Rooma 8:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Toro Rubeyti Munyee laka ꞌdarriteen ka a inno gargaarta. Wihi tahe, inno saggi inno Waakh iwahanni ma garanni. Iꞌdaasenyi Rubeyti Munyee iche Waakh inno ihawwaassatta, wihi iche ooyto Waakh idowto la, wihi af ka idaahan layabuuꞌd mee.

Rooma 8:26 Referans Kwoze

Mattaayo 10:20

A mehe atin mee yeyyeeddaan, iꞌdaasenyi Rubeyti Waakkhi Aabbahiinenye goytiin kasooyyeedda.

Efeesso 6:18

Taba kol tuumman saggi Rubeyti Munyee atin iwoytuu weysi ichoow daahti fil tuummane ka Waakh wahda. Iꞌda yeessaani toorribda, toro kol dakkhan garrahsada ꞌdooꞌdi Waakh tuumman Waakh iwaha.

Galaatiya 4:6

Jeenteti atin nyaakhuti Waakh itahiin u la, Waakh Rubeyti Weeliissa rirriirto, “Aabba, Aabbahaaw,” elatti sooerge, rubeyoheen goya gesse.

Yoohana 14:16

Anna Aabbaheey a daaha, ulla ꞌDooggargaartotoo addane jirtuu tuumman atin leejirto atin isooerga.

Efeesso 2:18

A mehe Kiriisto ka, innohi Yaꞌhuude ichoow yaafohi addan ba, Rubeyta Munyee ka, Waakkhi Aabbaheenenye inno leeyyeeno a muꞌdannahe.

Rooma 8:15

Iꞌdi tahe Rubeyti Waakhe atin ꞌhesseen ti toro bowꞌdati burꞌdowto atin kayeesso mee. Atin Rubeyti Waakhe iꞌdi teyyanohi Waakh atin kayeesso iche ꞌhesseen. Inno la Rubeytaas ka Waakh a iooyna, “Aabba, Aabbahaanya!” inadeeh.

Ibiraaniya 4:15

Kuhaaniheenka weyti ween la ꞌdabakkheen tuumman a isoonaha. Iꞌdi tahe sagag tuumman ka saggi kajmeti uskeel inno kaluguꞌddo inno liikakajo on usu laka liikaje, iꞌdaasenyi uskeeloo rucchul laka ma gelin.

Yaakoobo 4:3

Walah a daahtaane ma ꞌhessaan, a mehe atin uuri suujenye kadaahtaane, ꞌdee wahaas awtiinna on hamaadichaan.

Rooma 15:1

Maantaka innohi kakhuufnaanki inno Waakh kakhuufno ka miige, ꞌdooꞌdi kakhuufnaanki us Waakh kakhuufo ka ꞌdabakhe igarrahsanni, a mehe wihi icho yeelaan ichoow kakhuufnaanki icho Waakh kakhuufaan ma israahaan. Toro la uus inno awteenna on ishamaadin giꞌde.

Luuka 22:44

Bolokkhi buure goyaka geeddi kootteet laka ꞌdirihiis Waakh wahte, iꞌdiꞌdi us ꞌhooricho harra kaaddibho la iꞌdi diiggi diddibho yitah.

2 Koriinto 5:4

Iꞌdi tahe geeddi inno sarteenta harratane iꞌdi eemee on khabno a ooyna iꞌdoo hulees inno lakorchuu. Waha jeenteti innohi sarteenti harrata lakaduumicho iꞌdoonno menye, innohi sarteenti husube goobi Waakhe inno lagesso ꞌdee jiroti jirtuu imassan sarteenta tamuut chakhsatti iche ꞌdoonna.

2 Koriinto 5:2

Geeddi inno sarta on khabno a ooyna, toro la sarti husube goobi Waakhe iꞌdi dafarti inno gessannuu imoonna.

Mattaayo 20:22

Yeesso la wihi us icho iyidah, “Atin wihi atin daahtaan wihiche ma garattaan. Atin maanta kokkoobi sinayyoote an dowwanoha ka soodamo damin a tabuuꞌdiin?” Wihi iche ilaabte, “A nabuuꞌd.”

Ibiraaniya 5:2

Kuhaanihi ween ullaka ꞌdabakkhi weeli enenyet a khaba gone, ꞌdooꞌdi jeenteti us jiti mujjume igaran u uskeel gelo, inahin a yabuuꞌd.

Rooma 7:24

Wooy! Mal a ibuuhiche! Ayyo sarta omoot igeesso ikasoofura?