Rooma 7:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Iꞌdaasu laka ꞌdooꞌd Kiriistokaaw, atin omoot Kiriisto ka amurre Muusa kola ma atin dakhatti, a mehe atin toolla a koo Kiriistohi Waakh omoot kasookahche, ꞌdee atin la wihi Waakh ꞌdoono dessaan.

Rooma 7:4 Referans Kwoze

1 Beetero 2:24

Usu rubeytiis la massalaaba ka uskeeleen a siꞌde. Iꞌdane yeele ꞌdee uus kola uskeel inno dakhanne, jiroti fissan jirra. Sinati loomhiche ka, atin a samaatteen.

Rooma 8:2

Iꞌdi tahe runti gaan Rubeyti Waakh Yeesso Kiriisto ka jiro kikeenta, runtaas gaan la uskeeli omoot keeno a kaasoofurta.

Efeesso 2:15

Us Kiriisto ka iꞌdane yeele, amurre Muusati alohi ittaawe khabto omoottiis ka miig tire, ꞌdee yaafoha lammacho usu ka yaaftoo kaldaye husub kayeela. Iꞌda ka lammacho isineybicha.

Rooma 7:6

Iꞌdaasenyi toolla amurre Muusa ma inno dakhatti. Amurretaas ka a inno lafure, ꞌdee kola jiti raagane goorat amurretaas chiiran inno iwoyte ma isohanni, jiti husube Rubeyti Munyee inno abisse iche raahna.

Galaatiya 5:18

Iꞌdaasenyi chiꞌ Rubeyti Munyee atin woyto, amurre Muusa ma atin anatti gon.

Kolossaay 1:22

Iꞌdaasenyi omootti sar Kiriisto tumuy ka, Waakh ankiissa atin keene, atin munyaache ortiis ka ꞌdooꞌdi eloo rucchul laka ikhabine wohoo rucchul laka liikacheekan atin kayeele.

Rooma 6:22

Iꞌdaasenyi toolla miigti uskeel a atin lakasoofure, bowꞌdayyohi Waakhe titaaheen. Indigirti atin ꞌhessaan munya atin iwoyta, waha la jiroti jirtuu imassanne delaan.

Galaatiya 3:13

Kiriisto falohi amurre Muusa a inno kasoogatte inno soofure, iroonoteen u lafale. A mehe wihi chiiran, “Eti tuummane geey lakalooꞌdiche a falanyahe.”

Rooma 6:14

A mehe uskeel kola ma atin dakhti, iꞌdi tahe jirotiin ka wihi amurre Muusa atin kaꞌdoonto mee atin dakhti, haaggi Waakhe buurenye inno imunneynane atin dakhta.

Kolossaay 2:14

Waakh khadaabi mogti uskeeleen kachiiranyahe a hiyyaaye. Khadaabaas wihi tuummane amurre inno kaꞌdoonto inno yeelin iubaaꞌdane kijira. Waakh wahaas a inno kabahche, massalaaba kahide.

Kolossaay 1:10

Waakhe atin iwahna, ꞌdee jiroti Kamur inkaanyitto toro kahamaadisso jirtaan. Iꞌda ka sagag tuumman ka enenyet haag a iyeessaane, abannaanki atin Waakh abattaan la a kakhayma.

Fiiliffi 1:11

Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.

Bakkaahit 19:7

Weyti hamaano, weynaantiis koolinno! Iꞌdi tahe oroosi Heleem a yitah. Inantiisti us disti la a istannabisse.

Rooma 6:2

Mele, iꞌdaas mee! Inno a iꞌdoo inno wihi uskeel miinsan ka tuunne, uskeel kola ma inno dakhti, ꞌdeerka uskeel goya ma kaassahanni gon.

Kolossaay 2:20

Atin Kiriisto a leetumaateene toro miigti suujenye harrata a atin lakasoofure. A iꞌdoh toro saggi ꞌdooꞌdi harrata ikajirtaane amurreta iꞌdee iraahtaan?

Kolossaay 1:6

Wora Haaggan a atin iyimiyye, ꞌdooꞌdi ittaawenye harra tuumman laka a kataaꞌha toro gurnaan dela. Waha la a wihi goytiin ka laka yitah, uus maanti kolooraat atin Wora rummaat daagteene, toro haaggi Waakhe buure runtiis tuum abatteen.

Fiiliffi 4:17

An siinti chilimme mee atin kayowdi, wihi buurenye Waakh berri atin ikakhayo yowda.

Yoohana 3:29

Mindischo ka, eti min disti iche iname makhaabassiis tahe. Aali eti min disti la, chirra us hooyi eti min disti daago, iche hamaada. Annaka jeentetaase weyti ihamaada.

Mattaayo 26:26

Golossataani Yeesso makaate khaate Waakh kalaꞌd ilaabe, jejjebche abattitiis ididdiibe, wihi us yidah, “Khaata, amha waha a sartaayaa.”

Bakkaahit 21:9

Herti Waakhe teebeenye baakhuulleti teebeenye sinayyohi yomboot buuhaan khabte kichekoo yimiyye ileeyeede wihi us iyidah, “Kaale, nyarnyaar a kituso, iche a makhaabassi Heleem.”

Ibiraaniya 10:10

Waakh iꞌdaas a yeele gone, sar Yeesso Kiriistoti lasoorriyooche ka a inno munyaache. Kiriisto la koloo kalday on jirtuu tuumman issoorriyooche.

2 Koriinto 11:2

A mehe an inaafi Waakh kayamiite atin ikhaba. A mehe iꞌdi inanti laalkumuu an etoo a atin siiche, kaas la a Kiriisto. Iꞌda ka iꞌdi inanti ladisti miꞌdab itahuu Kiriisto atin ikeena.

1 Koriinto 10:16

Chirri inno gololi Kamur ka Waakh koob ka kalaꞌd ilaabno toro danno, inno tuumman gargaari diig Kiriisto isleegisanna menya? Makaateti lajebcho islaleeyaham ka la, gargaari sar Kiriisto isleegisanna menya?

Yoohana 15:8

Chirri atin gurnaanki buure bihissaan, saggi atin abattiteey itahiine tussaan. Iꞌda ka la, Aabbaheey a laweynaacha.

Yoohana 6:51

Ani a gololi rummaate jiro lakeelo goobi Waakh kayamiit. Eti tuummane golola yuhum, jirtuu tuumman a jira. Gololi an eta siicho a sarteeyti an soobahcho, ꞌdee ꞌdooꞌdi harrata jiro kaꞌhelo.”

Marko 4:20

ꞌDooꞌd gaasoo a iꞌdi ilmohi harrati haaggan lakachibe. Icho Yeedi Waakh a daagaane toro khaattaane, gurnaanki buure delaan. Gaasoo kol tomon seyyah delaane, gaasoo la kol tomon lih delaane, gaasoo la kol kudoo delaan.”

Rooma 6:11

Saggaas on u taba giꞌde, atin laka ꞌdooꞌdi wihi uskeel miinsan ka tuume isiekkaacha. Iꞌdaasenyi jeenteti atin ichoow Yeesso Kiriisto ba wohoo kalday itahiin u, jiroti atin jirtaan Waakh ijira.

Rooma 7:3

ꞌDeerka chirri arame geeddi arankiche jiro arankoo addan leefiddiito, arantaas uskeeli iche aranki kiche ieheynan leeuꞌdurto iche gesse. Iꞌdaasenyi chirri arankiche buje, amurretaas mindischo miinsan ka a lafure. Chiꞌ arankoo addan diste laka uskeel iche yeesse mele.