Yaakoobo 1:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Iꞌdaasenyi eti kamure, weynaantiisti rucchul a keeylajo. Iꞌdi tahe eti kamure iꞌdi fiikhti yibaat u a baaba.

Yaakoobo 1:10 Referans Kwoze

1 Beetero 1:24

A mehe iꞌdi Chiirnaanneti Waakh tadeeh u, “Weeli enenyet tuumman a iꞌdi hoose, weynaantiis tuumman la a iꞌdi fiikheet. Hoos a angaga fiikhe la a khubatta.

1 Yoohana 2:17

Harrata suuje ichoow suujoonkicheki liimoono a kutaane, iꞌdaasenyi eti wihi Waakh ꞌdoono yeelo, jirtuu tuumman a jira.

1 Timooti 6:17

ꞌDooꞌdi weyꞌdane kamurree amurreta ibihi. Rannyaat akhabina ommos hoolahi harratane dowwa on kuto khajjeel akakhabina, iꞌdaasenyi Waakkhi wihi inno ꞌdoonno tuumman inno siicho ꞌdee inno jiroti hamaad khabto jirro kakhuufa.

Mattaayo 5:3

“ꞌDooꞌdi Waakh imaalo a ki wahanyeyyohi Waakh ka miskiine, a mehe dakhi goobi Waakh a kichooda.

1 Koriinto 7:31

ꞌDooꞌdi wahanyeyyohi harrata on kaassohti la, iꞌdi ꞌdooꞌdi ikaassohan a ijiro. Iꞌdi tahe harrata saggi iche toolla ijirto ka, dowwanoha a kutta.

Yaakoobo 4:14

Ya? Wihi saahta yateeh laka ma garattaan! Jirotiin a mehe? Atin a iꞌdi ꞌduubathi geeddoo rucchul on laargo, toro baabo.

Mattaayo 6:30

Chirri Waakh hoosi keley baho, toolla jiro saahta ꞌdab lakalugꞌdo gaado, atin geeddaas ꞌdirihiis weyti ma atin gaado? Atin eenna geeddoo rucchul on Waakh kakhuuftaane!

Fiiliffi 3:8

Wihi wahaas kuto, chaꞌan walah tuumman ichoow indigirti buurenye an Yeesso Kiriistohi Kamureeye an abdi isiyeyo, walah tuumman kola jeente Kiriistuu tuum khasaara iekkaacha. Icho uꞌdu iekkaacha ꞌdee Kiriisto ꞌhela,