Rooma 8:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Ayyo uskeel inno igoocha? Yeesso Kiriistohi yumuyye, wahaas ꞌdirihicho ka la omoot lakasookahche, toolla la anki dahanti miigeete Waakh jiro, Waakh a inno ihawwaasta.

Rooma 8:34 Referans Kwoze

Ibiraaniya 7:25

Maantaka usu ꞌdooꞌdi usu leeyamiite Waakh iirti tuum ribin a yabuuꞌd. Iꞌdi tahe usu kol tuummamba a jira, ꞌdee ꞌdooꞌda Waakh a ihawwaasta.

Rooma 8:27

Waakkhi uurassi weeli enenyet fiiricho la, mali Rubeyti Munyee a garta, a mehe wihi Rubeyti Munyee ꞌdooꞌdi Waakh Waakh ihawwaassatti ichoow wihi Waakh ꞌdoono a israahaan.

1 Beetero 3:22

Kiriisto la goobi Waakhe inokhte, Waakh dahantiisti miigeet orronte, herti Waakh tuumman ichoow wihi tuummane goobi Waakh ka anto ichoow miig leh ba afiis ma kutaan.

Ibiraaniya 9:24

Iꞌdi tahe Kiriisto Meessi Lagane weeli enenyet haaggiche iyookkoti ti rummaate ma gelin. Usu goobi Waakh rubeytiissa gele. Ulla toolla Waakh ortiissa kajira, inno iyeyyeeda.

Rooma 8:1

Maantaka ꞌdooꞌdi icho ichoow Yeesso Kiriisto ba wohoo kalday yahiin, Waakh icho ma hukkumo, sina la ma igoocho.

Marko 16:19

Inkoo Yeessohi Kamure icho leeyeede ka goobi Waakh liikorche, Waakh anki dahantiisti miigeet orronte.

Kolossaay 3:1

Maanti Waakh Kiriisto omoot kasookahche, anki Waakh ka atin laka omoot a atin laleesookahche. Maantaka wahanyeyyohi saraate inti Kiriisto komborti antoote Waakh miigtiise kafiddiyo ꞌdondoona giꞌde.

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Rooma 14:9

Jeentetuu Kiriisto a yumuyye toro la toolla a jira, ꞌdee Kamuri ꞌdooꞌdi jiro ichoow ki ꞌdooꞌdi tuume yateeh.

Rooma 4:25

Waakh Yeesso a soodiibe, jeenteti uskeeleen iyumuyye, Waakh la usu omoot kasookahche, ꞌdee Waakh ꞌdooꞌdi fiffissan inno iekkaacha.

1 Beetero 3:18

A mehe Kiriisto maantoo kalday on uskeeleen iyumuyye, maantoo addan la uskeeleen ma iyamuut. Eti fissan jeenteti ki khollokkhane iyumuyye ꞌdee inno Waakh inno ikeena. Usuhi weeli enenyetenye layigisye, iꞌdaasenyi Rubeyti Munyee ka omoot lakasookahche.

Ibiraaniya 1:3

Weela Waakh la weynaanti Waakkhi ababo tusa, ulla toro a fooli Waakh. Ulla yeediiski miig leh ka wihi tuummane jiro khuccha. Ulla a yumuyye, ꞌdee usu rubeytiis jiti uskeeli weeli enenyet lakadikho yitah. Inkoo us wahaas yeele ka, goobi Waakh ka Waakkhi Weyti Ween ankiiski miigeet orronte.

Rooma 14:13

Maantaka taba giꞌde uus inno uskeel isigoon. Fiddihi inno fiddiino ka waha goonno, koloo kalday laka etaahki Kiriisto rummeeste daakki tarraantarricho iitaahane, ommos uskeel goya akalugꞌdin.

Yoohana 16:23

Maantaas walah atin iworsattaan mele. Rume atin icheeka, walahbaaw jeenteti atin keey itahiin u daahteen Aabbaheey a atin siicha.

Yoohana 14:19

Geeddoo rucchul ka kola ꞌdooꞌdi harrata toro ma iargo, iꞌdaasenyi atin a iagartaan. Toro jeenteti an ijiruu, atin laka ꞌdee jiro a ꞌhessaan.

Mattaayo 20:28

Saggaas on u, Ínam Aadam ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

Hilassi Ergaano 2:24

Iꞌdaasenyi Waakh usu omoot a kasookahche, bolokkhi omooteet kasoofure, a mehe omoote usu jeyin ma tabuuꞌd.