Rooma 8:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ An wihi an kamalde a waha, sinayyohi toolla harrata ka inno khabno ichoow weynaanti buurenye Waakh ꞌdee inno isoobabbakkaahicho ma isiyeyno.

Rooma 8:18 Referans Kwoze

1 Beetero 4:13

Iꞌdaasenyi hamaada jeenteti atin Kiriisto sina ileegisantaane ꞌdee weyti ihamaaddaan maanti weynaantiis enenyet liisoobabbakkaahicho.

Kolossaay 3:4

Maanti Kiriistohi jiroteenti rummaat khuccho harra tuumman isoobaho atin laka a leesoobahtaane, iꞌdiis u ababtaan.

Hilassi Ergaano 20:24

Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.

1 Yoohana 3:2

Aalasseeyki an weyti ꞌdoono, inno toolla a nyaakhuti Waakh. Wihi berri inno nateeh la ma inno latusin. Iꞌdaasenyi wihi inno garanni, maanti Kiriisto soobaho inno laka iꞌdiissa nateeh, a mehe maantaas iꞌdi rumanka us yahe a agarra.

1 Beetero 1:13

Maantaka maliin hil itannabicha, isjeycha, haaggi Waakhe buurenye maanti Yeesso Kiriisto atin liisoobabbakkaahicho atin lasiicho tuum khajjeel kakhaba.

2 'Dessaloonika 2:14

Waakh jirota husub Wori Haaggane nah atin isoocheekne ka a atin wahe, ꞌdee Yeesso Kiriistohi Kamureene weynaantiisti ababto leegisantaan.

1 Beetero 5:1

Maantaka, wihi an ewweenki urur Kiriisto woyo daaho a waha. Ani laka a ewweenkoo iꞌdiinenye, toro la garti saggi Kiriisto sina liiomhiche a laaba. Ani laka maanti us soonokhti weynaantiis a leegisma.

Ibiraaniya 11:35

Deyyeho gaasoo ꞌdooꞌdi hiiyyicheenye tuume omoot lakasookahche, ꞌheleen. ꞌDooꞌd gaasoo bolokkhi buurenye latuse toro furnaanki lasoofuro ꞌdiiꞌde, ꞌdee maanti omoot lakasookahcho ka jirotoo deefto ꞌhelaan.

Rooma 8:19

Harrati goorat Waakh soouume tuumman maanti Waakh ꞌdooꞌdi rumanka nyaakhutiis yahe soobabbakaahicho weyti sugta.

Tiito 2:13

Iꞌdane yeella geeddi inno khajjeeli buuhi Waakh keeno sugno. Waha la a maanti Yeesso Kiriistohi Waakhenye ꞌDoorribeheene weynaantiisti ababto inno liisoobabbakkaahicho.