Rooma 7:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² A mehe ani maleey goyaka weyti amurreti Waakh kahamaada.

Rooma 7:22 Referans Kwoze

Ibiraaniya 8:10

Inkoo ibeennetaas kutte ayyinteeyti husube an ꞌdooꞌdi Issiraayel igoocho talla, iche Kamur essa. Amurreteey malichooda goya gessa, ꞌdee kamassaan, uurassicho goya kachiira, ꞌdee raahaan. An Waakkhichooda ateehe, icho la ꞌdooꞌdaaya yateehiin.

2 Koriinto 4:16

Maantaka chirri sarteenyo tamuut laka, nah yombuu yombo ma inokhanni rubeyoheenyo kol dakkhan a lamiigoocha.

Efeesso 3:16

Wihi an Waakh daaho, Waakh ba kamurroonkiiski ween ka, Rubeytiis ka uurassiin miigoocha,

1 Beetero 3:4

Eykodi atin iseykoddaan ki goytiin kasoobaho jirtuu tuumman ituumin a eheetti. Jiroti samacchaarenye sir laaye Waakh ortiis ka weyti khumman jira.

Rooma 8:7

A mehe malassi ꞌdooꞌdi wihi uurassicho goya kijiro uskeel imoono a chiiyti Waakh. Malassi iꞌdaase amurreti Waakh ma raahaane, toro la raahin ma yabuuꞌdiin.

Kolossaay 3:9

Been iisigoonna a mehe jirotiinti oraate suuje ichoow fataliche a kasootabteene.

Yoohana 4:34

Yeesso la wihi us iyidah, “Wihi uur iꞌdoono iꞌdi gololeeye a mehe ya, a anihi wihi Waakkhi isooerge ꞌdoono yeelo, toro la hili goorat us dahanteey soogesse massicho.

Rooma 2:29

Wahaas mee etoo Yaꞌhuud kayeelo. Eti rumanka Yaꞌhuude, a ki uuriis ka Yaꞌhuude. Khandihi goyaatteete rummaat la wihi yeelo, amurreti chiiran menye, a Rubeyti Waakhe enenyet urgiyisso. Eti iꞌdaasu luurgiyiche, weeli enenyet menye, Waakhe koolo kaꞌhela.