Rooma 8:35 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁵ Mehe inno ichoow ꞌdooninti Kiriisto inno ꞌdoono seley inno bahcha? Sinati inno ꞌhello, ommos wihi miigenye inno kijirro, ommos sinayyohi inno loomhicho, ommos raarah, ommos miskiinnoon, ommos wohoo inno burꞌdoocho, ommos omoot, wohoo kaldaye inno ichoow ꞌdoonintiis ba seley inno bahcho ma jiraan!

Rooma 8:35 Referans Kwoze

Yoohana 10:28

ꞌDooꞌdi ani isooraaho la jiroti jirtuu imassanne siicha, icho la jirtuu ma yamuutiin. Et dahanteey ikasaro mele.

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

2 Koriinto 4:17

Iꞌdi tahe sinayyohaar ꞌdabakhe a wihi geeddoor one, wihi icho keenaan la a ababnaanki weyti khummane jirtuu tuumman imassanne sinayyohaas kussan.

Rooma 8:39

Wihi sereyta daayan sartiis kijiro ommos harrata iliche kijiro laka ma inno kagoochaan. Wihi Waakh soouume tuumman goyaka laka, wohoo kaldaye ꞌdooninti Waakh Yeesso Kiriistohi Kamureene ka inno ꞌdoono inno kagoon yabuuꞌd ma jiraan.

2 Timooti 1:12

Jeentetase toolla ani sina ikawaarta. Iꞌdaasenyi ma kalakhaanyeysadi. A mehe eti an rummeesde a garda. Anna waha a tissiba, miigti us wihi an dahantiis gesse us kayaakhicho ichoowka ibeenki ꞌdaꞌddaboot yateeh a khaba.

1 Koriinto 4:11

Ichoowka uliba laka, nah raarah on khabna, sugub laka khabna toro la gaaddi raagte sar kakhabna. A nah lajahe, minki nah igello laka ma khabno.

Rooma 8:17

Inno a nyaakhutiissa gone, wihi Waakh nyaakhutiis siicho a muꞌdannahe. Toro wihi Waakh Kiriisto siicho laka a leeꞌhella. A mehe chirri rumanka inno sinati usu lakawaariche leegisanno, weynaanti usu laweynaacho laka a leegisanna gon.

Yoohana 13:1

Geeddi ibeenki daawti Baasakka iitaahan, Yeesso saggi ibeenki us harrata katabo, us Aabbahiis iirti kola iyitah garte. Yeesso la ichoowka maanti jirotiisti harrata soomassatti laka, ꞌdooꞌdiis a ꞌdoone.

2 'Dessaloonika 2:16

Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

Bakkaahit 1:5

Toro la Yeesso Kiriistohi runti Waakh ka garti lakakhuufo laabo, eti kolooraate omoot kasookaheenye, toro weynaanti harrata dakkhan anti ba atin imaala, nebey atin kakaala. Yeesso Kiriisto a inno ꞌdoona toro la diiggiis ka uskeel a inno kasoofure.

Rooma 2:9

Waakh sina ichoow bolokh eti tuummane suujoon yeelo a tusa, yaafohi Yaꞌhuude kasookhabta, ꞌdee yaafohi Yaꞌhuud ieheynan ikuta.

Rooma 8:37

Mele gon! Chirri wahanyeyyoha tuumman inno isoobahaan laka, inno ꞌdooninti Kiriisto inno ꞌdoone ka, a ꞌdooꞌdi tuum soorin leh!

1 Koriinto 4:12

Dahanohaanya hol isikadowna. Chirri ꞌdooꞌd nah falo laka, nah ꞌdooꞌdaas a iweysanna. Chirri sina nah loomhicho laka, a garrahsanna on.

2 Koriinto 4:8

Amam tuumman ka a nah lamarche, iꞌdaasenyi ma nah laajjebcho. Uurlammaale khabna iꞌdaasenyi ajjibaat ma khaanno.

2 Koriinto 4:9

Sina nah loomhicha, iꞌdaasenyi Waakh ma nah ꞌdiicho. Kolossoo il nah lakaguꞌdda, iꞌdaasenyi rubey ma nah lakabahcho.

2 Koriinto 12:10

Chaꞌan indigir Kiriistuu ꞌdaranahe, ommos chirri ꞌdooꞌdoo ileeabaarramo, ommos chirri an sina ꞌhelo, ommos chiꞌ sina liiomhicho ommos walahbaaw miigenye an goya leeamiit ka laka, an a hamaada on. Iꞌdi tahe ꞌdarriteey ka, miig a khaba.

Efeesso 3:19

Toro la Waakhe daaha ꞌdee ꞌdoonin Kiriisto abattaan, chirri atin ꞌdooninta wihiche tuum aban iubaaꞌdan laka. Iꞌdaas ka buuhi Waakh tuum goytiinna buuhicha.