Rooma 7:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ ꞌDeerka amurretaas haaggane ani omoot ikeente? Mele, iꞌdaaru laka iꞌdaas mee. Uskeele iꞌdaas yeele, amurretaas haaggan kasookoosse, omoot keene ꞌdee uskeel saggi us rumanka uskeel iyahe laarga. Toro la alohi amurre saggi uskeel rumanka wihi weyti suuje iyahe iche inno tusaan.

Rooma 7:13 Referans Kwoze

Galaatiya 3:21

ꞌDeerka amurre Muusa ichoow ayyinti goorat Waakh gooche a isbuusanyahiine elannaay? Waakh meesseen bujiiy! A mehe chiꞌ amuroo jiro keeno jiro, iꞌdaas ka ꞌdeerka amurreti laraaho ka Waakh enenyet ꞌdooꞌdi ortiis ka fiffissane iekkaacha.

Rooma 8:3

Wihi amurre Muusa yeelin iubaaꞌdan jeenteti wihi uurasseen goya kijiro uskeel imoono ꞌdarsicheen u, Waakh a yeele. Waakh weeliiski kaldaye sooerge, soorriyoti uskeel yitah. Weeliiska la iꞌdi weeli enenyet u sarti weeli enenyete uskeel lehe khabe. Waakh ꞌdeerka uskeeli weeli enenyet sartiis kijiro hukkume sina igooche,

Rooma 5:20

Amurre Muusa a lakasookhaye ꞌdee amurreti lajebcho kakhayanta, iꞌdaasenyi maanti uskeel kakhayme, weyti ꞌdirihiissa haaggi Waakhe buurenye inno imunneynan kakhayme.

Mattaayo 28:8

ꞌDeerka oboorri usuhi roorro khabo iꞌdaasenyi hamaado goꞌd kabahe, oryeen abattitiissa icheekaanee.

Luuka 20:16

A yamiite, ꞌdooꞌdaas gos kireeste bakkicha ꞌdee gos ꞌdooꞌdoo addan gessa.” Chirri ꞌdooꞌd ayta daage ka wihi us yidah, “Waakh meesseen bujiiy!”