Rooma 6:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Iꞌdaasenyi toolla miigti uskeel a atin lakasoofure, bowꞌdayyohi Waakhe titaaheen. Indigirti atin ꞌhessaan munya atin iwoyta, waha la jiroti jirtuu imassanne delaan.

Rooma 6:22 Referans Kwoze

1 Beetero 2:16

Saggi ꞌdooꞌdi lasoofure ijira. Iꞌdaasenyi furnaankaas atin lasoofure akagirꞌdaamina suujoon ayeelina. Saggi falfayyohi Waakh ijira.

Rooma 6:18

Uskeeli goorat sam atin dese a atin lakafure, atin kola a bowꞌdayyohi Waakhe, ulla ꞌdooꞌdi fiffissane atin iekkaacha.

Rooma 8:2

Iꞌdi tahe runti gaan Rubeyti Waakh Yeesso Kiriisto ka jiro kikeenta, runtaas gaan la uskeeli omoot keeno a kaasoofurta.

Yoohana 8:32

Runti Waakh a abattaane, runti Waakh la a atin furta.”

Galaatiya 5:13

ꞌDooꞌd Kiriistokaaw, Waakh furnaanki us atin soofuro iche atin iwahe gone, atin bowꞌdayyohi amurre mee. Iꞌdaasenyi furnaankaas akagirꞌdaamina, wihi uurassiin goya kijiro uskeel imoono araahina, taba ꞌdooninti atin isikhabtaan ka isifala.

1 Koriinto 7:22

Iꞌdi tahe eti maanti Kamur wahe bowꞌda eheet, Kamur ka a eti furan. Iꞌdaasu la, eti maanti Kamur wahe furneet, a bowꞌda Kiriisto.

1 Beetero 1:9

a mehe rubeyohiin a laribe. Wahaase Yeesso Kiriisto ikakhuufteen.

Galaatiya 1:10

An weeli enenyete kahamaadin ꞌdoona? Mele! An Waakhe kahamaadin ꞌdoona. Chaꞌan uliba enenyet kahamaadin ꞌdoono, an toolla bowꞌda Kiriisto mee.

Rooma 6:14

A mehe uskeel kola ma atin dakhti, iꞌdi tahe jirotiin ka wihi amurre Muusa atin kaꞌdoonto mee atin dakhti, haaggi Waakhe buurenye inno imunneynane atin dakhta.

Galaatiya 5:22

Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,

Rooma 7:4

Iꞌdaasu laka ꞌdooꞌd Kiriistokaaw, atin omoot Kiriisto ka amurre Muusa kola ma atin dakhatti, a mehe atin toolla a koo Kiriistohi Waakh omoot kasookahche, ꞌdee atin la wihi Waakh ꞌdoono dessaan.

Rooma 6:21

Uskeeli atin yeesseene toolla la atin kalakhaanyeysattaan, indigir us atin ikeene mele. Wihi us keeno dakkhamba a omoot on.

Mattaayo 25:46

“ꞌDeerka ꞌdabi armaanjireene goya irtaane, iꞌdaasenyi ki fiffissan jiroti jirtuu imassanne ꞌhela.”

Tiito 1:1

Eti khadaaba kisoochiiro a ani Baawulohi ilbooyi Waakhenye, toro la ergaano Yeesso Kiriistee. Anna a liisoobahche, ꞌdee ꞌdooꞌdi Waakh soobahsate gargaara Waakh mujjum kakhuufa, toro la wori rummaate Kiriisto miinsane jiroti Waakh ꞌdoono lajiro icho woya.

Kolossaay 1:10

Waakhe atin iwahna, ꞌdee jiroti Kamur inkaanyitto toro kahamaadisso jirtaan. Iꞌda ka sagag tuumman ka enenyet haag a iyeessaane, abannaanki atin Waakh abattaan la a kakhayma.

Fiiliffi 4:17

An siinti chilimme mee atin kayowdi, wihi buurenye Waakh berri atin ikakhayo yowda.

Fiiliffi 1:11

Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.

Efeesso 5:9

A mehe banayha gurnaanki us delo a haag tuumman ichoow wihi fissan tuumman ichoow wihi rummaat tuumman.

2 Koriinto 3:17

Toollaka Kamur a Rubey. Inti Rubeyti Kamur kijirto la enenyet a furanyahe.

Rooma 7:25

Waakh weyti kalaꞌd ilaaba! A mehe Yeesso Kiriistohi Kamureene ka, Waakh a isoofure. Kola ꞌdeerka saggi an ijiro a iꞌda, maleey ka an a bowꞌdati amurreti Waakh. Iꞌdaasenyi wihi uureey goya kijiro uskeel imoono ka, ani a bowꞌdati miigti uskeel.

Yoohana 15:16

Atin ani ma isoobahsan, iꞌdaasenyi ani atin soobahsade, toro hiloo atin korche, ꞌdee gurnaan bihissaan, gurnaanki fiddiyo bihissaan. ꞌDeerka jeenteti atin keey itahiin u, Aabbaheey wihi tuummane atin daahtaan, a atin siicha.

Yoohana 15:2

Aabbaheey la eti tuummane iꞌdi liikhimeet u ani ikatoollo gurnaan idelin, a goocha. Eti tuummane iꞌdi liikhimeet u gurnaan delo la, Aabbaheey mujjume yeela, ꞌdee gurnaanki buure bahcha.

Yoohana 4:36

Waakh la ꞌdooꞌdi gos goocho mujjume guta. Gurnaanka icho soogoochaan la, a ꞌdooꞌdi jiroti jirtuu imassan ꞌhelo. ꞌDeerka ꞌdee eti gurnaan il kachibe, ichoow ki gurnaan goocho ba isleehamaadaan.

Mattaayo 19:29

Eti tuummane minan ommos walaalinyetiis ommos albehi leedesse ommos aabbahiis ommos abartiis ommos nyaakhutiis ommos gosiis jeenteti us abattiteey iyahuu kasootabe la, kol kude wahaas us kasootabe ꞌdirihiis ꞌhela, toro la jiroti jirtuu imassan laka a ꞌhela.

Mattaayo 13:43

ꞌDeerka ꞌdooꞌdi fiffissan la goob Aabbahicho goyaka iꞌdi banayhi orraheet u a ababa. Eti dogo khabo, a daago giꞌde.”

Mattaayo 13:40

“Saggaas haraam liibukkhicho ꞌdab ka liigubo, ibeenki yomboot laka iꞌdaas on yateeh.

Bakkaahit 7:13

ꞌDeerka ewweenkaas kichokoo wihi us iworsate, “ꞌDooꞌda kabuuꞌddeta khabo a ayyo illeh? Toro la intoh kayimaateen?”

Yaakoobo 1:1

Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

Kolossaay 4:12

Ebaabarahi kiinenye, falfa Yeesso Kiriistee, a atin soobariitiche. Us kol tuumman geeddi us yabuuꞌde hol dowa Waakh atin isoowaha, ꞌdee mujjum tolossaane, iiꞌdowtaane, ꞌdee wihi tuummane Waakh atin kaꞌdoono rumanka abattaan.

Ibiraaniya 12:14

Hol dowa ꞌdee weeli enenyet tuumman nebey kaleefiddiya, toro la ꞌdooꞌdi munyee ateeha. Iꞌdi tahe eti tuummane munya ieheynan, jirtuu Kamur ma argo.