Rooma 7:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ Wooy! Mal a ibuuhiche! Ayyo sarta omoot igeesso ikasoofura?

Rooma 7:24 Referans Kwoze

Rooma 6:6

Iꞌdi tahe wihi inno garanni, eti inno goorat nahe a iꞌdoo Kiriisto massalaaba ka laleekaahe, ꞌdee wihi goyteen kijiro uskeel imoono miigti icho inno kaantaan latira. Iꞌda ka inno kola bowꞌdayyohi uskeel mee gon,

2 Timooti 4:18

Kamur suujoon tuumman a ikariba ichoowka nebey goobiiski saraate us dakhti igeecha. Us ba jirtuu tuummamba lasaaꞌda. Aamiin.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Rooma 8:2

Iꞌdi tahe runti gaan Rubeyti Waakh Yeesso Kiriisto ka jiro kikeenta, runtaas gaan la uskeeli omoot keeno a kaasoofurta.

Bakkaahit 21:4

Waakh la indohicho ka ilmohicho tuumman a hiyyaaya. Kola omoote ma jirto, enenyet looyo mele, oytime ma jirto, bolokh laka ma jiro. Iꞌdi tahe wahanyeyyohi oraat a kuteen.”

Ibiraaniya 2:15

toro la ꞌdooꞌdi jiroticho tuumman iꞌdi falfa eheet jeenteti icho omoot ikarooraan u, fure.

Rooma 8:26

Toro Rubeyti Munyee laka ꞌdarriteen ka a inno gargaarta. Wihi tahe, inno saggi inno Waakh iwahanni ma garanni. Iꞌdaasenyi Rubeyti Munyee iche Waakh inno ihawwaassatta, wihi iche ooyto Waakh idowto la, wihi af ka idaahan layabuuꞌd mee.

Rooma 8:13

A mehe chaꞌat wihi uuraah goya kijiro uskeel imoono on raahto, rumanka a tamuut. Iꞌdaasenyi chaꞌat Rubeyti Munyee ka uskeeli uuraah imoono tagiis a jirta.

Luuka 4:18

“Rubeyti Kamur a ileejirta, iꞌdi tahe usu a isubhe ꞌdee Wori Haaggan miskiino icheeka. Kamur a isooergate, ꞌdee ꞌdooꞌdi uskeel hide saggi Kamur isoofuro icheeka, ꞌdooꞌdi indo laa la Kamur indo a fura, ꞌdooꞌdi sina lakawaaricho la Kamur sina a kabahcha.

Kolossaay 2:11

Toro la atin ichoow Kiriisto a wohoo kalday gone, a atin lakhandiye. Iꞌdaasenyi waha khandihi dahanti weeli enenyet haaggisso menye, a ki Yeesso Kiriisto haaggicho. Iꞌda ka Kiriisto wihi uurassiin goya kijiro uskeel imoono a atin kabahche.

Mattaayo 5:6

ꞌDooꞌdi Waakh imaalo, a ki fissanoon iankayo toro isubgaati, Waakh icho a dargichaa.

Mattaayo 5:4

ꞌDooꞌdi Waakh imaalo, a ki toolla uskeeli weeli enenyet bolkhicho, Waakh icho uur a khoboochaa.

Rooma 8:23

Harrataas Waakh soouume kalday ma ooyto, innohi gurnaanki oraate Rubeyti Munyee khabno laka a ooyna. Geeddi inno ibeenki Waakh nyaakhutiis inno kayeelo toro la us sarteenti omoote hidde ribnaanki ꞌdaꞌddaboot ribo sugno, goyteen ka a ooyna.