Rooma 8:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Inno a nyaakhutiissa gone, wihi Waakh nyaakhutiis siicho a muꞌdannahe. Toro wihi Waakh Kiriisto siicho laka a leeꞌhella. A mehe chirri rumanka inno sinati usu lakawaariche leegisanno, weynaanti usu laweynaacho laka a leegisanna gon.

Rooma 8:17 Referans Kwoze

Galaatiya 4:7

Kola geeddi atin bowꞌda keeheet a massatte, atin a nyaakhuti Waakh. Jeenteti atin nyaakhuti Waakh itahiin u la, wihi Waakh nyaakhutiis ikhabo tuumman atin laka a muꞌdantahiin.

Galaatiya 3:29

Atin koo Kiriisto a titaaheen gone, atin laka ꞌdeerka a nyaakhut Aburaahame, toro la ayyinti goorat Waakh Aburaaham igooche, atin laka a muꞌdantahiin.

Efeesso 3:6

Waha dagsaneet la a mehe ya, Wori Haaggan ka yaafohi Yaꞌhuud ieheynan wihi yaafohi Yaꞌhuud muꞌdan a leeꞌhelaan. Icho kola a sartoo kaldaye toro la wihi Waakh Yeesso Kiriisto ka ayyiche a leegismaan.

Bakkaahit 21:7

Eti sooricho wihi tuummane usu muꞌdane ꞌhela, an Waakkhiissa ateehe, ulla weeleey yateeh.

1 Beetero 4:13

Iꞌdaasenyi hamaada jeenteti atin Kiriisto sina ileegisantaane ꞌdee weyti ihamaaddaan maanti weynaantiis enenyet liisoobabbakkaahicho.

1 Beetero 1:4

Toro la jirota husub ka Waakh wihi inno muꞌdane jirtuu ituumine, eloo rucchul laka ikhabine, iraagin goobi Waakh ka meel a inno igessa.

Tiito 3:7

Haaggi Waakhe buurenye inno imunneynan ka, ꞌdooꞌdi fiffissan a inno iekkaache. Waakh waha dakkhane yeele ꞌdee ꞌdooꞌdi jiroti jirtuu imassanne inno khajjeello dalho nateeh.

Ibiraaniya 6:17

Waakh ꞌdooꞌdi wihi us ayyiche dalho saggi us ayta weyti imiigooche toro la us maliis iurgiyin a tusa. Jeentetuu la Waakh wihi us ayyiche ka a daatte.

Yoohana 17:24

“Aabbahaaw, at icho ani a isiisse. An la ichohi inti an kajiro icho laka kajiraane, ꞌdeeka weynaanti ati isiisse argaan iche ꞌdoona. Weynaantaas la a ti at isiisse jeenteti at ani geeddi harra liisoouumin laka iꞌdoontuu.

Yaakoobo 2:5

ꞌDooꞌd Kiriistokaaw, waha daaga bal, Waakh ꞌdooꞌdi harrata ka miskiin liiekkaacho ma soobahsanne, ꞌdee kakhuufnaanki icho Yeesso kakhuufaan ka Waakh icho kamurre ma iekkaanna? Toro la Waakh ꞌdooꞌda ma soobahsanne ꞌdee dakhi Waakhe Waakh ꞌdooꞌdi usu ꞌdoono iayyiche ma muꞌdan a?

Fiiliffi 1:29

Ulla jeente Kiriistuu, rummeysanaanki atin usu rummeysattaan kalday menye, sinati atin taham laka a atin siiche.

2 Koriinto 1:7

Khajjeeli nah atin kakhabno la ma sesseeho. A mehe wihi nah tissibno saggaas atin sinayyo nah ileegisantaan u, khoboonnaanki Waakh uur nah khoboocho a nah leegisantaan.

