Rooma 8:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Iꞌdi tahe ꞌdooꞌdi tuummane Rubeyti Waakh woyto, a nyaakhuti Waakh.

Rooma 8:14 Referans Kwoze

Galaatiya 5:18

Iꞌdaasenyi chiꞌ Rubeyti Munyee atin woyto, amurre Muusa ma atin anatti gon.

Yoohana 1:12

Iꞌdaasenyi ꞌdooꞌdi tuummane usu khaatte, magahiis rummeeste, nyaakhuti Waakhe icho yateehiin a muꞌdanyahiin.

Galaatiya 3:26

Kakhuufnaankaas atin Yeesso Kiriisto kakhuufteen ka, atin tuumman a nyaakhuti Waakh.

Galaatiya 5:16

Wihi an eldi kallaayo, taba jiroti Rubeyti Munyee woyto jira, iꞌda ka la wihi uurassiin goya kijiro uskeel imoono ma raahtaan.

Bakkaahit 21:7

Eti sooricho wihi tuummane usu muꞌdane ꞌhela, an Waakkhiissa ateehe, ulla weeleey yateeh.

1 Yoohana 3:1

ꞌDooninti Waakkhi Aabbaheene inno ꞌdoono eenna a buure. Waakh rubeytiis laka nyaakhutiissa inno yadeeh! Rumanka la inno a nyaakhuti Waakh! Maantaka ꞌdooꞌdi harrata ma inno garti, a mehe icho Waakkhi Aabbaheene ma gartaane.

2 Koriinto 6:18

“An ooyohiinna ateehe, atin la nyaakhutaaya tateehiin,” iche Kamuri Miig Tuumman Leh essa.

Galaatiya 4:6

Jeenteti atin nyaakhuti Waakh itahiin u la, Waakh Rubeyti Weeliissa rirriirto, “Aabba, Aabbahaaw,” elatti sooerge, rubeyoheen goya gesse.

Rooma 8:5

ꞌDooꞌdi jiroticho ichoow wihi uurassicho goya kijiro uskeel imoono israahaan, wihi icho kamassaan a wahaas uurassicho goya kijiro uskeel imoono on. Iꞌdaasenyi ꞌdooꞌdi jiroticho ichoow Rubeyti Waakh israahaan, wihi icho kamassaan a wihi Rubeyti Waakh imoonto.

Rooma 8:9

Iꞌdaasenyi Rubeyti Waakh goytiinna fiddiita gone, ꞌdeerka wihi uurassiin goya kijiro uskeel imoono ma atin antaane, Rubeyti Waakhe atin anatta. Eti tuummane Rubey Kiriisto ikhabin koo Kiriisto mee gon.

Efeesso 5:9

A mehe banayha gurnaanki us delo a haag tuumman ichoow wihi fissan tuumman ichoow wihi rummaat tuumman.

Rooma 8:19

Harrati goorat Waakh soouume tuumman maanti Waakh ꞌdooꞌdi rumanka nyaakhutiis yahe soobabbakaahicho weyti sugta.

Rooma 9:8

Waha la wihi icho yihiin a waha, nyaakhuti Aburaaham uume tuumman mee rumanka nyaakhuti Waakhe, nyaakhuti ayyinti Waakh gooche kadesse on nyaakhut Aburaaham liiekkaacha.

Efeesso 1:5

orey on gooste, Yeesso Kiriisto ka, tuum nyaakhutiis inno kayeessa. Waha la a wihi us hamaadiis ichoow ꞌdoonintiis ka us gooche.

Rooma 9:26

Toro, “Wihi yateeh, inti Waakh, ‘Atin ꞌdooꞌdeey mee,’ ikayidah, intaas on ka wihi us icho iyadeeh, ‘Atin a nyaakhuti Waakkhi jiro.’ ”

Mattaayo 5:9

ꞌDooꞌdi Waakh imaalo, a ki enenyet isineybicho, a mehe nyaakhuti Waakhe layadeeh.

Galaatiya 4:5

ꞌdee ꞌdooꞌdi amurre anatti soogatta toro soofura, ꞌdee Waakh tuum inno khaatta nyaakhutiis nateeh.

1 Yoohana 3:24

ꞌDooꞌdi tuummane amurretiis raaho, Waakhe leefiddiya Waakh la icho leefiddiya. Rubeyti Munyeenye Waakh inno siiche ka la, saggi us inno ileefiddiyo a garanna.