Rooma 9:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Icho la aacchinyetichoti lagarti Aburaaham ichoow Isakh ichoow Yaakoobo illehe a khabaan. Kiriisto anki weeli enenyet ka, hiiyyaase kayimiy. Ulla a Waakkhi walah tuumman anti, koolo a ꞌhelo jirtuu tuummamba! Aamiin.

Rooma 9:5 Referans Kwoze

Rooma 1:25

Icho runti Waakh miinsan ma rummeysanne, dib on u ayti beenaat rummeesteen. Waakkhi walah tuumman soouume kootte jirtuu tuumman saaꞌdo imaleen rubeytiis ma wahanne toro la ma inkaanyitine, wahanyeyyohi Waakh soouume inokhteene, Waakh kayeesseen.

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.

Yoohana 10:30

Ani ichoow Aabbaheey a koo kalday.”

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

Rooma 1:3

Weeliissa miinsanyahe, ulla a Yeesso Kiriistohi Kamureene. Sartiis la a sarti weeli enenyete, ulla hiiy karnati Dawuud layadeehe kayimiy.

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Bakkaahit 22:16

“Anihi Yeessee herteeytoo a kisooerge, ꞌdee iche la wahanyeyyoha tuummane rummaat ururreteey icheekta. Ani a Hiiy ichoow weel weel Dawuude toro la a Bakkaali Baryo weyti ababo.”

2 Koriinto 11:31

Waakkhi Waakh ichoow Aabba Yeessohi Kamure jirtuu tuumman a lakoolicho. Ulla saggi waha tuummane an eldi been ieheynan a garta.

Rooma 11:28

Jeenteti ꞌdooꞌdi Issiraayel Wori Haaggan iꞌdiiꞌduu, icho a chiiyti Waakh. Wahaas la atinhi ꞌdooꞌdi ilassi addan a atin irooyyahiin. Iꞌdaasenyi jeenteti Waakh ꞌdooꞌdi Issiraayel isoobahsatuu, Waakh weyti icho ꞌdoona. Waha la a jeenteti ayyinti us aacchinyeticho iayyiche.

Rooma 10:12

Waha mehe tusaan ya, eti Yaꞌhuude ichoow eti Yaꞌhuud ieheynan seley ma gaan. Kamur a Kamuri enenyet tuummane, ulla eti tuummane usu wahe, weyti imaala.

Bakkaahit 22:20

Eti runti wahanyeyyoha cheeko mehe essa ya, “Aa, Dowannoha ka a amiit!” Aamiin. Yeessohi Kamure, dowwa amiit.

2 Timooti 2:8

Saggi Yeesso Kiriistohi hiiy Dawuude omoot liikasookahche akadabin. Wori Haaggane an cheeko a kaas.

1 Timooti 6:15

Waakh ibeenki goorat us gooche Kiriisto enenyet a tusa. Waha a Waakkhi weeli enenyet tuumman saaꞌdo, enenyet tuumman dakhti, a Karnati karnato kussan, a Kamuri kamurre kussan.

1 Koriinto 14:16

Chaꞌat rubey ka Waakh saaꞌddo, ꞌdooꞌdoo siintaas ikhabin la kileejiro, saggoh, “Aamiin,” iyadeehiin, chirri icho wihi at elatti idaagin?

Mattaayo 28:20

Toro la amuri tuummane an atin ibahche abcha a raaheen. Rumanka la an a atin leejira ichoowka ibeenki ꞌdaꞌddaboot yateeh.”

Bakkaahit 5:14

Wahanyeyyohi affarenye lasoouume rubey khabo la, “Aamiin,” yidaaheene, ewweenki tomon lamma ichoow affare la il guꞌdde Waakh ichoow Heleem ba wahte.

Hilassi Ergaano 20:28

Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde.

Mattaayo 6:13

Kajmeti uskeel nah kaluguꞌddo nah kajeyiche, iꞌdaasenyi Seytaanki uskeel leh nah karib!’

Hilassi Ergaano 3:13

Waakh Aburaaham ichoow Isakh ichoow Yaakoobo ichoow Waakh aacchinyeteenna Yeessohi falfatiise weynaache. Atin la Yeesso dahanohi chiiyeet gelisseene layigis. Chirri Bilaato soofurin gooche laka, atin Bilaato ortiis ka us keenyo menye tidaaheen.

Ibiraaniya 7:24

Iꞌdaasenyi Yeesso jirtuu tuumman a jira gone, hiliiski kuhaani et liikuccho, meessiis gelo mele.

Luuka 20:44

Dawuud rubeytiis usu Kamure kawaha, saggoh ꞌdeerka Ki Lasubhe hiiy Dawuud iyahe?”