Yaakoobo 1:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

Yaakoobo 1:1 Referans Kwoze

1 Beetero 1:1

Khadaaba eti atin isoochiiro, a ani Beeterohi ergaano Yeesso Kiriistee. ꞌDooꞌdi an isoochiiro la a ꞌdooꞌdi Waakh soobahsate, harrata ka iꞌdi ꞌdooꞌdi yeelan ijiro, boroofenhi Boontus ichoow ki Galaatiya ichoow ki Kabadookiya ichoow ki Aassiya ichoow ki Biꞌduuniya tuumman kataasan.

Yoohana 7:35

Weynaanti Yaꞌhuud isinokhatte wihi iche isworsatte, “Inta us irti, inno usu ikaꞌhelin a intoh? Inti ꞌdooꞌdeen kijiro yaafohi Yaꞌhuud ieheynan goya kataasanyahe iche irta yaafohi Yaꞌhuud ieheynan wori Waakh abcha?

Hilassi Ergaano 8:1

Saawulo laka intaas a kijire, ullaka Isiteefanohi layagiis a ayyiche. Maantaas on urur Kiriistoki ilkerengeetti weene Yeerusaleem kajiro sinati weyti loomhicho lasookhabte. Ergaano on menye, ꞌdooꞌd Kiriisto tuumman ilassi Yaꞌhuudiya ichoow ki Saamariya iche liitaaꞌhiche.

Hilassi Ergaano 26:7

Khajjeela la a ki yaafohi Issiraayele tomon ichoow lammee ibeen ichoow maalim Waakh iwahtaane icho sugaan. Karnatoow jeenteti khajjeelane ꞌdooꞌdi Yaꞌhuud icheekta.

Hilassi Ergaano 15:23

Khadaaba leergeen. Khadaab la wahane kachiiran. ꞌDooꞌdi khadaaba atin isoochiiro a nahi ergaanee ichoow ewweenki urur Kiriisto woyo iꞌdiin u Kiriisto rummeeste. ꞌDooꞌdi nah isoochiirro la a atinhi yaafohi Yaꞌhuud ieheynane Kiriisto rummeysatteene ilkerengeetohi Antiyookhiya ichoow Siiriya ichoow Kiliikiya taalliin. Nebeeheyte!

Tiito 1:1

Eti khadaaba kisoochiiro a ani Baawulohi ilbooyi Waakhenye, toro la ergaano Yeesso Kiriistee. Anna a liisoobahche, ꞌdee ꞌdooꞌdi Waakh soobahsate gargaara Waakh mujjum kakhuufa, toro la wori rummaate Kiriisto miinsane jiroti Waakh ꞌdoono lajiro icho woya.

Galaatiya 2:9

Yaakoobo ichoow Beetero ichoow Yoohana, iche tirrinki urur Kiriisto liiekkaacha. Icho la saggi an haaggi Waakhe buure ka hila liisiiche a abteen. Toro ani ichoow Barnaba kulanki urur Kiriisto ka nah khaatteen. Wihi nah iskadaagne a mehe ya, icho yaafohi Yaꞌhuude iirtaane, nah la yaafohi Yaꞌhuud ieheynane iiranna.

Hilassi Ergaano 15:13

Chirri icho yeyyeed massicheen ka, Yaakoobo sooyeede, wihi us yidah, “ꞌDooꞌd Kiriistokaaw idagansada.

Rooma 1:1

Khadaaba eti atin isoochiiro a ani, Baawulohi ilbooy Yeesso Kiriisteenye, toro la ergaanoti Waakh soobahsate, ꞌdee Woriiski Haaggan cheekto.

Hilassi Ergaano 21:18

Ibeenki kaas sooraaho ka, Baawulo ichoow nah tuumman iranne, Yaakoobo sooagarre, ewweenki urur Kiriisto woyo tuumman la intaas a kajire.

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Mattaayo 19:28

Yeesso la wihi us icho iyidah, “Rume atin icheeka, maanti Waakh walah tuumman husubnaacho, Ínam Aadam kombortiisti antoote ababto koorronti, atinhi isooraahteen laka komborohi antoote tomon ichoow lammeenye koorrommattaane, yaafoheenki Issiraayele tomon ichoow lammee anattaan.

