Rooma 8:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Rubeyti Waakh ichoow rubeyoheen saggi inno rumanka nyaakhuti Waakh inahe a isleecheekaan.

Rooma 8:16 Referans Kwoze

1 Yoohana 4:13

Saggi inno goytiis ikijirro ulla goyteen ikijiro a garanna, a mehe us Rubeytiisti Munyee a inno siiche.

2 Koriinto 1:22

sumattiis inno gesse toro la Rubeyti Munyee rubeyoheen goya gesse. Toolla Rubeyti Munyeenye inno siicha ꞌdee wihi us inno iayyicho us berri inno siicho rummaacha.

2 Koriinto 5:5

Toolla Waakh rubeytiis waha a inno itannabiche. Ulla toro Rubeyti Munyeenye inno siiche, ꞌdee iche ka, saggi inno wihi us inno iabbire tuumman tuum rumanka iꞌhello inno tuse.

Efeesso 1:13

Atinhi Yaꞌhuud ieheynan laka yeedi rummaat a daagteen, a Wori Haaggane atin ribo. Maanti atin Kiriisto rummeysatteen, sumatti Rubeyti Munyeenye atin liiayyiche iche ꞌhesseen.

Rooma 8:26

Toro Rubeyti Munyee laka ꞌdarriteen ka a inno gargaarta. Wihi tahe, inno saggi inno Waakh iwahanni ma garanni. Iꞌdaasenyi Rubeyti Munyee iche Waakh inno ihawwaassatta, wihi iche ooyto Waakh idowto la, wihi af ka idaahan layabuuꞌd mee.

Efeesso 4:30

Rubeyti Munyeenye Waakh la akabolkhinna. Iꞌdi tahe Rubeyta Waakh a sumatti saggi atin ꞌdooꞌdi Waakh itahiine ichoowka ibeenki Waakh ribnaanki ꞌdaꞌddaboot atin ribo tusso.

2 Koriinto 1:12

Maantaka wihi nah keeylajno a waha, wihi rubeyoheenyoki haag ichoow suujoon seley saaho rumanka cheekaan, a saggi nah munyati Waakh ka jiroti fissan harrata ka ijirre, kach ka la a saggi nah ortiin ka ijirre. Waha la kharati weeli enenyete harrata ka menye, haaggi Waakhe buure on kayeelle.

Rooma 8:23

Harrataas Waakh soouume kalday ma ooyto, innohi gurnaanki oraate Rubeyti Munyee khabno laka a ooyna. Geeddi inno ibeenki Waakh nyaakhutiis inno kayeelo toro la us sarteenti omoote hidde ribnaanki ꞌdaꞌddaboot ribo sugno, goyteen ka a ooyna.

1 Yoohana 5:10

Eti tuummane saggi Yeesso Weeli Waakh iyahe rummeesti, wihi Waakh essi a rummeesta. Eti tuummane wihi Waakh essi irummeysan la, Waákh eti been lehe kayeele, a mehe wihi Waakh cheeke Weeliis miinsan ma rummeysan gon.

Mattaayo 5:9

ꞌDooꞌdi Waakh imaalo, a ki enenyet isineybicho, a mehe nyaakhuti Waakhe layadeeh.

Luuka 20:36

ꞌDooꞌda omootti us yamuut ma yabuuꞌd, a mehe icho a iꞌdi herti Waakh. Omoote lakasookahche gone, icho a nyaakhuti Waakh.

Yoohana 1:12

Iꞌdaasenyi ꞌdooꞌdi tuummane usu khaatte, magahiis rummeeste, nyaakhuti Waakhe icho yateehiin a muꞌdanyahiin.

Hilassi Ergaano 5:32

Nah ichoow Rubeyti Munyeenye Waakh eti yeediis raaho tuumman siicho a garti waha tuumman.”

Rooma 8:14

Iꞌdi tahe ꞌdooꞌdi tuummane Rubeyti Waakh woyto, a nyaakhuti Waakh.

Rooma 8:19

Harrati goorat Waakh soouume tuumman maanti Waakh ꞌdooꞌdi rumanka nyaakhutiis yahe soobabbakaahicho weyti sugta.

Rooma 9:8

Waha la wihi icho yihiin a waha, nyaakhuti Aburaaham uume tuumman mee rumanka nyaakhuti Waakhe, nyaakhuti ayyinti Waakh gooche kadesse on nyaakhut Aburaaham liiekkaacha.

Rooma 9:26

Toro, “Wihi yateeh, inti Waakh, ‘Atin ꞌdooꞌdeey mee,’ ikayidah, intaas on ka wihi us icho iyadeeh, ‘Atin a nyaakhuti Waakkhi jiro.’ ”

2 Koriinto 6:18

“An ooyohiinna ateehe, atin la nyaakhutaaya tateehiin,” iche Kamuri Miig Tuumman Leh essa.

Galaatiya 3:26

Kakhuufnaankaas atin Yeesso Kiriisto kakhuufteen ka, atin tuumman a nyaakhuti Waakh.

Galaatiya 4:6

Jeenteti atin nyaakhuti Waakh itahiin u la, Waakh Rubeyti Weeliissa rirriirto, “Aabba, Aabbahaaw,” elatti sooerge, rubeyoheen goya gesse.

1 Yoohana 3:1

ꞌDooninti Waakkhi Aabbaheene inno ꞌdoono eenna a buure. Waakh rubeytiis laka nyaakhutiissa inno yadeeh! Rumanka la inno a nyaakhuti Waakh! Maantaka ꞌdooꞌdi harrata ma inno garti, a mehe icho Waakkhi Aabbaheene ma gartaane.

1 Yoohana 3:2

Aalasseeyki an weyti ꞌdoono, inno toolla a nyaakhuti Waakh. Wihi berri inno nateeh la ma inno latusin. Iꞌdaasenyi wihi inno garanni, maanti Kiriisto soobaho inno laka iꞌdiissa nateeh, a mehe maantaas iꞌdi rumanka us yahe a agarra.

1 Yoohana 3:10

Saggane nyaakhuti Waakh ichoow nyaakhuti Seytaan seley ibihinna. Eti tuummane wihi fissan iyeelin, ki Waakh mee. Eti tuummane etiiski Kiriisto rummeeste iꞌdoonin laka ki Waakh mee.

Bakkaahit 21:7

Eti sooricho wihi tuummane usu muꞌdane ꞌhela, an Waakkhiissa ateehe, ulla weeleey yateeh.