rooma 3:10

Iꞌdi liichiiruu, “Eti fissan ma jiro, koo kalday laka ma jiro.

Yaakoobo 1:4

Maantaka taba miigti atin kagarrahsattaan tuum hiliche a massisso, ꞌdee ꞌdooꞌdi iiꞌdowe ateeha, toro la ꞌdooꞌdi wohoo rucchul laka ikaankhaneynan ateeha.

Yaakoobo 2:10

Iꞌdi tahe eti amurreti Waakh tuumman raaho iꞌdaasenyi aytoo kalday katarraantarrate, sinati eti amurre tuumman jebcho liigoocha.

1 Koriinto 9:27

Iꞌdaasenyi an sarteey a jaha, toro la tuum jeycha uus ꞌdee inkoo an ꞌdooꞌdi ittaawe Wori Haaggan icheeke, ani rubeyteey oriisi goyaka liibihinne.

Ibiraaniya 13:21

Waakh ba haaggi tuummane atin kaankhane, ꞌdee atin wihi us ꞌdoono yeessaan atin siicha. Yeesso Kiriisto ka, Waakh ba miigti atin wihi us kahamaado yeessaan atin siicha. Yeesso Kiriisto ba jirtuu tuumman lasaaꞌda. Aamiin.

Kolossaay 4:12

Ebaabarahi kiinenye, falfa Yeesso Kiriistee, a atin soobariitiche. Us kol tuumman geeddi us yabuuꞌde hol dowa Waakh atin isoowaha, ꞌdee mujjum tolossaane, iiꞌdowtaane, ꞌdee wihi tuummane Waakh atin kaꞌdoono rumanka abattaan.

Kolossaay 1:28

Nah wori Kiriisto miinsane cheekna, ebba la kharateenyo tuumman ka tootoonna, walah abinna, ꞌdee ichohi icho ichoow Kiriisto wohoo kalday yitahye iiꞌdowe Waakh ikeenna.

Galaatiya 3:22

Iꞌdaasenyi Chiirnaanneti Waakh mehe cheekta ya, uskeel weeli enenyete harra tuumman a hide, ꞌdee ꞌdooꞌd Kiriisto ayyinti Waakh gooche, kakhuufnaanki Yeesso Kiriisto lakakhuufo ka ꞌhela.

Rooma 7:21

Maantaka runta gaane jiroteey goyaka abde. Chirri an wihi haaggan yeelin ꞌdoono tuumman, suujoon la garabaaya on raaha.

1 Beetero 5:10

Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.

Galaatiya 5:17

A mehe wihi uuraas goya kijiro uskeel imoono, Rubeyti Munyee a tirrimaane, wihi Rubeyti Munyee ꞌdoonto la, wihi uuraas goya kijiro uskeel imoono a tirrimaan. Icho a istirrimaane, ꞌdeerka wihi haaggane atin yeelin ꞌdoontaan ma yeessaan.

Mattaayo 12:34

Dessi toof! Saggoh wihi haaggan itadeehiin chirri atin uskeel kajirtaan? Iꞌdi tahe wihi uuraah goya buuho iche afaah leeyamiit.