Rooma 9:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Waha iꞌdoo Yeedi Waakh kufe mee. A mehe ꞌdooꞌdi Yaakoobohi Waakh Issiraayel yidah hiiyyiis kayimiy tuumman mee rumanka Issiraayelenye ꞌdooꞌdi Waakhe.

Rooma 9:6 Referans Kwoze

Galaatiya 6:16

Waakh ba ꞌdooꞌdi yeeda raaho tuumman nebey kakaala, toro uur isoonugleesta. ꞌDooꞌdaas la rumanka a ꞌdooꞌdi Waakh gon.

Rooma 3:3

Rumanka gaasichokoo Waakh ma kakhuufin. Jeenteti icho Waakh ikakhuufin u Waakh koloo kalday laka ayyintiis ma jebcho.

Yoohana 1:47

Chirri Yeesso Naꞌdaanayelhi isoosohti arge ka, wihi usu miinsane us yidah, “Eti rumanka Issiraayelenye wihi beenaat liikaꞌhelin kalla.”

Mattaayo 24:35

Sereyta daayan ichoow harra a kutaane, iꞌdaasenyi yeedasseey jirtuu tuumman ma kutaan.

2 Timooti 2:13

Chiꞌinno usu raahin ꞌdiiꞌdne, usu uliba a eti lakakhuufo on. A mehe us isꞌdiiꞌdin ma yabuuꞌd.

Yoohana 10:35

Saggi atin igarattaan u, Chiirnaanneti Waakh ma luurgiyicho. Chirri ꞌdooꞌdaas Yeedi Waakh ꞌhele, ‘waakkhakh’ lakawahe,

Rooma 9:4

Icho a ꞌdooꞌdi ili Issiraayele, Waakh icho a khaatte, nyaakhutiiski iꞌdi teyyanohiise kayeesse. Toro la weynaantiis goycho ka tuse, ayyinti ittaawenye us igooche ichoow amurre Muusa ba ꞌheleene, jiti Waakh minki Waakhe buure ka lakawahti ꞌheleene, wihi ittaawenye ꞌdee yateehe Waakh gooche laka ꞌheleen.

Fiiliffi 3:3

A mehe innohi Rubeyti Waakh ka weysanni, wihi Yeesso Kiriisto inno iyeele keeylajno toro wihi enenyet sartiis ka yeelo ikakhuufin, iche khandihi rummaate.