Rooma 7:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Maantaka runta gaane jiroteey goyaka abde. Chirri an wihi haaggan yeelin ꞌdoono tuumman, suujoon la garabaaya on raaha.

Rooma 7:21 Referans Kwoze

Rooma 7:23

Iꞌdaasenyi runtoo gaane miilassi sarteey hil kahaaggisso a jirta. Runtaas gaan ichoow runti gaane maleey ꞌdoono a iꞌdoo icho isdihaan. Toro la runtaas gaane sarteey goya kijirto bowꞌdati uskeeli goyteey kijiro ikayeessa.

Ibiraaniya 2:17

Jeentetaas u sagag tuumman ka iꞌdi ꞌdooꞌdi uuriisenye yitahye, kuhaanihi weyti weene hili Waakh ka lakakhuufo toro uur nugul yitah. Ulla toro iꞌdane yeele, ꞌdee soorriyoti holi Waakh laabto bahcha, ꞌdee Waakh uskeeli weeli enenyet kakuta.

Rooma 8:2

Iꞌdi tahe runti gaan Rubeyti Waakh Yeesso Kiriisto ka jiro kikeenta, runtaas gaan la uskeeli omoot keeno a kaasoofurta.

Rooma 6:14

A mehe uskeel kola ma atin dakhti, iꞌdi tahe jirotiin ka wihi amurre Muusa atin kaꞌdoonto mee atin dakhti, haaggi Waakhe buurenye inno imunneynane atin dakhta.

Rooma 6:12

Maantaka uus uskeel sartiinta tamuut dakhan, uus ꞌdee atin wihi uurassiin kijiro uskeel imoono raahine.

2 Beetero 2:19

Wihi icho enenyet iayyichaan a furnaane, iꞌdaasenyi icho rubeycho a bowꞌdayyohi uskeel. A mehe wihi kianti iche bowꞌdaticho tahe.

Ibiraaniya 4:15

Kuhaaniheenka weyti ween la ꞌdabakkheen tuumman a isoonaha. Iꞌdi tahe sagag tuumman ka saggi kajmeti uskeel inno kaluguꞌddo inno liikakajo on usu laka liikaje, iꞌdaasenyi uskeeloo rucchul laka ma gelin.

Yoohana 8:34

Yeesso wihi us ilaabe, “Rume atin icheeka, eti tuummane uskeel yeelo, a iꞌdoo us bowꞌdati uskeelaas yitah.

Luuka 4:1

Yeesso usuhi Rubeyti Munyee buuhisse hawti Yoordane ꞌdusso kasoonokhte, Rubeyti Munyee la woyte hidaad geesse.

Rooma 7:25

Waakh weyti kalaꞌd ilaaba! A mehe Yeesso Kiriistohi Kamureene ka, Waakh a isoofure. Kola ꞌdeerka saggi an ijiro a iꞌda, maleey ka an a bowꞌdati amurreti Waakh. Iꞌdaasenyi wihi uureey goya kijiro uskeel imoono ka, ani a bowꞌdati miigti uskeel.