Rooma 8:39 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁹ Wihi sereyta daayan sartiis kijiro ommos harrata iliche kijiro laka ma inno kagoochaan. Wihi Waakh soouume tuumman goyaka laka, wohoo kaldaye ꞌdooninti Waakh Yeesso Kiriistohi Kamureene ka inno ꞌdoono inno kagoon yabuuꞌd ma jiraan.

Rooma 8:39 Referans Kwoze

Rooma 8:35

Mehe inno ichoow ꞌdooninti Kiriisto inno ꞌdoono seley inno bahcha? Sinati inno ꞌhello, ommos wihi miigenye inno kijirro, ommos sinayyohi inno loomhicho, ommos raarah, ommos miskiinnoon, ommos wohoo inno burꞌdoocho, ommos omoot, wohoo kaldaye inno ichoow ꞌdoonintiis ba seley inno bahcho ma jiraan!

Rooma 5:8

Iꞌdaasenyi Waakh saggane geeddi us inno ꞌdoono inno tusa, ꞌdooꞌdi uskeel leh nahaayi, Kiriisto inno iyumuy.

1 Yoohana 4:19

Inno Waakh ichoow ꞌdooꞌdi addan a ꞌdoonna, a mehe Waakhe kolooraat inno ꞌdoonee.

Yoohana 3:16

Iꞌdi tahe Waakh weeli enenyet tuumman weyti ꞌdoone, ꞌdeerka weeliiski kalday soodiibe, ꞌdee eti tuummane Weeli Waakh rummeeste ma yamuute, iꞌdaasenyi jiroti jirtuu imassan ꞌhela.

Efeesso 1:4

Iꞌda ka geeddi Waakh harra isoouumin, Waakh Kiriisto ka a inno soobahsate, ꞌdee ortiis ka ꞌdooꞌdi munyeenye wohoo rucchul laka liikacheekan nateeh. Waakh, jeenteti ꞌdooninti us inno ꞌdoono on u,

1 Yoohana 4:16

ꞌDooninti Waakh inno ꞌdoono a garanna, toro la ꞌdoonintaas a kakhuufna. Waakh wihi us yeelo tuumman ꞌdoonintiissa kayeela. Eti tuummane Waakh ichoow ꞌdooꞌdi addan ꞌdoono, Waakh goytiissa fiddiya, ulla Waakh goytiissa fiddiya.

Yoohana 17:26

Eti at tahe icho a ibabbakkaahiche, toro la oreye isohda weyti eti at tahe ibabbakkaahicha, ꞌdee ꞌdooninti at ani ikhabto goycho a kijirto, ani la goycho a kijiro.”

Yoohana 16:27

Jeenteti atin ani iꞌdoontaane toro saggi an Waakh ikiimiy irummeysatteen u Aabbaheey a atin ꞌdoona.

Rooma 11:33

ꞌHay! Wihi Waakh garti ichoow kharati Waakh a too geeddohe? Enenna a buure! Ayyo maanta wihi Waakh gooche ꞌdubicho bahcha? Ebba! Toro la ayyo jitiis garta? Ebba!

2 Koriinto 11:3

Iꞌdaasenyi wihi an karooro a mehe ya, saggi goorat toof kharatiis ka Haawwo iekkeestuu a geeddi maliin labaabulo ꞌdee raahnaanki el ikhabine atin tuum Kiriisto raahtaan ka jit atin labuucho.

2 Koriinto 2:11

Anna iꞌdane yeela uus ꞌdee Seytaan inno kahataatinee. Iꞌdi tahe inno luhti Seytaan tuumman weyti garanna.

Mattaayo 24:24

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

Bakkaahit 20:7

Inkoo guꞌhassa alifoowe kuteen, Seytaan inti goorat us kahidanyahe ka a lasoofura,

Bakkaahit 20:3

Ankhari dahane ieleelin goya isaate, af hidde toro ꞌduuꞌdde, ꞌdee kola yaafohi harra ma ekkeesti ichoowka guꞌhassi alifoowe kutaan. Maanti guꞌhassaas kuteen, geeddoor toro a lasoofura.

Bakkaahit 19:20

Iꞌdaasenyi binaha ichoow eti goorat eti Waákh íyeyyeedo iskaayyeelo binahaas ortiis ka girmohi miig tuso yeele ba islaleekhabte. Girmoha ka la ꞌdooꞌdi sumatti binahaas ꞌhele toro la iyookkoti binahaas wahte a leekkeeste. Icho lammacho rubey khabaani, beyti ꞌdabe iꞌdi lahawti kibiriiꞌd ibolokhto goya liiseye.

Bakkaahit 13:14

Binahi lammaatteet jeenteti binahi oraat orcho ka miigti us girmo kayeelo liisiichuu, ꞌdooꞌdi harra kijiro ekkeeste. Weeli enenyet amur ibahche ꞌdee iyookkotoo binahi oraate birlab ka lajiisooche uliba jiro lakiinkaanyito a haaggicho.

Bakkaahit 12:9

Khorojebsiha buure il liisooseye, ulla a ki goorat archiiy jire, magahiis la ki ꞌdooꞌd hanti ommos Seytaan iche layadeeh. Usu ꞌdooꞌdi harra tuummane jit buucha. Ulla hertiis khabaayi harra liisooseye.

Bakkaahit 2:24

Atinhi addane ilkerengeetti ꞌDiyaaꞌdira kajirtaane, wihi iche enenyet abisso iraahine, toro la wahanyeyyohi dagsane Seytaan iaban, hulees addane an atin korcho mele.

2 'Dessaloonika 2:4

Eta wihi tuummane Waakh layadeeh ommos wihi lawahti tuummane tirrima toro la ꞌdirihicho isweynaacha, ꞌdee minki Waakhe buure goya orronta, nane Waakh iskayeela.

Rooma 1:7

Atinhi tuummane ilkerengeetti weene Rooma taalliine, Waakh ꞌdoono, Waakh wahe ꞌdooꞌdi Waakh lakayeele, iche khadaaba isoochiira. Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

Rooma 6:23

Iꞌdi tahe gunnaanki eti uskeel yeelo laguto, a omoot. Iꞌdaasenyi siinti Waakh iꞌdaanu enenyet siicho, a jiroti jirtuu imassan. Waha la a chirri inno ichoow Yeesso Kiriistohi Kamureene ba wohoo kalday nahe.

Rooma 8:1

Maantaka ꞌdooꞌdi icho ichoow Yeesso Kiriisto ba wohoo kalday yahiin, Waakh icho ma hukkumo, sina la ma igoocho.

Fiiliffi 3:3

A mehe innohi Rubeyti Waakh ka weysanni, wihi Yeesso Kiriisto inno iyeele keeylajno toro wihi enenyet sartiis ka yeelo ikakhuufin, iche khandihi rummaate.

Fiiliffi 3:8

Wihi wahaas kuto, chaꞌan walah tuumman ichoow indigirti buurenye an Yeesso Kiriistohi Kamureeye an abdi isiyeyo, walah tuumman kola jeente Kiriistuu tuum khasaara iekkaacha. Icho uꞌdu iekkaacha ꞌdee Kiriisto ꞌhela,

Fiiliffi 3:12

An laka uliba wahanyeyyohaas an eldi iꞌdi goorat Waakh ikaꞌdoonuu tuum a itah ma eldi. Iꞌdaasenyi Yeesso Kiriisto ikhuccha. An kol tuumman hole dowa, wahaas Yeesso Kiriisto ꞌhor ikhabte ani laka khabda.