Yuuda 1:1

Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

Fiiliffi 1:1

Khadaaba eti atin isoochiiro a ani Baawulo. Timooti laka a iskhabna. Nah la a falfa Yeesso Kiriisto. ꞌDooꞌdi an khadaaba isoochiiro a ꞌdooꞌdi Waakhe ilkerengeetti Fiiliffi yaalle icho ichoow Yeesso Kiriisto ba wohoo kalday yahiin, ichoow ꞌdooꞌdi urur Kiriisto yaakhicho ichoow ꞌdooꞌdi urur Kiriisto gargaaro.

Galaatiya 2:12

Iꞌdi eheneet, ꞌdooꞌdoo Yaꞌhuude Yaakoobo kayimiy a jire. Geeddi ꞌdooꞌda iimaatan, Beetero ꞌdooꞌdi yaafohi Yaꞌhuud ieheynan a leegolossata. Iꞌdaasenyi inkoo ꞌdooꞌdaas Yaꞌhuud yimiy, Beetero yombo inokhte, ꞌdooꞌdi us leegolossati kagowe. Waha a jeenteti us ꞌdooꞌda Yaꞌhuude, yaafohi addane lakhandiyo ꞌdoono ikarooro.

Galaatiya 1:19

Ergaanoti addan koo an arge mele, Yaakoobohi Yeessohi Kamure walaaliise kaldaye on menye.

Hilassi Ergaano 15:21

A mehe uus goorat archiiy ilkerengeetohi wewween tuumman ka wihi amurre Muusa miinsan a lacheeke, toro la Seeri Lanaso tuumman ka minki weysiite Yaꞌhuud ka a lasooma.”

Hilassi Ergaano 1:13

Chiꞌicho sooeleeleen ka, inti minki saraate iche maanassaas fiddiito ikorte. Ichehi intaas fiddiito a Beetero ichoow Yoohana ichoow Yaakoobo ichoow Andereeya ichoow Fiilif ichoow Toomas ichoow Barꞌdolomaayo ichoow Mattaayo ichoow inam Alfaayoki Yaakoobo layadeeh ichoow Siimonhi Yaaftiisꞌdoone layadeeh ichoow inam Yaakooboki Yuuda layadeeh.

Mattaayo 13:55

“Us eta aabbahiis eti tagaanki khoꞌdoommee menya? Magah abartiis Maariya menya? Yaakoobo ichoow Yuussuf ichoow Siimon ichoow Yuuda la walaalinyetiis menya?

Hilassi Ergaano 12:17

Ulla dahan ka gammadicha iyidahye, saggi Kamur jeela ikasoobahche icheeke. “Waha Yaakoobo ichoow ꞌdooꞌdi Kiriisto rummeeste icheeka,” iyidahye, bahe intoo addan irte.

Bakkaahit 7:4

Ani la tiri ꞌdooꞌdi sumat lagesse a daage, a et alif kudoo ichoow alif tomon affar ichoow alif affarenye yaafohi Issiraayel tuumman kayimiy.

Hilassi Ergaano 2:5

ꞌDooꞌdi Yaꞌhuude Waákh karooro ilal tuumman kayimiy la, ilkerengeetti weene Yeerusaleem a kajira.

Luuka 22:30

Atin la ꞌdee goobeey ka ileegolossattaane, komborohi antoot koorromattaane, yaafoheenki Issiraayele tomon ichoow lammee anattaan.”

Mattaayo 10:3

Fiilif, Barꞌdolomaayo, Toomas, Mattaayohi kooddi goocho, inam Alfaayo ki Yaakoobo layadeeh, ꞌDaꞌdaayo,

2 Timooti 4:21

Geeddi at tabuuꞌd hol dowe, geeddi il iroffowin inta sooeleel. Yuubolo ichoow Buunten ichoow Liino ichoow Kilaawudiya ichoow ꞌdooꞌdi addane tuummane Kiriisto rummeeste a atin soobariitiche.

Hilassi Ergaano 23:26

Eti khadaaba soochiiro, a ani Kilaawudiyo Luusiyas. Eti an ichiiro la a atihi weene, gaafaneenye Feelig layadeeh. Nebeytaah ma furatti.

Luuka 6:15

Mattaayo, Toomas, Yaakoobohi inam Alfaayee, Siimonhi magahiis Yaaftiisꞌdoone layadeeh ichoow,

Marko 3:18

Reeri addan la a Andereeya, Fiilif, Barꞌdolomaayo, Mattaayo, Toomas, inam Alfaayo ki Yaakoobo layadeeh, ꞌDaꞌdaayo, Siimonhi magahiis Yaaftiisꞌdoone layadeeh,