Rooma 8:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Harrati goorat Waakh soouume tuumman maanti Waakh ꞌdooꞌdi rumanka nyaakhutiis yahe soobabbakaahicho weyti sugta.

Rooma 8:19 Referans Kwoze

1 Yoohana 3:2

Aalasseeyki an weyti ꞌdoono, inno toolla a nyaakhuti Waakh. Wihi berri inno nateeh la ma inno latusin. Iꞌdaasenyi wihi inno garanni, maanti Kiriisto soobaho inno laka iꞌdiissa nateeh, a mehe maantaas iꞌdi rumanka us yahe a agarra.

Rooma 8:23

Harrataas Waakh soouume kalday ma ooyto, innohi gurnaanki oraate Rubeyti Munyee khabno laka a ooyna. Geeddi inno ibeenki Waakh nyaakhutiis inno kayeelo toro la us sarteenti omoote hidde ribnaanki ꞌdaꞌddaboot ribo sugno, goyteen ka a ooyna.

Fiiliffi 1:20

Wihi an weyti sugo toro la an khajjeelo intoo rucchul ka laka lakhaanyo ma isikeeno, iꞌdaasenyi toolla ichoow kol tuumman roorro laane sarteey ka Kiriisto weynaacha, jiroteey ommos omootteey eheetteey ka ba.

Hilassi Ergaano 3:21

Iꞌdi goorat archiiy Waakh ꞌdooꞌdiiski munyeenye usú íyeyyeedo ka cheekuu, wihi Waakh gooche, Yeesso goobi Waakhe fiddiya ichoowka ibeenki Waakh walah tuumman husubnaacho yateeh.

Mattaayo 5:9

ꞌDooꞌdi Waakh imaalo, a ki enenyet isineybicho, a mehe nyaakhuti Waakhe layadeeh.

Yoohana 1:12

Iꞌdaasenyi ꞌdooꞌdi tuummane usu khaatte, magahiis rummeeste, nyaakhuti Waakhe icho yateehiin a muꞌdanyahiin.

Rooma 8:14

Iꞌdi tahe ꞌdooꞌdi tuummane Rubeyti Waakh woyto, a nyaakhuti Waakh.

Rooma 8:16

Rubeyti Waakh ichoow rubeyoheen saggi inno rumanka nyaakhuti Waakh inahe a isleecheekaan.

Rooma 8:18

An wihi an kamalde a waha, sinayyohi toolla harrata ka inno khabno ichoow weynaanti buurenye Waakh ꞌdee inno isoobabbakkaahicho ma isiyeyno.

Rooma 9:26

Toro, “Wihi yateeh, inti Waakh, ‘Atin ꞌdooꞌdeey mee,’ ikayidah, intaas on ka wihi us icho iyadeeh, ‘Atin a nyaakhuti Waakkhi jiro.’ ”

1 Koriinto 1:7

Maantaka siinti Rubeyti Munyee katamiit too kaldaye atin kaankhan ma jirto, geeddi atin Yeesso Kiriistohi Kamureenenye inno liisoobabbakkaahicho weyti sugtaan.

1 Koriinto 1:8

Yeesso Kiriistohi Kamureene la a atin miigoocha, usu mujjum kakhuuftaane, ꞌdee maanti us soonokhti ka, wohoo rucchul laka ma atin kacheekti.

2 Koriinto 6:18

“An ooyohiinna ateehe, atin la nyaakhutaaya tateehiin,” iche Kamuri Miig Tuumman Leh essa.

Galaatiya 3:26

Kakhuufnaankaas atin Yeesso Kiriisto kakhuufteen ka, atin tuumman a nyaakhuti Waakh.

Kolossaay 3:4

Maanti Kiriistohi jiroteenti rummaat khuccho harra tuumman isoobaho atin laka a leesoobahtaane, iꞌdiis u ababtaan.

Ibiraaniya 12:27

Yeeda, “Koloo kalday toro,” essi saggi wihi Waakh haaggiche harrata kijiro liikorkokicho, liibahcho, ꞌdee wihi jirtuu tuumman jiro kaldach on isooꞌhadaane tusa.

1 Beetero 1:7

Sinayyoha a atin isoobaheene kakhuufnaanki atin Waakh kakhuuftaan kajaane, ꞌdee saggi us ki rummaat iyahe toro eloo rucchul laka ikhabin tusaan. Kakhuufnaanka Waakh lakakhuufo gatoti ꞌdahab laka a kussanyahe. A mehe ꞌdahabi kheerowo laka ꞌdabe lakakaja toro la ꞌdabe dikha. Maanti Yeesso Kiriisto harra tuumman liisoobabbakkaahicho ka kakhuufnaankiin koolo ichoow weynaan ichoow inkaanyiti buure ꞌhela.

1 Beetero 1:13

Maantaka maliin hil itannabicha, isjeycha, haaggi Waakhe buurenye maanti Yeesso Kiriisto atin liisoobabbakkaahicho atin lasiicho tuum khajjeel kakhaba.

1 Yoohana 3:1

ꞌDooninti Waakkhi Aabbaheene inno ꞌdoono eenna a buure. Waakh rubeytiis laka nyaakhutiissa inno yadeeh! Rumanka la inno a nyaakhuti Waakh! Maantaka ꞌdooꞌdi harrata ma inno garti, a mehe icho Waakkhi Aabbaheene ma gartaane.

Bakkaahit 21:7

Eti sooricho wihi tuummane usu muꞌdane ꞌhela, an Waakkhiissa ateehe, ulla weeleey yateeh.