Rooma 8:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ ꞌdee jiroteen ka wihi fiffissane amurretaas inno kaꞌdoonto tuum labuuhicha. A mehe wihi uurasseen goya kijiro uskeel imoono ichoow jiroteen ma israahaane, Rubeyti Waakh ichoow jiroteen a israahaan.

Rooma 8:4 Referans Kwoze

Galaatiya 5:16

Wihi an eldi kallaayo, taba jiroti Rubeyti Munyee woyto jira, iꞌda ka la wihi uurassiin goya kijiro uskeel imoono ma raahtaan.

Kolossaay 1:22

Iꞌdaasenyi omootti sar Kiriisto tumuy ka, Waakh ankiissa atin keene, atin munyaache ortiis ka ꞌdooꞌdi eloo rucchul laka ikhabine wohoo rucchul laka liikacheekan atin kayeele.

Yuuda 1:24

Toollaka weynaan tuumman a ti Waakkhi tarraantarran atin kaholin yabuuꞌde, toro la atinhi wohoo rucchul laka atin liikacheekan hamaadi buure khabtaani ortiisti ababto atin keeno.

Ibiraaniya 12:23

Toro la urur Kiriistoki iꞌdi teyyanohi Waakhenye isoodowwaatteen. Waha la a ꞌdooꞌdi magahenyeticho goobi Waakh ka lachiire. Atin la Waakkhi ꞌdooꞌd hukkumo ichoow rubeyohi ꞌdooꞌdi fiffissane el laa lakayeele, iche isoodowwaatteen.

Bakkaahit 14:5

Icho la injire been ma goonne, wohoo rucchul laka ma lakacheekan.

1 Yoohana 3:2

Aalasseeyki an weyti ꞌdoono, inno toolla a nyaakhuti Waakh. Wihi berri inno nateeh la ma inno latusin. Iꞌdaasenyi wihi inno garanni, maanti Kiriisto soobaho inno laka iꞌdiissa nateeh, a mehe maantaas iꞌdi rumanka us yahe a agarra.

Rooma 2:26

Maantaka chirri eti Yaꞌhuud ieheynane ikhandiineynan wihi amurre Muusa enenyet kaꞌdoonto raaho, Waakh etaas iꞌdi etoo lakhandiye ma iekkaacho?

Luuka 1:6

Lammacho ba la ꞌdooꞌdi Waakh ortiis ka fiffissane eheete, raahnaanki amurreti Kamur ichoow wihi Kamur enenyet kaꞌdoono laraaho ka wohoo rucchul laka ma lakacheekan.

Rooma 3:31

Maantaka chiꞌinno kakhuufnaanki Waakh lakakhuufo on khumummaanno, amurre Muusa ꞌdol nassil? Mele, iꞌdaas mee! Rumanka chiꞌinno Waakh kakhuufno kaldache amurretaas laka miigoonna.

2 Koriinto 10:2

ꞌDooꞌdoo mehe essa ya, nah saggi ꞌdooꞌdi harratane ijirra. Maanti an amiit wihi liikasugo a anihi icho roorro laan leeyyeedo. Iꞌdaasenyi a atin hawwaasda wihi iꞌdaase iiholinna.

2 Koriinto 10:3

A mehe inno harratane kijirra. Eheetteey laka, dihoti inno kajirro ti weeli enenyet isladiho mee.