Yaakoobo 1:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Iꞌdaasenyi eti Waakh walah daaho, uus uurlammaal khabine, saggi Waakh wahaas us daahe isiicho a kakhuufo. A mehe eti tuummane uurlammaal khabo, a iꞌdi irti beyti buure goyaka hafar kolba ankoo ilaabo.

Yaakoobo 1:6 Referans Kwoze

Ibiraaniya 11:6

Et Waakh ikakhuufine Waakh kahamaadicho mele. Iꞌdi tahe eti Waakh wahan ꞌdoono tuumman, wihi lakaꞌdoono a usuhi saggi Waakh rumanka ijiro, toro us ꞌdooꞌdi usu yowti kalaꞌd iguto, rummeesti.

Efeesso 4:14

ꞌDeerka inno iꞌdi nyaakhuti dowwa leekkeesti menye, iꞌdi koobanhoo rucchule chirri hafar urgiyo kolba ankoo liikhaato mee. Toro la inno ꞌdooꞌdi worassi beenaate icho enenyet abchaan ka enenyet ekkeesti mee.

Ibiraaniya 10:23

Khajjeeli inno cheekno mujjum khabno giꞌde, a mehe Waakkhi waha ayyiche a eti lakakhuufo.

Ibiraaniya 13:9

Maantaka yeedi tuummane runti Waakh tabardowsane enenyet laabcho, uus jiti mujjume atin bujin. A mehe wihi indigir atin ikhabo gololi soorriyoyyoote layaham menye, a haaggi Waakhe buurenye uurassiin miigoocho.

1 Timooti 2:8

Wihi an ꞌdoono, inti atin kakulantaane Waakh kawahattaan tuumman ka, mejel jiroti munyeenye us jiro ka Waakh dahano a ioogo a weesti. Chiꞌicho weestaan la, iicho uuricho ka hol khabine ommos iriir khabin.

2 Beetero 2:17

ꞌDooꞌda a iꞌdi indohi bicche laa ichoow ꞌduubathi rug woyo. Inti ꞌdooꞌda liiabbire a inti mugꞌdihi reebe.

Mattaayo 14:28

Beetero la wihi us ilaabe, “Kamur, chirri rumanka ati tahe, amur ibihiche bicche sarcho a kasoosohdi, a kiimaate.”

Hilassi Ergaano 10:20

ꞌDeerka kahe, il ikhubo. Icho raahin akaroorin, iꞌdi tahe ani icho sooerge.”

Yaakoobo 1:7

Eti iꞌdee uus kol us Waakh wohoo kaꞌhelo koogeynan.

Yaakoobo 5:15

Weysihi saggi Waakh eta khannan isamaacho lakakhuufo la eti khannan a samaachaan. Kamur la etaas ilaali us kajiifo a kasookahcha. Chuꞌus uskeel yeele la, Kamur uskeel a ikakuta.