Yaakoobo 2:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ ꞌDooꞌd Kiriistokaaw, atin Yeesso Kiriistohi Kamureenenye toro weynaan tuumman leh a rummeysatteen gone, taba enenyet seley asassaahina.

Yaakoobo 2:1 Referans Kwoze

Yaakoobo 2:9

Iꞌdaasenyi chirri atin enenyet seley sassaahtaan, atin uskeele yeessaane toro amurreti Waakh a jebisseen.

Yaakoobo 3:17

Iꞌdaasenyi kharati Waakh katamiit a miꞌdabe, nebeye ꞌdoonta, a samacchaare, nabahe sudda, uure nugussahe, gurnaanki haaggane dessa, enenyet seley ma sassaahto toro la ma iskaayyeesso.

Yaakoobo 2:3

Kolossoo eti kamure inkaanyit ka soodowwaassaane, mehe itadeehiin ya, “Komborta haaggan koorrommo,” iꞌdaasenyi ki miskiine mehe itadeehiin ya, “Intuus tolosso,” ommos, “Il orrommo.”

Yuuda 1:16

ꞌDooꞌda kol dakkhan nyunnyuuto ma ꞌdiicho, iriir on kajiraane, suujoonki uurassicho imoonaan on yeelaan. Icho a iskhukkhummanaachaane, ꞌdooꞌdi addan koolichaane ꞌdee wihi icho ꞌdoonaan ꞌhelaan.

1 Timooti 5:21

Waakh ichoow Yeesso Kiriisto ichoow herti Waakhe lasoobahsate orche ka amurane kibahcha, tabe waansiha khucchiche, enenyet ekka kawaaniche, wihi at yeesso ka la enenyet asassaahin.

Mattaayo 22:16

Abattitiche ichoow ꞌdooꞌd ꞌHerood koo Yeesso iergateen. Iche la wihi iche tidah, “Eti ween, nah saggi at rum ikanokhan a garanna. Jiti Waakhe at enenyet abisso ichoow runti Waakh a israahaan. At et at ibaasso mele, weyneetteey ichoow kuus ka ba.

1 Koriinto 2:8

Weynaanti harrata kichekoo kalday laka kharata inno kaayyeeno ma aban. Iꞌdi tahe chiꞌ goorat icho abteen, Kamureenki weynaan tuumman leh massalaaba ma kakaahaan gon.

Bakkaahit 14:12

ꞌDooꞌdi Waakhe amurreti Waakh raaho toro Yeesso kakhuufo ichohi samacchaarenye garrahsati laꞌdoona.

Tiito 2:13

Iꞌdane yeella geeddi inno khajjeeli buuhi Waakh keeno sugno. Waha la a maanti Yeesso Kiriistohi Waakhenye ꞌDoorribeheene weynaantiisti ababto inno liisoobabbakkaahicho.

Hilassi Ergaano 20:21

Wihi an ꞌdooꞌdi Yaꞌhuud ichoow ki Yaꞌhuud ieheynan icheeke a ichohi uskeel kasoonokhti ꞌdee Waakh urgiyicho toro Yeessohi Kamureene kakhuufo.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

Tiito 1:1

Eti khadaaba kisoochiiro a ani Baawulohi ilbooyi Waakhenye, toro la ergaano Yeesso Kiriistee. Anna a liisoobahche, ꞌdee ꞌdooꞌdi Waakh soobahsate gargaara Waakh mujjum kakhuufa, toro la wori rummaate Kiriisto miinsane jiroti Waakh ꞌdoono lajiro icho woya.

1 Timooti 1:19

orey isohatta, Kiriisto kakhuufta, kol dakkhan la rubeyti suujoon ikaacheekan jurkhissa. A mehe ꞌdooꞌd gaasoo wahanyeyyohaas a ꞌdiiꞌde. Jeentetaas u la kakhuufnaanki icho Waakh kakhuufaan a suujaacheen.

Kolossaay 1:4

Wihi nah Waakh kalaꞌd ikalaabno la, a jeenteti nah saggi atin Yeesso Kiriisto ikakhuuftaan idaagne toro la saggi atin ꞌdooꞌdi Waakh tuumman iꞌdoontaan nah idaagne.

Ibiraaniya 1:3

Weela Waakh la weynaanti Waakkhi ababo tusa, ulla toro a fooli Waakh. Ulla yeediiski miig leh ka wihi tuummane jiro khuccha. Ulla a yumuyye, ꞌdee usu rubeytiis jiti uskeeli weeli enenyet lakadikho yitah. Inkoo us wahaas yeele ka, goobi Waakh ka Waakkhi Weyti Ween ankiiski miigeet orronte.

Rooma 1:11

Anihi atin argo ꞌdee siintoo Rubeyti Munyee katamiit atin siicho, ꞌdee rubeyohiin miigowaan weyti imoona.

Hilassi Ergaano 24:24

Inkoo ibeennetoo kutte ka, Feelig makhaabassiisti Durasilla layadeehe inanti Yaꞌhuude khabaayi yimiy. Ulla Baawulo enenyet iꞌdiiche, chirra us kakhuufnaanki Yeesso Kiriisto lakakhuufo miinsan kayeyyeedo ka dagansate.

Hilassi Ergaano 7:2

Waha ka wihi us laabe, “Yaafeey idagansada. Waakkhi weynaane tiis tahe, aabbaheenki Aburaaham layadeeh geeddi goorat archiiy us ilkerengeetti weene Haaran igelin, ili Messabotaamiya ka a isoobahe.

Hilassi Ergaano 10:34

Beetero la yeede wihi us yidah, “An kola saggi Waakh rumanka yaafo tuumman ekka iekkaacho a arge.

Ibiraaniya 12:2

Taba, kol tuumman Yeesso a kamalanni giꞌde. Usú orey inno woye, Waakh kakhuufne, toro uliba laka inno woya, Waakh tuum kakhuufna. Ulla jeenteti hamaadi sugo u, lakhaanyoti eti massalaaba lakakaaho taham a igarrahsate. Ulla toolla goobi Waakh ka komborti Waakhe antoot ankicheki miigeete fiddiya.

Yaakoobo 1:16

ꞌDooꞌd Kiriistokaaw, uus atin leekkeysan.

Yaakoobo 1:19

ꞌDooꞌd Kiriistokaaw, taba waha tissiba, atin tuumman dowwa nabah suda, dowwa ayeedina, dowwa ahollowina.