Rooma 8:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Iꞌdi tahe Rubeyti Waakhe atin ꞌhesseen ti toro bowꞌdati burꞌdowto atin kayeesso mee. Atin Rubeyti Waakhe iꞌdi teyyanohi Waakh atin kayeesso iche ꞌhesseen. Inno la Rubeytaas ka Waakh a iooyna, “Aabba, Aabbahaanya!” inadeeh.

Rooma 8:15 Referans Kwoze

2 Timooti 1:7

A mehe Waakh rubeyti burꞌdee ma inno siin, iꞌdaasenyi rubeyti miig ichoow ꞌdoonin ichoow isjeyin lehe inno siiche.

1 Koriinto 2:12

Inno rubeyti ꞌdooꞌdi wahanyeyyohi harratane sussuuje raaho ma ꞌheline, Rubeyti Waakh katamiite ꞌhelle, ꞌdee wihi Waakh iꞌdaanu inno siiche abanna.

Rooma 8:16

Rubeyti Waakh ichoow rubeyoheen saggi inno rumanka nyaakhuti Waakh inahe a isleecheekaan.

Ibiraaniya 2:15

toro la ꞌdooꞌdi jiroticho tuumman iꞌdi falfa eheet jeenteti icho omoot ikarooraan u, fure.

Efeesso 1:5

orey on gooste, Yeesso Kiriisto ka, tuum nyaakhutiis inno kayeessa. Waha la a wihi us hamaadiis ichoow ꞌdoonintiis ka us gooche.

1 Yoohana 4:18

ꞌDooninti Waakh roorro mele. Iꞌdaasenyi ꞌdoonintiisti tuume roorro goyteen a kabihissa. Iꞌdi tahe roorro wihi keeno, saggi Waakh weeli enenyet sirbi igesso iche luuloota. Eti roorro khabo ꞌdoonin ka tuum ma lakayeelin.

Marko 14:36

Wihi us yidah, “Aabba, Aabbahaaw, ati ka walah tuumman a geeddi icho yateehiin. Kokkooba sinayyoot ikakhaat. Iꞌdaasenyi in an ꞌdoono menye, in at ꞌdoonto a titaahe.”

Rooma 8:23

Harrataas Waakh soouume kalday ma ooyto, innohi gurnaanki oraate Rubeyti Munyee khabno laka a ooyna. Geeddi inno ibeenki Waakh nyaakhutiis inno kayeelo toro la us sarteenti omoote hidde ribnaanki ꞌdaꞌddaboot ribo sugno, goyteen ka a ooyna.

Luuka 11:2

Yeesso la wihi us icho iyidah, “Geedda atin weysattaan waha daha, “ ‘Aabbahaanyaaw, magahaahki munyee a liinkaanyito, at ba enenyet tuumman dakhatta.

Yoohana 20:17

Yeesso chirraakka wihi us iyidah, “Iikhaban, iꞌdi tahe an uliba Aabbaheey ma inokhan. Nyaame, ꞌdooꞌdi irummeeste iiro, saggi an eti Aabbaheeyenye toro icho laka Aabbahichee ikanokhdi, icheek. Ulla a Waakkhaaya, toro la a Waakkhichooda.”

Luuka 22:42

“Aabbahaaw, chaꞌat ꞌdoonto kokkooba sinayyoot ikakhaat. Iꞌdaasenyi in an ꞌdoono menye, in at ꞌdoonto a titaahe.”

Yoohana 16:8

Maanti ꞌDooggargaartota timiy la, ꞌdooꞌdi wahanyeyyohi harratane sussuuje raaho saggi malicho baabul iyahe a tussa. Mali icho khabaane fissanoonki Waakh miinsan a baabul. Toro la wihi saggi Waakh ꞌdooꞌdi harrata ꞌdee ihukkumo miinsan a baabul.

Hilassi Ergaano 16:29

Eti jeela iween banay a lasookhaato yidahye, soonyaame, usuhi hamar ka seeho Baawulo ichoow Siila orcho ka jilbo il kaguꞌdde.

Hilassi Ergaano 2:37

Enenyet uus yeedaas daage, yeed rumanka khaniine, wihi us Beetero ichoow ergaanoti addan worsate, “Yaafeey mehe yeello?”

Luuka 8:37

ꞌDooꞌdi ilkerengeetti Geraasa isoodow tuumman Yeesso daahe, icho a katabo, a mehe weyti roorro gesse. Ulla ꞌdeerka kooban kore irte.

Luuka 8:28

Eta uus Yeesso arge ka uuwwiche, Yeesso ortiis ka il iskaguꞌdde, weyti riire wihi us yidah, “Yeesso, weeli Waakkhi weynaan tuumman tiis tahe, at mehe ikaꞌdoonta? A kihawwaasde, bolokh iitusin!”

Yaakoobo 2:19

Saggi Waakkhoo kalday on ijiro a rummeysatta? A haaggantahe! Ginnayyo laka saggi Waakkhoo kalday on ijiro a rummeestaane, roorro ka harmaan.

Rooma 8:26

Toro Rubeyti Munyee laka ꞌdarriteen ka a inno gargaarta. Wihi tahe, inno saggi inno Waakh iwahanni ma garanni. Iꞌdaasenyi Rubeyti Munyee iche Waakh inno ihawwaassatta, wihi iche ooyto Waakh idowto la, wihi af ka idaahan layabuuꞌd mee.

Rooma 9:4

Icho a ꞌdooꞌdi ili Issiraayele, Waakh icho a khaatte, nyaakhutiiski iꞌdi teyyanohiise kayeesse. Toro la weynaantiis goycho ka tuse, ayyinti ittaawenye us igooche ichoow amurre Muusa ba ꞌheleene, jiti Waakh minki Waakhe buure ka lakawahti ꞌheleene, wihi ittaawenye ꞌdee yateehe Waakh gooche laka ꞌheleen.

2 Koriinto 11:4

A mehe chiꞌ etoo yamiite Yeessohoo addan cheeko, ommos chaꞌatin rubeytoo addane Rubeyti Munyeenye atin ꞌhesseen kayeere ꞌhessaane, ommos woroo Wori Haaggane atin khaatatteen kayeere khaatattaan, atin iꞌdaanu wahaas khaatattaan.

Galaatiya 2:4

Aytaas khandi miinsan jeenteti ꞌdooꞌdoo ꞌdooꞌd Kiriisto iskaayyeelo dagsi ka goyteen isoogeluu a soobahte. ꞌDooꞌda la furnaanki Yeesso Kiriisto inno soofure, iche ꞌdegey kayimiyye, ꞌdee bowꞌdayyohi hugummeti Yaꞌhuud inno kayeelaan.

Galaatiya 5:1

Kiriisto a inno soofure, maantaka uus inno bowꞌda itaahan. Mujjum tolola giꞌde, toro la huleesi bowꞌda uus atin lakorin.

Mattaayo 25:25

Jeenteti an ikaarooruu, ugarti kaldaye chilimme at dahanteey soogelisse, a khaate harra goya kadagche. Yey, wihi wahaahe kallaayo.’