Rooma 8:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Kiriisto goytiinna kijira gone, chirri sartiin jeenteti uskeel u tamuut, jeenteti Waakh ꞌdooꞌdi fiffissan atin iekkaachuu, Rubeyti Waakh jiro a atin siissa.

Rooma 8:10 Referans Kwoze

Efeesso 3:17

ꞌdee Kiriisto kakhuufnaanki atin usu kakhuuftaan ka uurassiin goyaka fur yeessa. Toro la Waakhe daaha, ꞌdooninti atin Waakh ichoow enenyet ꞌdoontaan ka miigowtaane toro mujjum tolossattaane,

Galaatiya 2:20

Saggi Kiriisto iyumuy u, a iꞌdoo ani laka umuyye, kola jiroti an jiro teey menye, iꞌdaasenyi Kiriisto jiroteey dakhta. Kola sarteey ka jiroti an jiro, kakhuufnaanki an Weeli Waakh kakhuufo iche kajira. Ulla a iꞌdoona, toro la ani a iyumuy.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

Yoohana 17:23

Ani ichoow icho ba a wohoo kaldaye, ati ichoow ani ba la a wohoo kalday. Icho ba tuum wohoo kalday yateehiine, ꞌdee ꞌdooꞌdi harrata saggi at ani isooeregte abta, toro la enenyet waha abta, geeddi at iꞌdoonto, geeddaase icho laka ꞌdoonta.

Kolossaay 1:27

Wihi Waakh ꞌdooꞌdiiskaas igooche, a waha goorat haaggane dagsane yaafohi Yaꞌhuud ieheynan liisoobabbakkaahicho ꞌdooꞌdiis abti. Waha la a Kiriistohi atin ichoow usu ba wohoo kalday tahiine, ꞌdee weynaanti Kamure inno khajjeello isleegisanno.

Rooma 8:11

Toro la chirri rumanka Rubeyti Waakhe Yeesso omoot kasookihisse goytiin fiddiito, saggaas Waakh Kiriisto omoot ikasookahche, saggaase Rubeyta goytiin fiddiito ka, sartiinta tamuut jiro ikasoolaaba.

Fiiliffi 1:23

Sag lamma liijiita. Anihi irdi Kiriisto leejiro imoona. Iꞌdi tahe taase weyti deefta.

Fiiliffi 3:9

ani ichoow Yeesso Kiriisto ba wohoo kalday nateeh. Waakh ani eti ortiis ka fissane iekkaacha, waha la jeenteti an amurre iraaho menye, a jeenteti an Kiriisto ikakhuufo.

1 Koriinto 15:45

ꞌDeerka wihi chiiran, “Eti oraate Aadam layadeeh, eti noole eheet.” Iꞌdaasenyi, Aadamhi ꞌdaꞌddaboot a Rubeyti enenyet jiro siisso.

Bakkaahit 14:13

Hooyoo toro goobi Waakh kayamiit daage, wihi us yidah, “Waha chiir, uus toolla kakhabatti, eti tuummane usu ichoow Kamur wohoo kalday yahiine yamuut a liimaala.” Rubeyti Waakh la wihi iche soolaabte, “Aa, a rum. Hili miigenye icho haaggicheen ka a nasaan. Icho a liimaala a mehe haaggi icho yeelaan ꞌdubichooda raaha.”

Yoohana 15:5

“An a iꞌdi geeyi sabiibe, atin la a iꞌdi liikhimohaaya. Eti tuummane goyteey fiddiyo, anna goytiis fiddiyo, gurnaanki buurenye dela. Laanteey walah atin ꞌduuꞌddaan mele.

Yoohana 14:23

Yeesso la wihi us ilaabe, “Eti tuummane iꞌdoono, wihi an abcho a raaha. Aabbaheey usu a ꞌdoona. Aabbaheey ichoow ani usu a inamiite fureenyo goytiis kayeelanna.

Ibiraaniya 12:23

Toro la urur Kiriistoki iꞌdi teyyanohi Waakhenye isoodowwaatteen. Waha la a ꞌdooꞌdi magahenyeticho goobi Waakh ka lachiire. Atin la Waakkhi ꞌdooꞌd hukkumo ichoow rubeyohi ꞌdooꞌdi fiffissane el laa lakayeele, iche isoodowwaatteen.

Ibiraaniya 9:27

Wihi Waakh gooche a mehe ya, weeli enenyet tuumman ebba koloo on yamuute, ꞌdee Waakh hukkuma.

1 'Dessaloonika 4:16

A mehe Kamur rubeytiis a riira, amur bahcha, goobi Waakh kasookhubta, hooyi herti Waakhe ween ladaaga, arabi Waakh la ladaaga, ꞌdooꞌdi Kiriisto kakhuufe tuume la kolooraat omoot kasookaha.

2 Koriinto 13:5

Mujjum isfiiricha usu atin rumanka kakhuufnaanki Kiriisto lakakhuufo khabtaan yeya. Ebba a iskajo. Saggi Yeesso Kiriisto goytiin ikajiro kasooꞌhela. Chiꞌiche iꞌdaas ieheynan, kajmeti atin lakajo ka a kufteen.

2 Koriinto 4:11

Iꞌdi tahe nahi jiro khabno kol tuumman jeente Yeessuu, ogoose nah lamarma, ꞌdee jiro Yeesso sarteenyota tamuut lakaarga.

Rooma 5:21

Iꞌda ka saggi uskeeli weeli enenyet yeele omoot ikeene idakhtuu, saggaas on haaggi Waakhe buurenye inno imunneynan weeli enenyet idakhta, ꞌdee Waakh Yeesso Kiriistohi Kamureene ka ꞌdooꞌdi fiffissan inno iekkaacha, toro jiroti jirtuu imassan ꞌhella.

Rooma 5:12

Maantaka uskeel maanti goorat us harra soogele etoo kaldache keene, uskeeli etaas la omoote ꞌdub kasookhabe. Omoottaas weeli enenyet tuumman itaaꞌhte, a mehe weeli enenyet tuumman uskeel a yeele.

Yoohana 6:56

Eti tuummane sarteey yahame diiggeey la damo, goytaaya fiddiya, anna goytiissa fiddiya.

Yoohana 4:14

Iꞌdaasenyi eti tuummane bicchehi an siicho yabhuub, jirtuu tuumman ma subgaati. Bicchehi an siicho la, goytiis ka iꞌdi issi bicchehi jiro lakeelo yateehiine, jiroti rummaate jirtuu imassanne ꞌhela.”

Yoohana 6:54

Eti tuummane sarteey yahame diiggeey la damo, etaas jiroti jirtuu imassan a khaba. Anna eta ibeenki ꞌdaꞌddaboot omoot a kasookahcha.