Yaakoobo 1:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Maantaka taba miigti atin kagarrahsattaan tuum hiliche a massisso, ꞌdee ꞌdooꞌdi iiꞌdowe ateeha, toro la ꞌdooꞌdi wohoo rucchul laka ikaankhaneynan ateeha.

Yaakoobo 1:4 Referans Kwoze

1 Beetero 5:10

Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.

Luuka 21:19

Inkoo atin garrahsatteen ka jiroti rummaat ꞌhessaan.”

Mattaayo 5:48

Maantaka saggi Aabbahaahki serey jiro ꞌdooꞌdiis tuum isikasoobahchuu, at laka tuum issoobihiche, ꞌdee wihi Waakh kaaꞌdoono yeel.”

2 Timooti 3:17

Iꞌda ka eti Waakh hili haaggan tuumman tuume haaggin yabuuꞌde, toro liitannabicha.

Ibiraaniya 13:21

Waakh ba haaggi tuummane atin kaankhane, ꞌdee atin wihi us ꞌdoono yeessaan atin siicha. Yeesso Kiriisto ka, Waakh ba miigti atin wihi us kahamaado yeessaan atin siicha. Yeesso Kiriisto ba jirtuu tuumman lasaaꞌda. Aamiin.

Galaatiya 6:9

Uus inno haaggi inno yeello kaꞌharin giꞌde. A mehe chiꞌinno ajjibaat ikhaatin, maane a tamiit, ti inno gurnaan ꞌhello.

Yaakoobo 3:2

Rumanka inno tuumman jitassi ittaawe ka a tarraantarranna. Chiꞌ etoo wihi us yadeeh ka jirtuu ikhufin, etaas tuum a iiꞌdowe toro la sartiis tuumman jeyin a yabuuꞌd.

Yaakoobo 1:5

Iꞌdaasenyi chirri etiinkoo khara laayahe, Waakh a daaho Waakh la usu a siichaa. Iꞌdi tahe Waakh enenyet tuumman iꞌdaanu weyti walah siicha toro enenyet ma kofo.

1 Koriinto 2:6

Chiꞌ nah ꞌdooꞌdi Kiriisto goyaka iiꞌdowe leeyyeeno, wori khara kaleeyyeena. Iꞌdaasenyi waha kharati ꞌdooꞌdi harrata menye ommos ti weynaanti harratane dowwa on baabaato mee.

Kolossaay 4:12

Ebaabarahi kiinenye, falfa Yeesso Kiriistee, a atin soobariitiche. Us kol tuumman geeddi us yabuuꞌde hol dowa Waakh atin isoowaha, ꞌdee mujjum tolossaane, iiꞌdowtaane, ꞌdee wihi tuummane Waakh atin kaꞌdoono rumanka abattaan.

Luuka 8:15

Iꞌdaasenyi ilmohi harrati haaggan lakachibe a ꞌdooꞌdi hahhaaggane, uuri haaggan khabo Yeedi Waakh daago uuricho gessati, jeenteti us igarrahsatuu gurnaan delo.

Mattaayo 10:22

Enenyet tuumman a atin ꞌdiiꞌda jeenteti atin abattiteey itahiin u. Iꞌdaasenyi, eti garrahsate ichoowka sinata ꞌdubiche eleele a lariba.

2 Beetero 1:9

Iꞌdaasenyi eti wahanyeyyohaas laa a iꞌdi eti walah igaranne indo laaye, saggi uskeeliiski oraat liidikhe dabe.

Yoohana 17:23

Ani ichoow icho ba a wohoo kaldaye, ati ichoow ani ba la a wohoo kalday. Icho ba tuum wohoo kalday yateehiine, ꞌdee ꞌdooꞌdi harrata saggi at ani isooeregte abta, toro la enenyet waha abta, geeddi at iꞌdoonto, geeddaase icho laka ꞌdoonta.

Luuka 18:22

Chirri Yeesso waha daage ka wihi us et iyidah, “At uliba wohoo kaldaye kaankhan. Nyaame wihi at khabto tuumman ororiche, chilimme la miskiin siiche, kamurroonki goobi Waakh ꞌhele, ꞌdee kaale isooraah.”

Marko 10:21

Yeesso et yeye, ꞌdoonine buuhisse. Ét iiyeyye, “Wohoo kaldaye kaankhan. Nyaame wihi at khabto tuumman ororiche, chilimme miskiin siiche, ꞌdee kamurroonki goobi Waakh ꞌhele, ꞌdee kaale isooraah.”

Mattaayo 19:20

Et la wihi us yidah, “Wahaas tuumman koo an iraahin mala. Mehe uliba ikaankhan?”

1 'Dessaloonika 5:23

Toollaka Waakkhi nebey leh ba tuum atin munyaacha. Waakh ba rubeyohiin ichoow uurassiin ichoow sartiin ba tuum el tuumman kasoohossa, ichoowka ibeenki Yeesso Kiriistohi Kamureene soonokhti yateeh.