Rooma 9:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Icho a ꞌdooꞌdi ili Issiraayele, Waakh icho a khaatte, nyaakhutiiski iꞌdi teyyanohiise kayeesse. Toro la weynaantiis goycho ka tuse, ayyinti ittaawenye us igooche ichoow amurre Muusa ba ꞌheleene, jiti Waakh minki Waakhe buure ka lakawahti ꞌheleene, wihi ittaawenye ꞌdee yateehe Waakh gooche laka ꞌheleen.

Rooma 9:4 Referans Kwoze

Efeesso 2:12

Saggi goorat maantaas atin ichoow Kiriisto yeerar ieheneet kasooꞌhela. Atin yaafohi Issiraayele Waakh soobahsate goya ma kajirin. Ayyinti goorat Waakh yaaftaas igooche atin goya ma kajirin. Harrata uskeel kijiro ka la khajjeeloo rucchul laka ma khabine, Waakh laka ma khabin.

Rooma 9:6

Waha iꞌdoo Yeedi Waakh kufe mee. A mehe ꞌdooꞌdi Yaakoobohi Waakh Issiraayel yidah hiiyyiis kayimiy tuumman mee rumanka Issiraayelenye ꞌdooꞌdi Waakhe.

Hilassi Ergaano 2:39

Ayyintaas atin ichoow nyaakhutiin ichoow enenyeti fogaat ichoow ebbaaw addane Kamuri Waakkheene soowahti iche miinsantahe.”

Ibiraaniya 9:1

Ayyinti oraate Waakh gooche ka wahanyeyyohi laꞌdoono Waakh lakawahti a jireene, toro la meessi lagane harratane Waakh lakawahti a jirte.

Rooma 8:15

Iꞌdi tahe Rubeyti Waakhe atin ꞌhesseen ti toro bowꞌdati burꞌdowto atin kayeesso mee. Atin Rubeyti Waakhe iꞌdi teyyanohi Waakh atin kayeesso iche ꞌhesseen. Inno la Rubeytaas ka Waakh a iooyna, “Aabba, Aabbahaanya!” inadeeh.

Yoohana 1:17

A mehe Waakh amurretiis Muusa ka a inno siiche. Haaggi Waakhe buure ichoow runtiis la Yeesso Kiriisto ka a inno tuste.

Ibiraaniya 9:10

Ayyinti oraat wihi iche miinsantahe, a daawohi wihi layaham ichoow wihi ladamo ichoow enenyeti isdikho on. Wahanyeyyoha enenyet lakaꞌdoono la sarti kharaat kaldaye miinsanyahiin. Waha la a laraaha one ichoowka Waakh walah tuumman husubnaacha.

Ibiraaniya 9:3

Dafarti yobbeenye eema seley goosso a jirte, goonanki lammaatteet mehe layadeeh ya, Meessi Weyti Lagan.

Yoohana 1:47

Chirri Yeesso Naꞌdaanayelhi isoosohti arge ka, wihi usu miinsane us yidah, “Eti rumanka Issiraayelenye wihi beenaat liikaꞌhelin kalla.”

Mattaayo 21:33

“Mammahtoo addan dagansada. Etoo gos lehe geeyohi sabiib gosiis goyaka il gesse a jire. Gos la oot kamarche inti gurnaanki sabiib lakayabti khute. Koondihi deere eti gos yaakhicho fiddiyo laka dise. ꞌDeerka gosiis lakireeste, ulla iloo deer sulhaal kiirte.

Rooma 3:2

Rumanka Yaꞌhuudhi layahe indigirti buurenye khaba. Kolooraat wori Waakh yaafohi Yaꞌhuude dahan lagesse.

2 Koriinto 11:22

Icho a ꞌdooꞌdi Ibiraaniya? Ani laka. Icho saggi ꞌdooꞌdi Issiraayele Waakh iwahtaan? Ani laka. Icho hiiy Aburaahame kayimaateen? Ani laka.

Galaatiya 3:16

Toolla la ayyinti goorat Waakh Aburaahám igooche, Aburaaham ichoow weel nyaakhut nyaakhutiissa miinsantahe. Chiirnaanneti Waakh, “Ichoow nyaakhut nyaakhutiissa,” mee tadeeh, iꞌdaas ka kootte a ꞌdooꞌdi ittaawe gone. Iꞌdaasenyi mehe tadeeh ya, “Weel nyaakhut nyaakhutaahha.” Iꞌdaas ka la a etoo kaldaye, a Kiriisto la.

Ibiraaniya 9:5

Saanduukh sartiis la walah lamma lasoouume barbarre khabo saggi Waakh intaas ikajiro tusso, iche fuusse. Barbarreticho la inti Waakh enenyet uskeel ikakuto, iche ogoogte. Iꞌdaasenyi toolla wahanyeyyoha tuumman kaayyeedin ma nabuuꞌd.

Ibiraaniya 9:6

Chirri waha dakkhan ka latannabte ka kuhaaniyyo eema goyaka goonanki oraate geleene, kol dakkhan hilichoki Waakh haaggicheen.