Rooma 9:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Etiinkoo kolossoo mehe iworsata ya, “A iꞌdoh ꞌdeerka Waakh weeli enenyet uskeeli us yeelo ikacheekta? A mehe ayyo injire mali Waakh tirrime?”

Rooma 9:19 Referans Kwoze

1 Koriinto 15:35

Iꞌdaasenyi etoo kolossoo mehe worsata ya, “Waakh ꞌdooꞌdi tuume saggoh omoot ikasookahcha? Sarti berri icho khabaan a too mehe?”

1 Koriinto 15:12

Toolla wori nah atin icheekne, a ki saggi Waakh Kiriisto omoot ikasookahche miinsane, saggoh toro ꞌdooꞌd gaasoo goytiin ka Waakh ꞌdooꞌdi tuume omoot ma kasookahcho iessa?

Marko 14:21

Ínam Aadam iꞌdi usu miinsane lachiiruu, a yamuut. Iꞌdaasenyi eti Ínam Aadam ꞌdub goocho, sinati sugto eenna a buure! Usuhi goorat idelanne deefta.”

Yaakoobo 1:13

Chirri etoo kajme ka uskeel lakalugꞌdo, uus “Waakhe kajme ka uskeel ikalugꞌda,” elan. Iꞌdi tahe Waakh kajmeti uskeel kaluguꞌddo ka ma lakajo, toro Waakh et us kajmeti uskeel kaluguꞌddo ka us kajo mele.

Rooma 11:19

Iꞌdaasenyi, ꞌdeerka mehe tadeehiin ya, “Liikhimohaas goorat a lajebche, ꞌdee ani meel liiyeele.”

Hilassi Ergaano 2:23

Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen.

Yaakoobo 2:18

Iꞌdaasenyi etoo mehe yadeeh ya, “Eemba at Kiriisto a kakhuufta, ani la haage yeela.” Wihi an etaas ilaabo a mehe ya, “Bal saggi at Kiriisto on ikakhuufto toro la haag iyeelin itus. Ani la haaggi an yeelo ka saggi an Kiriisto ikakhuufo a kitusaa.”