Biblia Todo Logo
Bib sou entènèt

- Piblisite -




Rooma 6:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

23 Iꞌdi tahe gunnaanki eti uskeel yeelo laguto, a omoot. Iꞌdaasenyi siinti Waakh iꞌdaanu enenyet siicho, a jiroti jirtuu imassan. Waha la a chirri inno ichoow Yeesso Kiriistohi Kamureene ba wohoo kalday nahe.

Gade chapit la Kopi




Rooma 6:23
41 Referans Kwoze  

Eti tuummane Weeli Waakh rummeeste, jiroti jirtuu imassan a khaba. Iꞌdaasenyi eti tuummane Weeli Waakh ꞌdiiꞌdo jiro ma khabo. A mehe holi Waakh usu a fuula.”


Maantaka uskeel maanti goorat us harra soogele etoo kaldache keene, uskeeli etaas la omoote ꞌdub kasookhabe. Omoottaas weeli enenyet tuumman itaaꞌhte, a mehe weeli enenyet tuumman uskeel a yeele.


ꞌDeerka inkoo uskeelaas liimoono lasoouume ka, uskeel dessa. Uskeel la chuꞌus tuum weynaate, omootti armaanjireen dela.


Iꞌdi tahe wihi Aabbaheey ꞌdoono a mehe ya, a usuhi eti ani iarge toro irummeeste tuumman jiroti jirtuu imassan ꞌhelo. Anna ibeenki ꞌdaꞌddaboot icho tuumman omoot a kasookahcha.”


“ꞌDeerka ꞌdabi armaanjireene goya irtaane, iꞌdaasenyi ki fiffissan jiroti jirtuu imassanne ꞌhela.”


“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.


Iꞌda ka saggi uskeeli weeli enenyet yeele omoot ikeene idakhtuu, saggaas on haaggi Waakhe buurenye inno imunneynan weeli enenyet idakhta, ꞌdee Waakh Yeesso Kiriistohi Kamureene ka ꞌdooꞌdi fiffissan inno iekkaacha, toro jiroti jirtuu imassan ꞌhella.


Waakh eti tuummane garrahsati haag on yeelo, jita ka la Waakkhi usu koolicho, inkaanyit tuso toro la jiroti ituumin siicho yowti, jiroti jirtuu imassanne siicha.


ꞌDooꞌdi ani isooraaho la jiroti jirtuu imassanne siicha, icho la jirtuu ma yamuutiin. Et dahanteey ikasaro mele.


Iꞌdaasenyi ꞌdooꞌdi burꞌdeyyee ichoow ki Kiriisto irummeysan ichoow ki wihi biꞌdire tuumman yeelo ichoow ki enenyet dubunuunu yagiis ichoow ki sohoꞌddarri kaassohti ichoow ki tibaato khabo ichoow ki iyookkoyyohi waakkhakh lakayeessi wahti ichoow ki beeno leh tuumman, meessicho a beyti ꞌdabe iꞌdi lahawti kibiriiꞌd ibolokhto. Waha a omootti lammaatteet.”


Wora rummaat ichoow kakhuufnaankaas la khajjeeli saggi icho jiroti jirtuu imassanne goorat Waakkhi been igoon geeddi harra liisoouumin iayyiche ikhabaane siicha.


A mehe jeenteti amuroo kaldaye lajebcho goorat eta kalday yeele u, omoote etaas kalday ka tuum a inno dakhatta. Iꞌdaasenyi wihi Yeesso Kiriisto inno iyeele, geeddoo meheenye wahaas kussanyahiin. Siinta haaggi Waakhe buurenye inno imunneynan ichoow siinti us ꞌdooꞌdi fiffissan inno iekkaacho a inno siiche. Siinta ka ꞌdooꞌd jiroti soorinnaane ꞌhela.


Wihi atin rumanka garattaan a mehe ya, eti tuummane etoo addan isibahche iꞌdi bowꞌduu raaho wihi kamuriis kaꞌdoono yeela. Atin a bowꞌdayyohi uskeele omoot isohti ommos atin a bowꞌdayyohi ayti Waakh raaho ꞌdee us ꞌdooꞌdi fiffissan iekkaacho.


Iꞌdi tahe at usu antohi us ꞌdooꞌdi harra tuumman kaanti a isiisse. Ulla ꞌdee ꞌdooꞌdi at kiis kayeesse tuumman, jiroti jirtuu imassan siicha.


Siimonhi Beetero layadeeh wihi us ilaabe, “Kamur ayyo addane iiranna? Ati kaldaye yeedi jiroti jirtuu imassan lakeelo khabta.


Gololi dowwa on kheerowo hol iidowina, iꞌdaasenyi gololi ikheerowine ꞌdooꞌdi yuhum jirtuu tuumman jiro, Ínam Aadam atin siicho hol idowa. Iꞌdi tahe Waakkhi Aabbaheene saggi us usu iꞌdoono on igooche.”


Waha la a wihi Kiriisto inno iayyiche, a jiroti jirtuu imassanne inno ꞌhello.


ꞌDooꞌdi tuummane raahnaanki us amurre Muusa raaho kanool a falanyahe. A mehe wihi chiiran, “Eti orey ikasohanne wihi Buuggi amurre Muusa kachiiran tuumman iraahin a falanyahe.”


Iꞌdaasenyi eti tuummane bicchehi an siicho yabhuub, jirtuu tuumman ma subgaati. Bicchehi an siicho la, goytiis ka iꞌdi issi bicchehi jiro lakeelo yateehiine, jiroti rummaate jirtuu imassanne ꞌhela.”


Waakh la ꞌdooꞌdi gos goocho mujjume guta. Gurnaanka icho soogoochaan la, a ꞌdooꞌdi jiroti jirtuu imassan ꞌhelo. ꞌDeerka ꞌdee eti gurnaan il kachibe, ichoow ki gurnaan goocho ba isleehamaadaan.


Icho wihi fissane Waakh enenyet kaꞌdoono us ꞌdooꞌdi jiroti iꞌdee jiro omoot ikagoocho a gartaan. Eheetteey laka, icho orey on isohtaane, uskeel yeelaane, toro la ꞌdooꞌdi addane wihi iꞌdaase yeelo laka leekhabtaan.


Uskeeli atin yeesseene toolla la atin kalakhaanyeysattaan, indigir us atin ikeene mele. Wihi us keeno dakkhamba a omoot on.


Malassi ꞌdooꞌdi wihi uurassicho goya kijiro uskeel imoono dakhtaan, omoote ꞌhela. Iꞌdaasenyi mali Rubeyti Waakh dakhatti, jiro ichoow nebeye ꞌhela.


A mehe chaꞌat wihi uuraah goya kijiro uskeel imoono on raahto, rumanka a tamuut. Iꞌdaasenyi chaꞌat Rubeyti Munyee ka uskeeli uuraah imoono tagiis a jirta.


An wihi an tissibo a mehe ya, walah jirtuu dakkhan ꞌdooninti Kiriisto inno ꞌdoono inno kagoocho mele. Omoot ommos jiro ommos herti Waakh ommos ginnayyo ma inno kagoochaan. Wihi toolla jiro ommos wihi sooyomboocho ommos miigti Seytaan laka ma inno kagoochaan.


Wihi sereyta daayan sartiis kijiro ommos harrata iliche kijiro laka ma inno kagoochaan. Wihi Waakh soouume tuumman goyaka laka, wohoo kaldaye ꞌdooninti Waakh Yeesso Kiriistohi Kamureene ka inno ꞌdoono inno kagoon yabuuꞌd ma jiraan.


Swiv nou:

Piblisite


Piblisite