Rooma 5:17

A mehe jeenteti amuroo kaldaye lajebcho goorat eta kalday yeele u, omoote etaas kalday ka tuum a inno dakhatta. Iꞌdaasenyi wihi Yeesso Kiriisto inno iyeele, geeddoo meheenye wahaas kussanyahiin. Siinta haaggi Waakhe buurenye inno imunneynan ichoow siinti us ꞌdooꞌdi fiffissan inno iekkaacho a inno siiche. Siinta ka ꞌdooꞌd jiroti soorinnaane ꞌhela.

Ibiraaniya 1:14

Herti Waakh a meheey? Icho a rubeyohi Waakh ergati, ꞌdooꞌdi ribnaanki Waakh muꞌdan ihilo menya?

Bakkaahit 3:21

Eti tuummane sooricho, antohi ullaka komborteeyti antoot ikaleeorronti siicha, saggaas ani laka isooriche komborti antoot Aabbaheey ikaleeorronduu.

Luuka 12:32

“Chaꞌatin iꞌdi woyhoo adi rucchul tahiin laka, roorro akhabina. Iꞌdi tahe wihi Aabbahiin gooche, us hamaad ka dakhiis a atin siicha.

Mattaayo 16:24

Yeesso ꞌdeerka wihi us abattitiis iyidah, “Chiꞌ etoo isooraahin ꞌdoono, awtiis a ꞌdiiꞌdo toro la massalaabatiis barbar a sookorsati a isooraaho.

1 Koriinto 2:9

Iꞌdaasenyi iꞌdi liichiiruu, “Wihiiyye ile injire iargin wihiiyye nabahe injire idaagin toro la wihiiyye mali weeli enenyet injire ikamurin iche Waakh ꞌdooꞌdi usu ꞌdoono itannabiche.”

Rooma 8:3

Wihi amurre Muusa yeelin iubaaꞌdan jeenteti wihi uurasseen goya kijiro uskeel imoono ꞌdarsicheen u, Waakh a yeele. Waakh weeliiski kaldaye sooerge, soorriyoti uskeel yitah. Weeliiska la iꞌdi weeli enenyet u sarti weeli enenyete uskeel lehe khabe. Waakh ꞌdeerka uskeeli weeli enenyet sartiis kijiro hukkume sina igooche,

Hilassi Ergaano 20:32

“Toollaka dahanti Waakh ichoow wori haaggiiski buure miinsane atin gessa. Waakh wora ka atin miigoon a yabuuꞌde, toro la wihi atin muꞌdan ꞌdooꞌdi Waakh munyaache tuumman a leeꞌhessaan.

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

Mattaayo 25:21

“Kamuriis wihi us ilaabe, ‘At weyti haaggisse! At rumanka a ilbooyi haaggane toro lakakhuufo! At wihi rucchule dahan lakisoogesse ka laka a lakaakhuufa gone, wihi ittaawenye kiweynaacha. Kaale kamuraah hamaadiis leegisam!’

Luuka 24:26

Wihi massane ꞌdooꞌdaas Waákh íyeyyeedo cheeke, Ki Lasubhe sinayyoha tuummane ꞌhela ꞌdee inti weyti us kaababo irta menya?”

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

2 Koriinto 1:5

A mehe geeddi sina Kiriisto jiroteenyo ka weyti buuraatti, geeddaase Kiriisto ka laka khoboonnaanki uureenyo lakhoboocho weyti buuraata.

Fiiliffi 3:10

Wihi an ꞌdoono kallaayo, a Kiriistohi an abdi, ichoow miigti usu omoot kasookahisse jiroteey miigoosso, toro la sinati usu lakawaariche usu leegismo toro iꞌdiis u amuut.

Kolossaay 1:24

Toolla sinayyohi an iroonotiin u ꞌhelo ka a hamaada, toro sarteey ka wihi sinayyo Kiriisto kaankhan indigirti sartiis u a buuhicha. Sarta la a urur Kiriisto.

Ibiraaniya 1:2

Iꞌdaasenyi, ibeenneta ꞌdaꞌddaboot ka, Waakh Weeliissa inno kaleeyyeede. Weeliiska a ki Waakh soobahsate walah tuumman dalho, toro la a ki Waakh usu ka harra tuumman soouume.