Yaakoobo 1:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ ꞌDooꞌd Kiriistokaaw, uus atin leekkeysan.

Yaakoobo 1:16 Referans Kwoze

Yaakoobo 1:19

ꞌDooꞌd Kiriistokaaw, taba waha tissiba, atin tuumman dowwa nabah suda, dowwa ayeedina, dowwa ahollowina.

Fiiliffi 2:12

Aalasseeyki an weyti ꞌdoono, atin waansiheey kol tuumman a raahteen. Geeddi an atin leejire kalday on menye, toolla an atin ileejirin weyti raahtaan. Maantaka, hamar ichoow roorroti atin Waakh karoortaan ka, orey isohda ribnaanki Waakh atin ribo jirotiin goyaka hol kadowa.

Galaatiya 6:7

Iisekkeysanna, et Waakh ekkeesti mele. Ebba ilinti us gosiis goya kachibe on gurnaankiche gurta.

Kolossaay 2:8

Taba giꞌde uus etoo kalday laka malassi beenaate indigir laa ka atin ekkeysanne iꞌdi bowꞌduu atin labooliyin. Malassa la wihi Kiriisto essi ma kanoole, hugumme ichoow miigti suujenye harratane kanoolyahiin.

Ibiraaniya 13:1

ꞌDooꞌdi Kiriisto rummeeste tuumman la orey a isohti, a isꞌdoono giꞌde.

Kolossaay 2:4

Iꞌdane atin iadeeh uus ꞌdee etoo kalday laka woroo wohoo haaggan iyoog ka atin ekkeysan.

Yaakoobo 2:5

ꞌDooꞌd Kiriistokaaw, waha daaga bal, Waakh ꞌdooꞌdi harrata ka miskiin liiekkaacho ma soobahsanne, ꞌdee kakhuufnaanki icho Yeesso kakhuufaan ka Waakh icho kamurre ma iekkaanna? Toro la Waakh ꞌdooꞌda ma soobahsanne ꞌdee dakhi Waakhe Waakh ꞌdooꞌdi usu ꞌdoono iayyiche ma muꞌdan a?

2 Timooti 2:18

Icho rum a katabeene, ꞌdooꞌdi tuume orey on omoot kasookahe essaan. Icho la ꞌdooꞌd Kiriisto gaasoo kakhuufnaanki icho Kiriisto kakhuufaan a kheeroocheen.

Fiiliffi 4:1

Maantaka ꞌdooꞌd Kiriistokaaw, aalasseeyki an weyti ꞌdoono, atinhi an weyti atin ꞌdoono toro imoono, atinhi ikahamaadissaane toro la kalaꞌddi hileeye, wihi tuummane an atin isoocheeke ka, taba jiroti atin Kamur ijirtaan ka mujjum tolossada.

1 Koriinto 6:9

Saggi eti uskeel leh dakhi Waakh igelin ma garattaan a? Iisekkeysanna ꞌdooꞌdi isidisanne isleeurꞌdo ichoow ki iyookkoyyohi waakkhakh lakayeessi wahti ichoow eti makhaabassi tiis ieheynan leeurꞌdo ommos mejeli mejel leeurꞌdo,

Marko 12:27

Usu Waakkhi ꞌdooꞌdi tuume mee, iꞌdaasenyi a Waakkhi ꞌdooꞌdi jiro. Atin weyti khufteen, atinhi ꞌdooꞌdi tuume kol us toro isookahin koogtihiin.”

Marko 12:24

Yeesso wihi us ilaabe, “Atin wihi Chiirnaanneti Waakh enenyet abisso ichoow miigti Waakh ma garattaan. Jeenteta menya jiti baabule ikijirtaan?

Mattaayo 22:29

Yeesso wihi us ilaabe, “Atin jeenteti atin wihi Chiirnaanneti Waakh enenyet abisso ichoow miigti Waakh igaran u, jiti baabulenye kijirtaan.

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Yaakoobo 1:2

ꞌDooꞌd Kiriistokaaw, maambaaw sinayyohi khar kayamiit atin isoobahaan weyti hamaad iekkaacha.

Yaakoobo 2:1

ꞌDooꞌd Kiriistokaaw, atin Yeesso Kiriistohi Kamureenenye toro weynaan tuumman leh a rummeysatteen gone, taba enenyet seley asassaahina.

Yaakoobo 2:14

ꞌDooꞌd Kiriistokaaw, chiꞌ etoo, Yeesso a kakhuufa essi, iꞌdaasenyi wihi us yeelo usu rumanka Yeesso kakhuufe itusin, haaggoh ibahta? Kakhuufnaanki iꞌdaase usu ribaayi?

Yaakoobo 3:1

ꞌDooꞌd Kiriistokaaw, buurtiin iiche ꞌdooꞌdi enenyet Yeedi Waakh abcho itaahan. A mehe a garattaane Waakh nahi Yeedi Waakh enenyet abinno, ꞌdooꞌdi addan ꞌdirihiissa nah hukkuma.

Yaakoobo 3:10

Afa kaldach on koolo ichoow falo leeyamiitiin. ꞌDooꞌd Kiriistokaaw, uus iꞌdaas itaahan.

Yaakoobo 4:11

ꞌDooꞌd Kiriistokaaw, taba iishamanna. Eti tuummane etoo koo Kiriistee hayhayo ommos hukkumo a iꞌdoo us amurreti Waakh hanti toro hayhayo. Geedda atin amurreti Waakh hukkuntaan, amurre ma raahtaane, geeddaase iche amurre fit tahe ichoow ichehuus goossaan.

Yaakoobo 5:12

ꞌDooꞌd Kiriistokaaw walah tuumman ꞌdirihicho ka, taba adaatanna, goobi Waakh ommos harrata ommos wohoo addan akadaatanna. “Aa” ti atin tadeehiin, “Aa” a titaahe. “Mele” ti atin tadeehiin la “Mele,” a titaahe. Iꞌda ka Waakh sina ma atin ikeeno.

Yaakoobo 5:19

ꞌDooꞌd Kiriistokaaw, chiꞌ etoo goytiin ka jiti rummaat kabaabe, etoo addan la soohosse,