Rooma 6:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ A mehe wihi inno garanni, Kiriisto omoot a lakasookahche gone, maantoo addan toro ma yamuut. Omoote kola usu miigtoo rucchul laka ma kakhabto.

Rooma 6:9 Referans Kwoze

Rooma 6:14

A mehe uskeel kola ma atin dakhti, iꞌdi tahe jirotiin ka wihi amurre Muusa atin kaꞌdoonto mee atin dakhti, haaggi Waakhe buurenye inno imunneynane atin dakhta.

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Ibiraaniya 7:25

Maantaka usu ꞌdooꞌdi usu leeyamiite Waakh iirti tuum ribin a yabuuꞌd. Iꞌdi tahe usu kol tuummamba a jira, ꞌdee ꞌdooꞌda Waakh a ihawwaasta.

Rooma 5:14

Chiꞌiche iꞌdaas tahe laka, uus maanti Aadam harrata kijire ichoowka maanti Muusa, omoot on weeli enenyet dakhatte. Aadam amuri Waakhe raahiwwaaye. ꞌDooꞌdi uskeeli Aadam yeele iyeelin laka, omoot on dakhatte. Toollaka Aadam a iyookkoti Kiriistohi yomboka yimiy.

Ibiraaniya 7:16

Ulla jeenteti us amura usuhi hiiy Laawi kayamiit iꞌdoono ibuuhiche kuhaani ma itaahane, iꞌdaasenyi jeenteti miigtiisti jirotiisti jirtuu imassanne kuhaani iyitah.

Rooma 6:4

Maantaka baattissiyoti inno labaattissiye ka, a iꞌdoo inno Kiriisto leenumuyye toro la inno laleehawwaale. Saggaas goorat Kiriisto Aabbahiis weynaantiis ka omoot ikasookahche, saggaase inno laka toolla jirotoo husub ijirra.

Rooma 6:10

Us koloo kalday on yumuyye jirtuu tuumman miigti uskeel jejjebche, iꞌdaasenyi jiroti us jiro, a ti us Waakh ijiro.