Rooma 7:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ A mehe geeddi wihi uurasseen goya kijiro uskeel imoono inno dakhtaan, amurretaas ildeerroti suujenye goyteen kijirto iche neybaasse, sarteen woyte, gurnaanki omoot keeno khabne.

Rooma 7:5 Referans Kwoze

Efeesso 2:3

Inno tuumman laka ꞌhor iꞌdichooda eheete, wihi uurasseen goya kijiro uskeel imoono on iamuunne, uskeeli uurasseen ichoow malasseen ꞌdooneen on maanjeeranne. Inno iꞌdi ꞌdooꞌdi addan u wihi inno imale a holi Waakh.

Galaatiya 5:24

ꞌDooꞌdi koo Yeesso Kiriistee wihi uurassicho goya kijiro uskeel imoono ichoow uskeeli lamaanjeerti ba massalaaba a kasoorriyyoocheen.

Galaatiya 3:10

ꞌDooꞌdi tuummane raahnaanki us amurre Muusa raaho kanool a falanyahe. A mehe wihi chiiran, “Eti orey ikasohanne wihi Buuggi amurre Muusa kachiiran tuumman iraahin a falanyahe.”

Rooma 6:13

Wihi addan, miiliinkoo kaldach laka uus uskeel dakhan, uus ꞌdee atin wihi khollokkhan yeeline. Waakh tuum isibahcha, a mehe Waakh omoot a atin kasookahche, jiro atin siiche. Iꞌdaasenyi miilassi sartiin tuumman Waakh ibahcha, wihi fissan kalday on kahaaggicha.

Rooma 6:21

Uskeeli atin yeesseene toolla la atin kalakhaanyeysattaan, indigir us atin ikeene mele. Wihi us keeno dakkhamba a omoot on.

1 Yoohana 3:4

Eti tuummane uskeel yeelo, amuri Waakhe jebcha. Rumanka uskeel a hugunꞌdarri.

Kolossaay 3:5

Maantaka sartiinti harratane uskeel ꞌdoonto wahanyeyyohi iꞌdee ka agiisa. ꞌDooꞌdi isidisanne isleeurꞌdo ichoow wihi biꞌdire ichoow ꞌdooꞌdi eti icho argaan ichohi leeurꞌdo ꞌdoono ichoow uskeeli liimoono ichoow ꞌdamaam ꞌdiicha. ꞌDamaam la a iꞌdi iyookkoyyohi waakkhakh lakayeessi.

1 Koriinto 15:56

Omoote uskeele miigti iche enenyet kabolkhisso kaꞌhessa. Uskeel la amurreti Muusa chiire iche miig kaꞌhela.

Yaakoobo 4:1

Waha kamalda bal, mehe jihit ichoow jaakh goytiin keena? Wihi suujenye uurassiin goyaka isdiho menya kayamiitiin?

Yaakoobo 1:15

ꞌDeerka inkoo uskeelaas liimoono lasoouume ka, uskeel dessa. Uskeel la chuꞌus tuum weynaate, omootti armaanjireen dela.

Tiito 3:3

Iꞌdi tahe inno rubeyteen laka ꞌhor ꞌdooꞌdi ꞌdalammeenye yeed idaagine leekkeeste, bowꞌdati wahanyeyyohi noole uurasseen imoonaane toro kahamaadicho on eheet. Jiroteen wihi buuhe a suujoon ichoow kalꞌdarri. A inno laꞌdiiꞌde inno laka ꞌdooꞌdi addan a ꞌdiiꞌdne.

Efeesso 2:11

Maantaka, atinhi yaafohi Yaꞌhuud ieheynan kadelatteen, bal wihi goorat atin ꞌhor eheet kasooꞌhela. Yaafohi Yaꞌhuud mehe atin yadeehiin ya, “ꞌDooꞌdi ikhandiineynan.” Icho la mehe isyadeehiin ya, “ꞌDooꞌdi khandiyan.” Iꞌdaasenyi, khandihaas a wihi enenyet on sar lagoggoocho, dahanti weeli enenyet on yeesso.

Rooma 7:23

Iꞌdaasenyi runtoo gaane miilassi sarteey hil kahaaggisso a jirta. Runtaas gaan ichoow runti gaane maleey ꞌdoono a iꞌdoo icho isdihaan. Toro la runtaas gaane sarteey goya kijirto bowꞌdati uskeeli goyteey kijiro ikayeessa.

Rooma 6:23

Iꞌdi tahe gunnaanki eti uskeel yeelo laguto, a omoot. Iꞌdaasenyi siinti Waakh iꞌdaanu enenyet siicho, a jiroti jirtuu imassan. Waha la a chirri inno ichoow Yeesso Kiriistohi Kamureene ba wohoo kalday nahe.

Rooma 6:19

Jeenteti atin ꞌdabakkhi weeli enenyet ikhabtaan u, an iyookkoyyohi jiroteen ka inno garanni atin kaleeyyeeda. Atin goorat miilassi sartiin a soobihisseene, bowꞌdayyohi biꞌdiri nool ichoow ti hugunꞌdarriti weyti kakhayanto eheet. Saggaas on u taba, miilassi sartiin bowꞌdayyohi fiffissan ibahcha, ꞌdee ꞌdooꞌdi munyee ateeha.

Rooma 5:20

Amurre Muusa a lakasookhaye ꞌdee amurreti lajebcho kakhayanta, iꞌdaasenyi maanti uskeel kakhayme, weyti ꞌdirihiissa haaggi Waakhe buurenye inno imunneynan kakhayme.

Rooma 4:15

Iꞌdi tahe amurre Muusa holi Waakh on keenta. A mehe chirri amurretaas ijirin, amurre lajebcho mele gon.

Rooma 3:20

Maantaka etoo kaldaye jeenteti us hili amurretaas ꞌdoonto iyeeluu Waakh ortiis ka eti fissan liiekkaacho ma jiro. Amurretaas ka saggi inno uskeel iyeelle on abanna.

Rooma 1:26

Jeentetane Waakh iꞌdiiche, ildeerroti sareete lakhaanyeyyo keento icho ꞌdoonaan ikaassohtaan. Deyyeho laka mejeli laleeurꞌdo a kasoonokhatte, iche on isinokhatta.

Yoohana 3:6

Weeli enenyet sartiis aabbahiis ichoow abartiissa kaꞌhela, toro la rubeyti weeli enenyet, Rubeyti Munyeenye jiro kaꞌhessa.

Mattaayo 15:19

A mehe enenyet uuriis goya iche mali suuje kayamiit iꞌdi maanta ogoossi dubunuunu lagelo, mejeli makhaabassi tiis ieheynan leeurꞌdo ichoow sohoꞌddarri ichoow hatto ichoow garti beenaat ichoow ham.

2 Koriinto 10:3

A mehe inno harratane kijirra. Eheetteey laka, dihoti inno kajirro ti weeli enenyet isladiho mee.