Rooma 8:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ Iꞌdi tahe Waakh uumaccho on ka ꞌdooꞌdi kiise garte, toro la ꞌhor on ꞌdooꞌdaas saggi us iꞌdi Weeliis ikayeelo gooche. Ulla iꞌdane yeele, ꞌdee Weeliis ꞌdooꞌdi ittaawenye Kiriisto rummeeste goyaka teyyan yateeh.

Rooma 8:29 Referans Kwoze

Efeesso 1:11

Waakh Kiriisto ka a inno soobahsate. Waha la a wihi us maliis ka goorat gooste on. Toro la walah tuumman saggi icho isooyateehiine igoocha,

2 Timooti 1:9

A mehe Waakh rubeytiissa inno ribe toro inno wahe, ꞌdooꞌdiiski munyee inno kayeele. Waha la jeenteti inno haaggoo iyeelle menye, a wihi goorat usu on gooche, toro la a jeenteti haaggiiski buurenye inno imunneynan on. Haagga Waakh la geeddi harra liisoouumin on innohi inno ichoow Yeesso Kiriisto ba wohoo kalday nahe inno lasiiche.

1 Beetero 1:20

Geeddi harra liisoouumin on usu lasoobahche, iꞌdaasenyi iroonotiin u ibeenneta ꞌdaꞌddaboote lasoobabbakkaahiche.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

2 Timooti 2:19

Iꞌdaasenyi ururi rummaate koo Kiriistee iꞌdi tirrinki Waakh u uliba mujjume chuukhanyahe. Wihi kachiiran la kallaayo, “Kamur ꞌdooꞌdi kiise a garta.” Wihi addane kachiiran a mehe ya, “Eti tuummane an Kamure raaha essi, uskeel a ꞌdiicho.”

1 Koriinto 2:7

Kharati nah kaayyeeno la a ti Waakhe dagsan. Waakh la kharataas a dagche. Kharata la a ti Waakh geeddi us walah isoouumin gooche, ꞌdee wihi haaggan tuumman ꞌhella.

1 Beetero 1:2

Soobahsanaanki Waakkhi Aabbaheene atin soobahsate ichoow wihi ꞌhor us garte a israahaan. Toro us a atin soobahsate hili Rubeyti Munyee ka atin munyaache, ꞌdee Yeesso Kiriisto aytiis raahtaane diiggiis ka atin lakadikha. Waakh ba tuum atin imaala nebey tuum atin kakaala.

1 Koriinto 15:49

Saggi inno toolla iyookkoti eti harrata ikhabno, iꞌdaasu laka berri iyookkoti eti goobi Waakhe bihinna.

Rooma 9:23

Ulla toro samacchaare eheete, ꞌdee kamurroonki weynaantiis ꞌdooꞌdi us uur isoonugleesti us orey on tannabiche ꞌdee weynaantiis ꞌhelo tuse.

1 Yoohana 3:2

Aalasseeyki an weyti ꞌdoono, inno toolla a nyaakhuti Waakh. Wihi berri inno nateeh la ma inno latusin. Iꞌdaasenyi wihi inno garanni, maanti Kiriisto soobaho inno laka iꞌdiissa nateeh, a mehe maantaas iꞌdi rumanka us yahe a agarra.

2 Koriinto 3:18

Inno tuumman la foolasseenki liiogoogin ka, a iꞌdoo inno ababnaanki Kamur kitaab goyaka bihinno. Geedda inno bihinno la a inno luurgiyicha, samacchaar usu iokkanaanna. Ababnaanka inno ababno la Rubeyti Kamure kayamiite, kakhayma weyti buuraata.

Rooma 11:2

Waakh rumanka sag us ꞌdooꞌdiiski goorat usu on uumaccho ka garte iꞌdiiꞌde mele gon. Atin laka rumanka Chiirnaanneti Waakh goyaka maanti eti Waákh íyeyyeedo Eliiya layadeeh Waakh hawwaaste us yaafohi Issiraayel wihi ittaawe kacheekte a garattaan. Eliiya wihi us yidah a mehe ya,

Yoohana 17:16

Iꞌdi an laka ꞌdooꞌdi harrata kichokoo ieheynan u, icho laka ki harrata mee.

Fiiliffi 3:21

Ulla miigtiisti us walah tuumman isikeeno anan yabuuꞌd ka, sarteenta ꞌdarane tamuut a urgiyicha, iꞌdi sartiisti weyti haaggan kayeela.

Efeesso 4:24

Wihi ꞌdaꞌddaboot, Waakh a atin soouume, ꞌdee ꞌdooꞌdoo huhhusube iꞌdiisenye rumanka fiffissane toro munyee tateehiin.

Mattaayo 12:50

A mehe eti tuummane wihi Aabbaheeyki serey jiro ꞌdoono yeelo, a walaalaaya, a walaassaaya, a abartaaya.”

Yoohana 17:26

Eti at tahe icho a ibabbakkaahiche, toro la oreye isohda weyti eti at tahe ibabbakkaahicha, ꞌdee ꞌdooninti at ani ikhabto goycho a kijirto, ani la goycho a kijiro.”

Rooma 13:14

Taba giꞌde sagag tuumman ka Yeesso Kiriistohi Kamure iꞌdiis ateeha, toro la wihi uurassiin goya kijiro uskeel imoono koloo kalday laka araahina.

Mattaayo 7:23

Anna ꞌdow ka mehe icheeka ya, ‘An injire ma atin garan. Atinha hugunꞌdarri kaassohattaan nyaama ikataba.’

Yoohana 20:17

Yeesso chirraakka wihi us iyidah, “Iikhaban, iꞌdi tahe an uliba Aabbaheey ma inokhan. Nyaame, ꞌdooꞌdi irummeeste iiro, saggi an eti Aabbaheeyenye toro icho laka Aabbahichee ikanokhdi, icheek. Ulla a Waakkhaaya, toro la a Waakkhichooda.”

Yoohana 17:19

Jeentetichuu la, an a ismunyaacha, ꞌdee icho laka, rumanka lamunyaacha.

Mattaayo 25:40

“Karnat la wihi us ilaabo, ‘Rume atin icheeka, wihi atin ꞌdooꞌda irummeeste wohoo liikoogeynan iyeesseen, a iꞌdoo atin ani iyeesseen.’

Mattaayo 28:10

Yeesso ꞌdeerka wihi us icho iyidah, “Roorro akhabina! Nyaama ꞌdooꞌdi irummeeste wihi atin itadeehiin, ‘Gaalilaaya irda, intaas ka ꞌdee a iagartaan.’ ”

1 Koriinto 8:3

Iꞌdaasenyi eti Waakh ꞌdoono, Waakh usu a garta.

Kolossaay 3:10

Toro la jiroti husube gessatteene, jirotaas ka la kol dakkhan Waakhe atin husubnaacha, ꞌdee usu rumanka abattaane, iyookkoti Waakkhi atin soouume raahtaan.